Morgunblaðið - 06.12.2003, Blaðsíða 6

FRÉTTIR
6 LAUGARDAGUR 6. DESEMBER 2003 MORGUNBLAÐIÐ
NÝSTÁRLEGRI þjónustu í reyk-
vískum skemmtanaiðnaði hefur verið
hleypt af stokkunum með fyrirtæki
Jóns Kára Hilmarssonar „Nightlife
friend“. Um er að ræða leiðsögn um
reykvíkst skemmtanalíf og hefur Jón
Kári ráðið til sín fjóra starfsmenn og
sinnir hann leiðsögustarfinu ásamt
þeim. Verið er að stofna sérstakt fyr-
irtæki um starfsemina og leggur Jón
Kári áherslu á að ekki sé um að ræða
fylgdarþjónustu eða „Escort service“
að neinu leyti. Engar konur verða
ráðnar í leiðsögumannshlutverkið,
þótt konur séu að sjálfsögðu velkomn-
ar í viðskiptamannahópinn til jafns á
við karla.
Kvöldið kostar alltaf 25 þúsund
krónur og geta fjórir viðskiptavinir
skipt þeim kostnaði með sér. Innifalið
er leiðsögn og for-
gangur fram fyrir
biðraðir á vinsæl-
ustu skemmtistaði
borgarinnar.
„Leiðsögumað-
ur hittir viðskipta-
vinina og leiðir þá í
gegnum helstu
skemmtistaðina
eða þar sem fjörið
er hverju sinni, allt
eftir óskum þeirra,“ segir Jón Kári.
Hann vann lengi hjá Flugleiðum og
hefur tekið á móti fjölda útlendinga
og farið með þeim og tekið þátt í
skemmtanalífi borgarinnar. „Það var
oft kallað í mig þegar erlenda fjöl-
miðlamenn eða aðra bar að garði og
ég beðinn um að sýna þeim hvað væri
á seyði í næturlífi Reykjavíkur.“ Þeir
leiðsögumenn sem munu vinna hjá
Jóni Kára þekkja vel til í skemmtana-
lífinu og alla sem skipta máli á þeim
vettvangi. Innifalið í verði er að kynna
útlendingana fyrir þessu fólki hvar
sem til þess sést.
„Sjálfur hef ég ferðast til margra
borga þar sem ég þekki engan og veit
ekkert hvert ég á að fara til að
skemmta mér. Ári seinna hef ég síðan
lagt leið mína að nýju til sömu borgar
en þá hitt vini sem sýna mér allt hið
áhugaverða og með því hef ég upp-
lifað borgina algjörlega upp á nýtt.
Þetta er nákvæmlega það sem ég býð
mínum viðskiptavinum upp á. Það
verður fylgst mjög vel með því að
halda sig víðsfjarri öllu því sem ólög-
legt getur talist.“
Nýtt fyrirtæki veitir
leiðsögn um næturlífið
Jón Kári
Hilmarsson
HNEFALEIKANEFND ÍSÍ
ákvað á fundi í gær að herða regl-
ur í ólympískum hnefaleikum
vegna slyssins í Eyjum fyrir viku.
Á fundinum var einnig rætt um
kókaínsmyglið á þriðjudag og fjöl-
miðlaumræðu.
Í yfirlýsingunni nefndarinnar
segir:
„Staðfest er að farið var eftir
öllum öryggisreglum og brugðist
var rétt við þegar í ljós kom að
íþróttamaðurinn fann til höfuð-
verks. Nefndin vonar að hann sé á
batavegi og sendir honum baráttu-
og batakveðjur. Við athugun og
skoðun á myndbandi af bardag-
anum kemur í ljós að íþróttamað-
urinn fékk hnakkahögg, sem ekki
eru lögleg og kunna að vera orsök
meiðslanna. Ákveðið var að bíða
frekari rannsókna á meiðslum
íþróttamannsins og hafa fullt sam-
ráð við landlækni og lækna heila-
og taugadeildar Landspítala - há-
skólasjúkrahúss hvernig bregðast
skuli við, að niðurstöðum fengnum.
Nefndin ákvað að herða reglur
um eftirfarandi:
a) Hnakkahögg verða ekki liðin
og varða brottvísun þess sem upp-
vís verður að slíku höggi. Við
ítrekuð brot verður viðkomandi
settur í keppnisbann.
b) Til að keppandi fái keppn-
isleyfi verður viðkomandi að hafa
stundað íþróttina hjá viðurkenndu
félagi í íþróttahreyfingunni í
a.m.k. 6 mánuði.
c) Viðureignir verða styttar
þannig að keppandi sem ekki hef-
ur náð 10 viðureignum mun keppa
í þrjár lotur, 1,5 mín. að lengd
hver, í stað fjögurra lota í 2 mín.
hver.
Þá ákvað nefndin að leyfa ekk-
ert keppnishald fyrr en ofan-
greindar breytingar á keppnis-
reglum hafa fengið staðfestingu
framkvæmdastjórnar ÍSÍ.
Smyglmálið
Samkvæmt fréttum frá sýslu-
mannsembættinu á Keflavíkurflug-
velli voru tveir menn á dögunum
teknir fyrir að smygla miklu
magni af eiturlyfjum, klæddir í
„landsliðsbúning hnefaleika-
manna“. Nefndin fordæmir það
framferði, að verið sé að villa á sér
heimildir með því að klæðast
merktum íþróttabúningum og vís-
ar frá sér allri ábyrgð á meintum
hegningarlagabrotum þessara
tveggja manna.
Rétt er að taka fram að enginn
landsliðsbúningur hefur verið í
notkun í hnefaleikum. Nefndin
vekur athygli á því að umræddir
einstaklingar hafa látið af störfum
fyrir hnefaleikahreyfinguna vegna
brota á samningum og samstarfi
við Hnefaleikafélag Reykjavíkur
og ÍSÍ, fyrr á þessu ári. Nefndin
vísar frekari aðgerðum í þessu
máli til framkvæmdastjórnar ÍSÍ,
sbr. 35 gr. laga ÍSÍ.
Rangar fullyrðingar
Fullyrt hefur verið í fjölmiðlum
að sex alvarleg slys hefðu hlotist
af völdum högga í ólympískum
hnefaleikum í Bretlandi á síðustu
árum, þar sem þrír hafi látist og
þrír hafi hlotið alvarlega heila-
skaða. Þessum fullyrðingum er
mótmælt. Samkvæmt upplýsingum
frá dr. Tony Attwood, formanni
læknanefndar Amateur Boxing
Association í Englandi, eru þessar
staðhæfingar úr lausu lofti gripnar
og alrangar.
Nefndinni þykir miður sú nei-
kvæða umfjöllun, sem fram hefur
farið að undanförnu um hnefaleik-
ana. Hér er um alþjóðlega við-
urkennda íþróttagrein að ræða,
sem hefur verið bönnuð í nær
hálfa öld á Íslandi, skemmtilega og
vinsæla íþrótt, sem margir vilja
stunda. Hún er að fóta sig á nýjan
leik innan þess ramma laga, réttar
og skyldna sem íþróttahreyfingin
setur, undir forystu ÍSÍ, og það er
von okkar og trú að áhugamenn
um hnefaleika og keppendur á
þeim vettvangi fái tækifæri til að
sanna tilverurétt sinn í anda
drengskapar og leikreglna. Nefnd-
in mun kappkosta að fylgja og fara
eftir þeim reglum og öryggisatrið-
um, sem standast ítrustu kröfur.“
Undir yfirlýsinguna rita Engil-
bert Olgeirsson, formaður, Guðjón
V. Sigurðsson, Konstantín M.
Mikaelsson og Bubbi Morthens.
Morgunblaðið/Eggert
Hnefaleikanefnd ÍSÍ auk forseta ÍSÍ. Frá vinstri: Kristinn J. Reimarsson starfsmaður, Bubbi Morthens og Eng-
ilbert Olgeirsson, Ellert B. Schram, forseti ÍSÍ, og loks Guðjón V. Sigurðsson og Konstantín Mikaelsson.
Reglur í boxinu
verða hertar
Í LEIÐARA blaðsins sl. mið-
vikudag var vitnað til greinar
Ólafs Hergils Oddssonar hér-
aðslæknis, þar sem tilgreind
voru dauðsföll í áhuga-
mannahnefaleikum. Að gefnu
tilefni skal áréttað að skýrsla
sú, sem Ólafur Hergill vísaði
til í grein sinni, var gerð á
vegum Brezku læknasamtak-
anna (BMA) árið 1993 en náði
til fleiri landa en Bretlands.
Þannig voru þeir þrír áhuga-
mannahnefaleikarar, sem þar
er sagt frá að hafi látizt, Breti
(árið 1987), Perúmaður (1991)
og Bandaríkjamaður (1992).
Árétting
„MÉR finnst eðlilegt að NATO komi
að uppbyggingu í Írak með sama
hætti og í Afganistan,“ segir Halldór
Ásgrímsson utanríkisráðherra en
Colin Powell, utanríkisráðherra
Bandaríkjanna, hvatti Atlantshafs-
bandalagið til að taka að sér stærra
hlutverk í Írak á utanríkisráðherra-
fundi í Brussel sl. fimmtudag.
Aðspurður hvort Íslendingar
kæmu með beinum hætti að upp-
byggingunni segir Hallór að ákveðið
hafi verið að Íslendingar tækju þátt í
mannúðaraðstoð í Írak. „Það hefur
einnig verið í undirbúningi að við
ættum einhverja samvinnu við Dani
en þeir eru með fólk á svæðinu,“ seg-
ir hann.
Halldór sat ráðherrafundinn í
Brussel fyrir Íslands hönd og segir
að andrúmsloftið á fundinum hafi
verið með þeim hætti að menn vildu
gjarnan ná saman um uppbygg-
inguna í Írak. „Það tóku margir und-
ir með Colin Powell þótt aðrir segðu
minna. En það andmælti enginn
þessum hugmyndum.
Það er greinilega mikill vilji að ná
samstöðu á nýjan leik innan banda-
lagsins og á ég von á að Atlantshafs-
bandalagið taki að sér meira hlut-
verk í Írak. Samkvæmt ályktun
Sameinuðu þjóðanna er það vilji ör-
yggisráðsins að alþjóðasamfélagið
komi með stekrari hætti að málinu
og er greinilegt að Bandaríkjamenn
eru að snúast meira í þá átt. Má
segja að Colin Powell hafi staðfest
það á fundinum í Brussel,“ segir
Halldór.
Halldór Ásgrímsson tekur
undir hugmyndir Colins Powell
Eðlilegt að NATO
komi að upp-
byggingu í Írak
LÖGREGLAN í Reykjavík handtók
tvo unga menn í gærmorgun vegna
tilraunar til bankaráns í Landsbank-
anum við Gullinbrú í Reykjavík.
Lögreglunni var tilkynnt klukkan
9.50 um að maður vopnaður sveðju
hefði rænt bankaútibúið og brást
við með því að loka hverfinu meðan
á lögregluleit stóð yfir. Vísbend-
ingar lögreglu leiddu hana síðan á
spor tveggja manna sem voru hand-
teknir, hvor á sínum staðnum.
Höfðu báðir náðst hálfri klukku-
stund eftir að tilkynning um ránið
barst eða kl. 10.22. Rannsókn máls-
ins er á frumstigi, að sögn lögreglu.
Um fyrsta bankaránið mun að
ræða sem mistekst á árinu en
rammt hefur kveðið að bankaránum
allt frá því fyrsta rán ársins var
framið í Hafnarfirði 1. apríl sl.
Samkvæmt upplýsingum bankans
var unnið eftir fyrirfram gerðri
áætlun um aðgerðir til að aðstoða
lögregluyfirvöld, veita starfsfólki
aðstoð og vinna að frekari for-
vörnum. Fulltrúar yfirstjórnar og
sérfræðingar voru á staðnum til að
veita aðstoð og áfallahjálp.
Vill Landsbankinn þakka lögregl-
unni í Reykjavík fyrir skjót og
örugg viðbrögð.
Morgunblaðið/Júlíus
Lögreglan var fljót á vettvang og handtók hina grunuðu á skömmum tíma.
Tveir handteknir
vegna ránstilraunar