Morgunblaðið - 06.12.2003, Blaðsíða 81

BRÉF TIL BLAÐSINS
MORGUNBLAÐIÐ LAUGARDAGUR 6. DESEMBER 2003 81
GUNNAR Óskarsson skrifar bréf
sem birtist í Morgunblaðinu
fimmtudaginn 4. desember, undir
yfirskriftinni „Ég held ég gangi
heim, held ég gangi heim“.
Við hjá Strætó bs. kunnum
Gunnari bestu þakkir fyrir tilskrif-
ið, við fögnum allri málefnalegri
umræðu um strætó og eflingu al-
menningssamgangna á höfuðborg-
arsvæðinu.
Varðandi það tilvik sem Gunnar
nefnir í bréfinu, þ.e. að ferðast frá
Hátegisvegi í Selás, viljum gjarnan
koma á framfæri eftirfarandi
sjónarmiðum: Á liðnu sumri tókum
við í notkun „ráðgjafann“ á vef
okkar. www.bus.is (einnig www.-
straeto.is) Unnt er að skrá upp-
hafs- og áfangastað inn í ráðgjaf-
ann, sem kemur um hæl með
tillögur um ferðaval.
Við gerum okkur grein fyrir því
að þessi hugbúnaður er ekki galla-
laus, og e.t.v. nokkrum takmörk-
unum háður. Þannig velur ráðgjaf-
inn ætíð þær biðstöðvar sem eru
næstar heimilsföngunum sem valin
eru, en það kann hins vegar að
vera mun raunhæfari kostur að
leggja á sig örlítið lengri göngu en
fá í staðinn góða tengingu. Fjar-
lægð frá biðstöðinni á Rauðarár-
stíg að Hlemmi er u.þ.b. 400 metr-
ar. Þaðan gengur leið 10, og tekur
ferðin frá Hlemmi í Selás rúmar 20
mínútur.
Gunnar bendir réttilega á að leið
10 gangi ekki á kvöldin og einungis
kl. 11–17 á laugardögum. Ef farið
er utan þess tíma sem leið 10 er í
akstri, er t.d. hægt að taka leið 15
frá Hlemmi í Ártún, en tímaáætl-
anir leiðar 15 og 110 eru samstillt-
ar í Ártúni, þannig að biðtími er lít-
ill sem enginn. Þannig tekur ferðin
frá Hlemmi í Selás með þessum
skiptum u.þ.b. 25 mínútur. Eins og
sjá má af þessum dæmum er ráð-
gjafinn okkar því miður ekki full-
kominn hvað þetta varðar, og því
bendum við farþegum okkar á að
leita sér upplýsinga í leiðabókinni
eða með því að hafa samband við
upplýsingasímann 540 2700, til að
fá upplýsingar um alla valkosti í
þeim tilvikum sem ráðgjafinn kem-
ur með tillögur um svo langan
ferðatíma eins og var í þessu til-
viki.
Heildarendurskoðun
Nú stendur yfir heildarendur-
skoðun leiðakerfis Strætó bs., sem
reiknað er með að taki gildi um
mitt næsta ár. Hið nýja leiðakerfi
mun taka mið af ferðaþörf á höf-
uðborgarsvæðinu, og mun tíðni
ferða verða aðlöguð eftirspurninni.
Þannig má gera ráð fyrir aukinni
tíðni á álagstímum, miðað við það
sem nú tíðkast.
Strætó bs. vinnur markvisst að
eflingu almenningssamgangna á
höfuðborgarsvæðinu, m.a. með
endurskoðun leiðakerfisins, upp-
töku rafræns greiðslukerfis og
aukins, samræmds forgangs í um-
ferðinni. Við viljum gjarnan að al-
menningssamgöngur verði raun-
hæfur valkostur, ekki einungis
fyrir þá sem ekki eiga eða geta ek-
ið bíl, heldur einnig fyrir þá sem
kjósa að ferðast með almennings-
samgöngum af öðrum ástæðum.
Okkur er í sjálfu sér ekkert að
vanbúnaði að skipuleggja strætó-
ferðir þannig að þær séu bæði örar
og fari um allt, en við búum hins
vegar við takmörkuð fjárráð. Far-
gjaldatekjur Strætó bs. duga fyrir
u.þ.b. 40% rekstrargjaldanna,
þannig að eigendur byggðasam-
lagsins (sveitarfélögin á höfuð-
borgarsvæðinu) þurfa að fjár-
magna það sem á vantar í
rekstrinum, auk fjárfestinga. Með
því að efla almenningssamgöngur
tekst okkur vonandi að minnka
framlagsþörfina og bæta þjón-
ustuna, öllu samfélaginu til hags-
bóta.
Með kveðju frá Strætó bs.,
ÁSGEIR EIRÍKSSON,
framkvæmdastjóri.
Tökum
strætó!
Frá Ásgeiri Eiríkssyni
Á UNDANFÖRNUM dögum hefur
minna borið á auglýsingum verslana
fyrir jólavertíðina en auglýsingum
Öryrkjabandalagsins þar sem þing-
menn þjóðarinnar eru hvattir til að
standa við orð sín. Í sjálfu sér eru
þetta verðug hvatningarorð sem
mætti raunar beina til allrar þjóðar-
innar á öllum stundum ársins. Það
breytir því ekki að við lestur þessara
auglýsinga í útvarpi og birtingu
þeirra í stærstu dagblöðum landsins
hefur vaknað sú spurning hjá mér og
eflaust fleirum hvað öll herlegheitin
kosti? Yfirleitt er óskapast yfir aug-
lýsingaflóði stjórnmálaflokkanna rétt
fyrir kosningar og mætti raunar
halda að forystumenn Öryrkjabanda-
lagsins væru að undirbúa framboð til
Alþingis og það þremur árum fyrir
næstu kosningar.
Ég vil vinsamlegast óska eftir því
að Garðar Sverrisson, sá ágæti for-
maður Öryrkjabandalagsins, gefi sér
tíma til að svara eftirfarandi spurn-
ingum:
1. Hversu mikið auglýsingaherferðin
muni kosta þegar uppi er staðið?
2. Hvort hann telji peningunum vel
varið á þennan hátt og hvort ekki
væri nær að verja þeim peningum
sem í herferðina fara til hjálpar
þeirra sem bágust hafa kjörin?
3. Hvort fólk geti talið peningum sín-
um vel varið í styrkjum til Banda-
lagsins og aðildarfélaga þess ef þeir
fari að stórum hluta til auglýsinga-
herferða gegn sitjandi ríkisstjórn?
STEFÁN E. STEFÁNSSON,
nemandi við guðfræðideild HÍ,
Helgugötu 5, 310 Borgarnesi.
Opið bréf
til formanns
ÖBÍ
Frá Stefáni Einari Stefánssyni
Í MORGUNBLAÐINU 3. desem-
ber sl. er sagt frá tilraun sem gerð
var í Seattle í Bandaríkjunum þar
sem áhrif sólhatts á kvef í börnum
voru rannsökuð. Niðurstaða þess-
arar rannsóknar var sú að sólhattur
sé gagnslaus við kvefi í börnum á
aldrinum 2–11 ára. Undirritaður
hefur selt Echinaforce sólhatt á Ís-
landi í yfir 30 ár og heyrt reynslu
ótal einstaklinga sem notað hafa
vöruna með afar góðum árangri
fyrir sig og börnin sín. Sjálfur hef
ég ekki þurft á lyfjum að halda til
þessa dags, nota bara Echinaforce
sólhatt til að halda heilsunni í lagi
þegar umgangspestir herja á um-
hverfið.
Þegar vara verður vinsæl fjölgar
þeim oft ört sem fara að framleiða
vöruna til að krækja sér í skerf af
sölu hennar. Til að komast inn á
markað með lægra verði, freistast
margir til að nota lakara hráefni en
þeir sem fyrir eru. Sérhver rann-
sókn getur einungis sýnt árangur af
vörutegundinni sem notuð er í
rannsókninni. Sólhattur frá öðrum
framleiðanda hefði hugsanlega gef-
ið allt aðra niðurstöðu. Þótt það
komi ekki fram í fréttum íslenskra
fjölmiðla, taka vísindamennirnir
sem að þessari rannsókn stóðu það
skýrt fram, að gerðar hafi verið
fjölmargar rannsóknir með sólhatti,
m.a. Echinaforce, þar sem niður-
staðan var allt önnur en í þessari
rannsókn.
Í rannsókninni var notuð
óáfeng upplausn
 Þegar óáfeng upplausn er notuð,
nást aðeins vatnsleysanlegu efnin
úr jurtinni og skortir þá öll
áfengisleysanlegu efnin eins og
t.d. alkalóíða. Jurtalæknar allra
tíma hafa notað bæði vatn og
áfengi í jurtaveigar til að ná
virku efnunum úr plöntunum.
 Í óáfengum lausnum glatast
verðmæt rokgjörn efni um leið og
tappinn er tekinn af ílátinu sem
varan er í.
 Þegar sólhattur er unninn er yf-
irleitt öll jurtin notuð, bæði sá
hluti sem er ofanjarðar sem og
rótin. Með því að nota aðeins efri
hluta jurtarinnar og sleppa rót-
inni, eins og gert er í framleiðslu
þessa efnis, vantar mikilvæg virk
efni eins og sikóríusýru.
Í ljósi alls þessa er ekki hægt að
draga neinar ályktanir af virkni
Echinaforce taflna og urtaveiga út
frá þessari rannsókn.
Echinaforce er
skráð náttúrulyf
Lyfjastofnanir gera stóran mun á
bætiefni og náttúrulyfi. Til að fá til-
tekna vöru skráða sem náttúrulyf
þarf m.a. að sýna fram á virkni vör-
unnar með rannsóknum. Sólhattur
er bæði hérlendis og erlendis yf-
irleitt seldur sem bætiefni. Echina-
force sólhattur frá Bioforce er hins
vegar skráð náttúrulyf í mörgum
löndum. Echinaforce hefur í gegn-
um árin verið og er enn í dag ein-
hver vinsælasta vara sem Heilsu-
húsið selur. Fólk vill halda
heilsunni, fólk vill sleppa við kvef
og flensu, fólk vill líka forða börn-
um sínum undan þessum umgangs-
pestum. Væri fólk að kaupa Echina-
force aftur og aftur, haust eftir
haust ef áhrif af notkun þess væru
engin?
ÖRN SVAVARSSON,
Heilsa ehf., Sundaborg 1,
104 Reykjavík.
Tilraun með
sólhatt við kvefi á
börnum í Seattle
Frá Erni Svavarssyni
ATVINNA mbl.is
Kringlan 8-12, sími 568 6211.
Skóhöllin, Firði, Hf., sími 555 4420.
Glerártorgi, Akureyri, sími 461 3322
6.990
Áður 12.990
St. 36-47
Svartir/brúnir
Nýtt kortatímabil
FÓÐRAÐIR GORE-TEX
GÖNGUSKÓR