Morgunblaðið - 06.12.2003, Blaðsíða 96
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 6. DESEMBER 2003 VERÐ Í LAUSASÖLU 190 KR. MEÐ VSK.
Áskriftarsími 881 2060
Í FORMIBertelsson
Bókabú›in Hlemmi
Opi›: Laugard. 10-18, Sunnud. 13-18
Opi›: Virka daga 9-20
firáinn
áritar bók sína í dag kl. 15.00
ÖRYRKJAR fjölmenntu í Alþingishúsið í
gær til að fylgjast með atkvæðagreiðslu
um breytingartillögur við fjárlaga-
frumvarpið. Þingmenn úr stjórnarand-
stöðunni fluttu tvær breytingartillögur
um aukin fjárframlög til handa öryrkjum
svo, að sögn flutningsmanna þeirra, upp-
fylla mætti samkomulag ríkisstjórn-
arinnar við Öryrkjabandalagið frá því í
vor.
Báðar voru tillögurnar felldar með 32
atkvæðum stjórnarliða gegn 28 atkvæð-
um stjórnarandstæðinga.
Morgunblaðið/Jim Smart
Öryrkjar
fylgdust með
Fjárlögin/10–11
ÁRNI M. Mathiesen sjávarút-
vegsráðherra leggur í dag fram á
Alþingi frumvarp um línuívilnun
til handa dagróðrarbátum og
breytingar á úthlutun byggða-
kvóta.
Að sögn Árna fá dagróðrarbát-
ar 16% línuívilnun, sem hefur þá
þýðingu að dagróðrarbátar, sem
landa afla innan 24 tíma frá því
þeir fóru frá landi, fá að landa
16% umfram aflamark í þorski,
ýsu og steinbít.
„Það er hámark upp á 3.375
tonn á þorskinn á ári en það er
ekki sett hámark á ýsu og stein-
bít. Í frumvarpinu verður hins
vegar gert ráð fyrir heimild til að
setja hámark ef mál þróast með
þeim hætti að það verði talið
nauðsynlegt,“ segir sjávarútvegs-
ráðherra.
Línuívilnun til veiða á þorski
tekur gildi í upphafi næsta fisk-
veiðiárs, 1. september 2004, en
ívilnun vegna steinbíts og ýsu tek-
ur gildi hinn 1. febrúar næstkom-
andi. Í frumvarpinu er einnig gert
ráð fyrir breytingum varðandi út-
hlutun byggðakvóta og verða svo-
nefndir byggðapottar lagðir af í
áföngum. Á móti kemur að gert er
ráð fyrir að heimildir skv. 9. grein
laganna um stjórn fiskveiða, sem
kveður á um að ráðherra hafi
12.000 tonn til ráðstöfunar til að
mæta áföllum í byggðarlögum sem
nýtt hafa verið vegna erfiðleika í
rækju- og öðrum skelfiskveiðum,
verði framvegis notaðar til að
styðja minni byggðarlög sem hafa
orðið fyrir verulegum samdrætti í
afla og þar sem upp kemur alvar-
legt ástand í atvinnumálum.
Sjávarútvegsráðherra segir að
með þessum breytingum séu tekin
upp almennari viðmið við stuðning
við byggðarlög sem hafa átt í erf-
iðleikum og byggðakvótarnir verði
notaðir á markvissari hátt en áður.
Kristni H. Gunnarssyni, þing-
manni Framsóknarflokks, líst
bærilega á þann þátt frumvarpsins
sem lýtur að línuívilnun. Kristinn
hafði boðað að hann myndi leggja
fram tillögur um línuívilnun í sjáv-
arútvegsnefnd en segir nú að þær
muni bíða.
Framsóknarmenn vilja
skoða byggðakvótann betur
Þingmenn Framsóknarflokksins
settu fyrirvara, að sögn Kristins,
við þann hluta frumvarpsins sem
varðar byggðakvóta og vilja skoða
þau atriði betur við meðferð frum-
varpsins í sjávarútvegsnefnd. „Það
var okkar lína og er að blanda
þessu ekki saman og að línuíviln-
unin væri viðbót.
Við vildum einnig auka byggða-
kvótann. Ef taka á byggðakvóta í
einhverjum mæli inn í þetta verð-
ur auðvitað minna gagn að þeim
og minni aukning í heildina, segir
hann.
Gert er ráð fyrir að frumvarpið
verði afgreitt sem lög fyrir jól.
Sjávarútvegsráðherra leggur fram frumvarp á Alþingi í dag
Línuívilnun og markviss-
ari úthlutun byggðakvóta
„VIÐ erum afskaplega óhressir
með að sjávarútvegsráðherra skuli
láta þingmenn Vestfjarða setja sig
í þá stöðu að leggja þetta fram. Við
lýsum vantrú okkar á þessu,“ segir
Björgólfur Jóhannsson, formaður
LÍÚ, um frumvarp sjávarútvegs-
ráðherra um línuívilnun dagróðr-
arbáta.
Útgerðarmönnum líst illa á
frumvarpið að sögn Björgólfs. „Við
teljum furðulegt að ráðamenn
skuli ætla að krukka í kerfið sem
menn vilja halda stöðugu. Ég held
að allar svona aðgerðir muni
veikja fiskveiðistjórnunarkerfið.
Það er ljóst að það er verið að taka
af einhverjum til þess að færa á
aðra. Þetta er mjög sértæk aðgerð
sem ég held að sé ekki til góðs fyrir
kerfið,“ segir hann.
Útvegsmenn
afar óhressir
GYRÐIR Elíasson fjallar um til-
hneigingu til þess að meta gildi
skáldsagna eftir lengd þeirra í viðtali
í Lesbók í dag.
Hann segir að
lengd skáldsagna
sé ekki höfuðat-
riði. „Spurningin
um 100, 300 eða
500 síður finnst
mér út í hött,“
segir Gyrðir, og
enn fremur: „Al-
mennt talað
finnst mér offitu-
vandi skáldsögunnar vera orðinn
geigvænlegur. Áður var talað um
borgaralegar skáldsögur, en nú
mætti tala um hamborgaralegar
skáldsögur!“
Gyrðir á tuttugu ára rithöfundar-
afmæli um þessar mundir en hann
kvaddi sér hljóðs með ljóðabókinni
Svarthvítum axlaböndum árið 1983.
Frumsamin verk hans og þýðingar
eru nú orðin 36 með ljóðabókinni Tví-
fundnalandi og skáldsögunni Hótel-
sumri sem hafa komið út á þessu ári.
Gyrðir Elíasson
Offituvandi
skáldsög-
unnar geig-
vænlegur
Langaði alltaf/Lesbók
Gyrðir
Elíasson
NÆGT framboð verður af rjúpum á borð
landsmanna fyrir þessi jól vegna innflutn-
ings á skoskum rjúpum frá Svíþjóð, sem
lykta jafnvel og íslensku rjúpurnar að sögn
Bjarna Óskarssonar, eiganda Sælkeradreif-
ingar ehf. Rjúpurnar eru fluttar til landsins
í gegnum fyrirtæki í Svíþjóð en eru ættaðar
af skoskum heiðum.
„Þetta er virkilega góður matfugl og lykt-
ar nákvæmlega eins og okkar og bragðast
mjög svipað, þannig að enginn þarf að vera
rjúpnalaus og enginn rjúpnamaður þarf að
lenda í jólakettinum,“ segir Bjarni.
Sælkeradreifing flutti rjúpur inn í fyrsta
skipti í fyrra en þá kom eftirspurnin fram
mjög seint og ekki náðist að flytja mikið inn
þá. Því var ákveðið að panta rjúpur tím-
anlega fyrir þessi jól og eru nú komnar
rjúpur í flestar búðir eða á leiðinni, alls um
5.000 fuglar. Dugi það ekki til á Sælkera-
dreifing fráteknar 10–15 þúsund rjúpur til
viðbótar og því auðvelt um vik að útvega
rjúpur eftir því hver þörfin verður.
Að sögn Bjarna er verðið á skosku rjúp-
unum á bilinu 1.100 til 1.400 krónur stykkið
út úr búð.
Skoskar
rjúpur fást á
jólaborðið
„ÉG vissi alltaf að baráttan yrði hörð
í leikjunum í heimsmeistarakeppn-
inni, en gerði mér vægast sagt ekki
grein fyrir að harkan yrði ekki minni
utan vallar. Harkan byrjaði strax
hér í Frankfurt eftir dráttinn, er tek-
ist var á um staðinn sem fulltrúar
þjóðanna sex í okkar riðli koma sam-
an á til að ákveða niðurröðun leikja
og leikdaga,“ sagði Eggert Magn-
ússon, formaður Knattspyrnu-
sambands Íslands, í gærkvöldi – eft-
ir að Ísland hafði dregist í riðil með
Svíþjóð, Króatíu, Búlgaríu, Ung-
verjalandi og Möltu í undankeppn-
inni fyrir HM í Þýskalandi 2006.
Eggert sagði að Svíar hefðu strax
boðist til að halda fundinn í Stokk-
hólmi mánudaginn 26. janúar. Það er
hefð fyrir því að sú þjóð sem er í
efsta styrkleikaflokki hvers riðils
haldi fundinn. Það voru ekki allir
ánægðir með það og Búdapest í
Ungverjalandi var nefnd til sög-
unnar. Möltubúar komu þá einnig
með boð. „Eftir nokkurt þref, þar
sem ekki náðist samkomulag um
fundarstað, var ákveðið að kasta
hlutkesti um fundarstaðinn og kom
nafn Möltu upp.
Eftir að hafa upplifað þessa uppá-
komu verð ég að segja að ég hef
áhyggjur af að ekki náist sættir um
leikdaga þegar sömu menn koma
saman á Möltu. Alþjóðaknatt-
spyrnusambandið verði þá að sker-
ast í leikinn og raða niður leikj-
unum,“ sagði Eggert.
Barátta Íslendinga í undankeppni HM í knattspyrnu strax hafin
Þjóðirnar tókust á um fundarstað
HM-dráttur/84, 85
GRÍÐARLEG stemning myndaðist í Vetrargarði
Smáralindarinnar í gærkvöld þegar fyrsta opna
úrslitakvöld IDOL-stjörnuleitar var haldið eftir
bráðskemmtileg undanúrslit.
Uppselt var á kvöldið, á bilinu sex til sjö
hundruð manns sátu í salnum og horfðu á, en
aðrir landsmenn létu sér nægja að horfa heima í
stofu.
Níu keppendur mættu til leiks í stjörnuleitinni í
gær en sjö halda áfram næsta föstudag og þannig
mun keppendum fækka koll af kolli þangað til
einn stendur uppi sem sigurvegari.
Morgunblaðið/Þorkell
Góð stemning á vel sóttri Stjörnuleit
♦ ♦ ♦