Morgunblaðið - 06.12.2003, Síða 66

KIRKJUSTARF
66 LAUGARDAGUR 6. DESEMBER 2003 MORGUNBLAÐIÐ
Minningarkort
Hjartaverndar
535 1825
Gíró- og greiðslukortaþjónusta
UM þessar mundir minnast sókn-
arbörn Ásprestakalls að 40 ár eru
frá stofnun þess og 20 ár frá því að
Áskirkja var vígð. Á sunnudaginn
kemur verður guðsþjónusta kl.
14.00 þar sem biskup Íslands hr.
Karl Sigurbjörnsson predikar, sr
Karl V. Matthíasson þjónar fyrir
altari og Guðrún Þórsdóttir djákni
mun lesa ritningarlestra. Kór Ás-
kirkju syngur ásamt blásarakv-
artett. Einsöngvari verður Hallveig
Rúnarsdóttir, organisti og kórstjóri
er Kári Þormar.
Að aflokinni guðsþjónustu verður
boðið upp á kaffi og aðrar veitingar
í safnaðarsal Áskirkju.
Að kveldi þess sama dags verður
aðventukvöld, þar sem kór Ás-
kirkju mun syngja aðventu- og jóla-
lög undir stjórn Kára Þormar. Hall-
dóra Björk Friðjónsdóttir, mun
syngja einsöng og flautuleikararnir
Magnea Árnadóttir og Hildur Þórð-
ardóttir munu leika á þessari að-
ventustund og hugvekju flytur svo
sr. Karl V. Matthíasson.
Í tilefni afmælisins er hafin fjár-
söfnun til að gera glerlistarskreyt-
ingu í stafnglugga kirkjunnar. Nú-
verandi og fyrrverandi félagar í
Ássókn eru hvattir til að koma og
eiga ánægjulega stund saman.
Jól í sorg og gleði
í Safnaðarfélagi
Dómkirkjunnar
NÚ líður að jólum og á öðrum
sunnudegi í aðventu mun sr. Hjálm-
ar Jónsson, dómkirkjuprestur fjalla
um „Jól í sorg og gleði“ á fundi
Safnaðarfélags Dómkirkjunnar.
Fundurinn verður haldinn í Safn-
aðarhemili Dómkirkjunnar í Lækj-
argörtu 14A sunnudaginn 9. desem-
ber kl. 12:00.
Safnaðarfélag Dómkirkjunnar er
vettvangur sóknarbarna og ann-
arra velunnara Dómkirkjunnar.
Þátttaka í Safnaðarfélaginu er því
ekki bundin við þá sem búa í Dóm-
kirkjusókn heldur er öllum þeim
sem áhuga hafa hjartanlega vel-
komið að sækja fundi. Fundarmenn
byrja á því að borða saman súpu og
brauð og síðan er flutt stutt erindi.
Erindin geta bæði verið um það sem
snertir kirkjuna og starf hennar
eða það sem er efst á baugi í þjóð-
félaginu. Fundir eru á sunnudögum
kl 12 einu sinni í mánuði yfir vetr-
armánuðina.
Fimm manna stjórn leikmanna
stýrir Safnaðarfélaginu og er Ingi-
björg Hjaltadóttir hjúkrunarfræð-
ingur núverandi formaður félags-
ins. Sem fyrr segir eru allir
velkomnir á meðan húsrúm leyfir.
Aðventukvöldvaka
Kórs Lindakirkju í
Glersalnum
Á MORGUN, sunnudaginn 7. des-
ember, heldur Kór Lindakirkju í
Kópavogi aðventukvöldvöku kl. 20 í
Glersalnum í Salahverfi.
Sungnir verða jólasöngvar frá
ýmsum löndum og frá ýmsum tím-
um, auk þess sem lesin verður jóla-
saga og sr. Guðmundur Karl Brynj-
arsson flytur hugvekju. Stjórnandi
Kórs Lindakirkju er Hannes Bald-
ursson en Svanhildur Sveinbjörns-
dóttir syngur einsöng með kórnum
á tónleikunum.
Kyrrðarstund í
Fríkirkjunni í
Hafnarfirði
ANNAÐ kvöld, sunnudagskvöld kl.
20 verður kyrrðarstund á aðventu í
Fríkirkjunni í Hafnarfirði og er hún
m.a. helguð minningu látinna ást-
vina.
Þótt aðventan sé flestum tími
gleði og eftirvæntingar er þessi
tími einnig erfiður mörgum og
tregablandinn.
Þau sem misst hafa ástvini sína
eða mætt öðru mótlæti, t.d. hjóna-
skilnaði finna oft sárar til á þessum
tíma. Þessi kyrrðarstund er ætluð
öllum þeim sem vilja eiga upp-
byggilega stund í kirkjunni sinni nú
þegar jólahátíðin nálgast.
Í upphafi stundarinnar gefst
kirkjugestum kostur á því að
tendra kertaljós í minningu látinna
ástvina. Ásamt safnaðarprestum
munu söngvararnir Örn Arnarson
og Erna Kirstín Blöndal hafa um-
sjón með stundinni og syngja m.a.
jólalög fyrir kirkjugesti.
Gerðubergskórinn
og kaffisala í
Breiðholtskirkju
SUNNUDAGINN 7. desember, ann-
an sunnudag í aðventu, fáum við
ánægjulega heimsókn í Breiðholts-
kirkju í Mjódd.
Þá kemur Gerðubergskórinn, kór
félagsstarfsins í Gerðubergi, og
syngur við messu kl. 14 undir stjórn
Kára Friðrikssonar, en sú skemmti-
lega hefð hefur skapast að kórinn
syngi við messu í kirkjunni þennan
sunnudag og hefur sú heimsókn
ávallt verið mjög vel heppnuð.
Einnig munu þátttakendur í fé-
lagsstarfinu í Gerðubergi, þær Jór-
unn Karlsdóttir, Kristjana V. Jóns-
dóttir og Margrét Eyjólfsdóttir,
lesa ritningarlestra og bænir. Vak-
in skal athygli á því að hér er um að
ræða breyttan messutíma frá því
sem venjulegast er í Breiðholts-
kirkju. Barnastarfið verður hins-
vegar á hefðbundnum tíma kl. 11.
Að messu lokinni verður kaffisala
kórs Breiðholtskirkju í safn-
aðarheimilinu og verður þá vænt-
anlega gripið í hljóðfæri að hætti
gestanna úr Gerðubergi.
Það er von okkar að sem flestir
safnaðarmeðlimir og aðrir velunn-
arar kirkjunnar og félagsstarfsins í
Gerðubergi hafi tækifæri til að taka
þátt í guðsþjónustunni og styðja síð-
an starf kirkjukórsins með því að
þiggja veitingar á eftir.
Sr. Gísli Jónasson.
Aðventukvöld í
Lágafellskirkju
AÐVENTUSAMKOMA verður í
Lágafellskirkju sunnudaginn 7.
desember kl. 20.30.
Ræðumaður kvöldsins verður
Halldór Ásgrímsson utanrík-
isráðherra. Gunnar Guðbjörnsson
tenór, Hanna Björk Guðjónsdóttir
sópran og ung stúlka, Sigrún Harð-
ardóttir, syngja einsöng. Skólakór
Mosfellsbæjar, og Kirkjukór Lága-
fellssóknar syngja. Stjórnandi
skólakórsins er Guðmundur Ómar
Óskarsson en organisti og kórstjóri
kirkjukórsins er Jónas Þórir. Fiðlu-
leikur verður í höndum Jónasar Þ.
Dagbjartssonar, Ingridar Karls-
dóttur og Guðnýjar Óskarsdóttur.
Sóknarprestur, sr. Jón Þor-
steinsson sér um ritningarlestur og
bæn.
Að lokinni aðventustundinni
verður kirkjukaffi í safnaðarheimili
Lágafellssóknar í Þverholti 3 í Mos-
fellsbæ. Allir velkomnir á meðan
húsrúm leyfir.
Sóknarprestur – sóknarnefnd.
Aðventuhátíð
Grindavíkurkirkju
AÐVENTUHÁTÍÐ Grindavík-
urkirkju verður sunnudaginn 7.
desember, sem er annar sunnudag-
ur í aðventu. Barnastarfið verður
kl.11:00 en aðventuhátíð kirkjunnar
hefst kl. 20:00 með blandaðri dag-
skrá í tali og tónum með þátttöku
barna og fullorðinna, m.a.: stúlkna-
kór, blásarasveit og nemendur Tón-
listarskólans flytja jólalög. Stjórn-
endur eru Gunnar Kristmannsson
og Rósalind Gísladóttir. Ferming-
arbörn lesa og Kór Grindavík-
urkirkju syngur. Organisti: Örn
Falkner. Prestur: Sr. Jóna Kristín
Þorvaldsdóttir.
Sóknarnefndin.
Annar í aðventu í
Hjallakirkju
Á MORGUN, annan sunnudag í að-
ventu, verður messa kl. 11 í Hjalla-
kirkju, Kópavogi. Félagar úr kór
kirkjunnar leiða safnaðarsönginn,
en sungnir verða fallegir aðventu-
sálmar í tilefni dagsins. Eftir há-
degi kl. 13 verður barnaguðsþjón-
usta en þá munum við tendra
Betlehemskertið á aðventukrans-
inum. Barn verður borið til skírnar
og brúðurnar Rebbi refur og Sól-
veig kíkja í heimsókn.
Aðventutónleikar kórs Hjalla-
kirkju hefjast svo kl. 20 um kvöldið
en kórinn mun flytja aðventu- og
jólalög frá ýmsum löndum og tím-
um. Allir eru hjartanlega velkomn-
ir.
Aðventukvöld
Árbæjarkirkju
AÐVENTUKVÖLD Árbæjarkirkju
hefur verið mörgu safnaðarfólki
upphafið að undirbúningi komu
jólanna. Þetta er notaleg stund þar
sem reynt er að höfða til fjölskyld-
unnar hvað efnisval varðar. Stundin
hefst kl.20 með forspili og ávarpi
formanns sóknarnefndar Sigrúnar
Jónsdóttur. Kynnir kvöldsins er
Birgitta Thorsteinson. Að-
alræðumaður kvöldsins er Dagur B.
Eggertsson. Kirkjukórinn syngur
nokkur verk og barnakór kirkj-
unnar sem stofnaður var síðastliðið
haust kemur fram og syngur tvö
lög. Stjórnandi kórana og organisti
er Krisztina Kalló Szklenár. Hjör-
leifur Valsson og Hlín Erlendsdóttir
leika á fiðlu og Örnólfur Krist-
jánsson á selló. Sr. Sigrún Ósk-
arsdóttir prestur kynnir og tendrar
á tveimur kertum aðventukransins.
Sr. Þór Hauksson sóknarprestur
flytur hugvekju og í framhaldi af
því munu fermingarstúlkur flytja
helgileikinn „Konungurinn kemur
til þín“. Kvöldið í kirkjunni endar á
því að slökkt er á ljósum og kerti
kirkjugesta tendruð og sunginn
sálmurinn „Heims um ból“.
Þá er kirkjugestum boðið til safn-
aðarheimilisins og gæða sér á pip-
arkökum og heitu súkkulaði. Það er
von okkar sem að þessu kvöldi
standa að sem flestir sjái sér fært að
koma og eigi góða og uppbyggjandi
stund í kirkjunni sinni.
Biskup Íslands í
Grensáskirkju
BISKUP Íslands, herra Karl Sig-
urbjörnsson, prédikar við messu í
Grensáskirkju á morgun, 7. des., kl.
11.
Annar sunnudagur í aðventu er
vígsludagur Grensáskirkju en um
þessar mundir eru sjö ár frá vígslu
nýju kirkjunnar.
Jafnframt er um þessar mundir
haldið upp á 40 ára afmæli Grens-
ássafnaðar sem stofnaður var
haustið 1963 og fyrsti sóknarprest-
urinn, sr. Felix Ólafsson, kjörinn í
embætti í des. það haust.
Aðventu- og fjöl-
skylduhátíð í
Hafnarfjarðarkirkju
SUNNUDAGINN 7.desember, sem
er annar sunnudagur í aðventu,
verður þá haldin fjölskylduhátíð til-
einkuð aðventunni í Hafnarfjarð-
arkirkju. Hefst hátíðin kl. 11.00.
Allir leiðtogar beggja sunnu-
dagaskóla kirkjunnar taka þátt.
Barn verður borið til skírnar og
unglingakórinn syngur undir stjórn
Helgu Loftsdóttur. Sungnir verða
aðventu- og jólasöngvar og farið í
leiki. Prestur er sr. Þórhallur
Heimisson og segir hann glærusögu
tengda aðventunni en hljómsveit
leiðtoga leikur undir söng ásamt
gestum sínum.
Eftir hátíðina í kirkjunni er boðið
upp á kakó og smákökur í safn-
aðarheimilinu. Strætisvagn ekur
frá Hvaleyrarskóla kl.10.50 og
heim aftur 12.20. Kirkjurútan ekur
líka að venju.
Aðventutónleikar
í Seljakirkju
SUNNUDAGSKVÖLDIÐ 7. desem-
ber kl. 20 verða haldnir aðventu-
tónleikar í Seljakirkju. Kór kven-
félagsins, Seljur, undir stjórn
Vilbergs Viggóssonar, Karlakór
Kjalnesinga undir stjórn Páls
Helgasonar og Valskórinn, undir
stjórn Guðjóns S. Þorlákssonar
flytja aðventutónlist. Verið velkom-
in.
Miðnæturtónleikar
í Krossinum
GREG Lowery’s Worship Band frá
Alabama verður með miðnæt-
urtónleika í Krossinum laugardags-
kvöldið 6. desember kl. 10.30. Greg
Lowery’s Worship Band hefur gert
víðreist og m.a. leikið fyrir forseta
Bandaríkjanna.Tónlistarhópurinn
GIG mu einnig koma fram. Aðgang-
ur er ókeypis.
Bandarískur kven-
prestur talar um
málefni Palestínu
í Neskirkju
SÉRA Mary Lawrence prédikar við
messu í Neskirkju, sunnudaginn 7.
desember kl. 11 og talar á fundi í
safnaðarheimilinu kl. 20 og svarar
fyrirspurnum. Prédikun hennar
verður þýdd jafnóðum á íslensku.
Mary Lawrence er prestur í Meþ-
ódistakirkjunni í Bandaríkjunum –
United Methodist Church – sem
fékk sig leysta frá sóknarstarfi í
Massachusettes til að helga sig frið-
arstarfi í Palestínu. Hún hefur í
þrjú ár verið þátttakandi í starfi
CPT – Christian Peacemaker Team
– í Hebron, sem er samkirkjulegt
verkefni, allt frá árinu 1985.
40 ár frá stofnun
Ásprestakalls
Morgunblaðið/Þorkell