Morgunblaðið - 06.12.2003, Blaðsíða 85

ÍÞRÓTTIR
MORGUNBLAÐIÐ LAUGARDAGUR 6. DESEMBER 2003 85
„ÞAÐ þýðir ekkert að
vera að væla, heldur að
bretta upp ermarnar og
bera höfuðið hátt. Ég sé
fyrir mér spennandi bar-
áttu fimm þjóða – Íslands,
Svíþjóðar, Króatíu, Búlg-
aríu og Ungverjalands –
allt fram á síðasta dag.
Mótherjar okkar óttast
Reykjavík og vonandi á sá
ótti eftir að magnast,“
sagði Eggert Magnússon, formaður
Knattspyrnusambands Íslands, eft-
ir að búið var að draga í riðla í und-
ankeppni HM í Frankfurt í gær-
kvöldi. „Þetta eru allt sterk landslið
og ég vona að strákarnir okkar eigi
eftir að skemmta áhorfendum á
Laugardalsvellinum þegar mót-
herjar okkar koma í heim-
sókn. Við stefnum að sjálf-
sögðu á annað sætið í
riðlinum – einnig að
hækka okkur um styrk-
leikaflokk. Baráttan getur
orðið æsispennandi,“
sagði Eggert.
Undankeppnin hefst í
september 2004 og reikn-
ar Eggert með að Ísland
leiki fjóra landsleiki í sept-
ember og október.
Þegar Eggert var spurður hvort
Knattspyrnusambandið tapaði ekki
miklum fjármunum að lenda ekki á
móti stærri þjóðum í riðli, sagði
hann. „Nei, við töpum engu. Við
vorum búnir að selja sjónvarpsrétt-
inn fyrir tveimur árum.“
Mótherjar okkar óttast
að leika í Reykjavík
Eggert
ENSKA knattspyrnufélagið
Manchester United baðst í
gær afsökunar á ummælum
Alex Fergusons, knatt-
spyrnustjóra, sem hann við-
hafði eftir að Arsenal var
refsað fyrir ólætin sem urðu í
viðureign félaganna í úrvals-
deildinni í september.
Ferguson sagði þá að fólk
um allt England grunaði að
Arsenal hefði samið við enska
knattspyrnusambandið um
refsingarnar. Fjórir leik-
menn Arsenal fengu leik-
bönn, samtals í 9 leiki, og
voru sektaðir, auk þess sem
Arsenal var sektað um 175
þúsund pund, rúmar 22 millj-
ónir króna.
Í tilkynningu sem Man-
chester United gaf út í gær
var sagt að félagið hefði ver-
ið fullvissað um það af enska
knattspyrnusambandinu að
sögur um samkomulag við
Arsenal ættu ekki við nein
rök að styðjast.
Beðist af-
sökunar á
ummælum
Fergusons
 HEIÐAR Helguson er tilbúinn í
slaginn með Watford sem mætir
Nottingham Forest í ensku 1. deild-
inni í knattspyrnu í dag. Heiðar hefur
verið frá keppni vegna meiðsla í hné
undanfarna þrjá mánuði en er orðinn
heill heilsu. Óvíst er þó að hann fari
beint í byrjunarlið Watford því Ray
Lewington, knattspyrnustjóri félags-
ins, taldi í gær líklegast að það yrði
óbreytt frá síðasta leik.
 HOSEIN Kaebi, 17 ára piltur frá
Íran, hefur vakið athygli enskra liða
og hann verður næstu þrjár vikurnar
í herbúðum Wolves til reynslu. Kaebi
hefur, þrátt fyrir ungan aldur, leikið
15 A-landsleiki fyrir Íran og spilaði
þar fyrst 16 ára gamall. Hann er
miðjumaður sem einnig getur leikið í
vörn.
 HARRY Kewell, Ástralinn snjalli,
verður ekki með Liverpool í næstu
leikjum liðsins í ensku úrvalsdeildinni
í knattspyrnu. Hann meiddist á ökkla
í leiknum gegn Bolton í deildabikarn-
um í vikunni.
 KEWELL verður ekki með gegn
Newcastle á morgun og ekki heldur
gegn Southampton og Wolves. Þá er
tvísýnt hvort hann nái leikjum Liver-
pool milli jóla og nýárs, gegn Bolton
og Manchester City.
 KEWELL hefur skorað 8 mörk fyr-
ir Liverpool í vetur en félagið keypti
hann frá Leeds síðasta sumar. Fjar-
vera hans nú er ekki síst slæm vegna
þess að Michael Owen er frá keppni
sem stendur vegna meiðsla í læri og
án þeirra tveggja er sóknarleikur
Liverpool ekki sérlega beittur.
 ALEX Ferguson, knattspyrnu-
stjóri Manchester United, mætti til
vinnu í gær eftir að hafa gengist und-
ir meðferð vegna smávægilegs
hjartakvilla á fimmtudag. Fyrir
nokkrum mánuðum kom í ljós við
rannsókn að Ferguson var með
óreglulegan hjartslátt en meðferðin á
fimmtudag leiddi í ljós að þetta var
ekkert alvarlegt.
 FERGUSON kallar á allar sínar
helstu stjörnur til leiks á ný gegn
Aston Villa í ensku úrvalsdeildinni á
morgun eftir að hafa gefið þeim frí
frá deildabikarleiknum við WBA í
vikunni. Ellefu leikmenn sem ekki
spiluðu gegn WBA koma inn í hópinn
á ný.
 DJIBRIL Cisse frá Auxerre,
markahæsti leikmaður frönsku 1.
deildarinnar í knattspyrnu, hefur
verið úrskurðaður í fimm leikja bann
með franska landsliðinu. Hann getur
því ekki leikið með því í úrslitakeppni
EM í Portúgal næsta sumar, nema
þá í úrslitaleik keppninnar. Cisse
fékk þennan stranga dóm vegna
framkomu sinnar eftir leik Frakka og
Portúgala í Evrópukeppni 21-árs liða
í síðasta mánuði en Frakkar voru þá
slegnir út eftir vítaspyrnukeppni.
FÓLK
1. Ítalía
2. Slóvenía
3. Skotland
4. Noregur
5. Hvíta-Rússland
6. Moldavía
1. England
2. Pólland
3. Austurríki
4. Wales
5. Norður-írland
6. Azerbaijan
1. Spánn
2. Belgía
3. Serbía/Svartfj.l.
4. Bosnía
5. Litháen
6. San Marínó
1. Svíþjóð
2. Króatía
3. Búlgaría
4. Ísland
5. Ungverjaland
6. Malta
Morgunblaðið/Einar Falur
Advocaat sagðist þó ekki ætla aðkvarta. „Þetta er nokkuð
strembinn riðill þar sem Rúmenar
og Finnar eru meðal annarra, en við
kvörtum ekki því þetta er alveg jafn
erfiður riðill fyrir Tékkana,“ sagði
þjálfarinn.
Flestir vildu losna við að fá Hol-
lendinga í sinn riðil því lið þeirra er
frábært þótt ekki hafi alltaf gengið
vel hjá því. „Það er erfitt að meta
hvort við duttum í lukkupottinn eða
ekki,“ sagði Karel Brueckner, lands-
liðsþjálfari Tékklands, eftir að öku-
þórinn Michael Schumacher hafði
dregið löndin saman.
Englendingar lentu í 6. riðli og
með þeim eru meðal annars Wales
og Norður-Írland. „Þetta er áhuga-
vert, mjög áhugavert. Við höfum oft
leikið við Pólland við svona kring-
umstæður og með góðum árangri.
Ég held þetta sé frekar hagstæður
dráttur fyrir okkur,“ sagði Sven
Göran Eriksson, landsliðsþjálfari
Englands.
„Auðvitað er þetta ekki hinn full-
komni dráttur, en hann er alls ekki
slæmur. Ég er sérstaklega ánægður
með að hafa ekki lent í riðli með Hol-
lendingum. Kosturinn er að þetta
eru stutt ferðalög fyrir okkur en við
skulum ekki vanmeta Wales því lið
þeirra hefur staðið sig vel á síðustu
stórmótum,“ sagði Eriksson.
Annar riðill er einnig áhugaverður
þótt ekki væri nema fyrir þær sakir
að grannarnir Grykkir og Tyrkir eru
í þeim riðli og hefur sjaldan verið
mikil ást á milli þessara þjóða, síst á
knattspyrnuvellinum. Danir eru
einnig í þessum riðli ásamt Úkraínu,
Georgíu, Albaníu og Kasakstan,
þannig að frændur vorir Danir þurfa
að ferðast talsvert í keppninni.
Nágrannar, sem ekki er mjög
hlýtt í millum, eru einnig í sjöunda
riðli en þar eru Serbía-Svartfjalla-
land og Bosnía, tvo ríki úr fyrrver-
andi Júgóslavíu. Þar eru einnig
Spánverjar og Belgar.
Rússar eru í þriðja riðli ásamt
fyrrum löndum sínum frá tveimur af
fyrrverandi sovétlýðveldum, Lett-
landi og Eistlandi. Portúgal er efst á
blaði í riðlinum: „Ég hef enga
reynslu af því að spila við þjóðir úr
Austur-Evrópu, en Portúgalar eru
vanir því og ég fæ allar nauðsynlegar
upplýsingar áður en til þessara
leikja kemur,“ sagði Luiz Felipe
Scolari, brasilískur landsliðsþjálfari
Portúgals.
Ítalir mæta Slóvenum, Skotum,
Norðmönnum, Hvít-Rússum og
Moldavíu í 5. riðli. „Ég er ekkert sér-
staklega ánægður með þennan riðil,“
sagði Giovanni Trapattoni, landsliðs-
þjálfari Ítala. „Leikmenn frá Norð-
ur-Evrópu eru líkamlega sterkari en
við og hafa oft gert okkur lífið leitt.
Hins vegar eru sumir riðlarnir erf-
iðari en okkar, en ég hefði kosið að
lenda í fjórða riðli, í staðinn fyrir
Frakka,“ sagði Trapattoni.
Frakka, sem urðu heimsmeistarar
1998, eru í fjórða riðli, sem flestir
telja auðveldasta riðil keppninnar.
„Við verðum að sýna öðrum liðum
virðingu og vitum að allir verða mjög
einbeittir þegar þeir mæta okkur,“
sagði Jacques Santini, landsliðsþjálf-
ari Frakka.
Misjöfn viðbrögð landsliðsþjálfaranna við riðlunum í undankeppni HM 2006
Rötum til Tékklands
„ÞAÐ er alveg óhætt að segja að við rötum til Tékklands. Við vitum
nákvæmlega hvernig við komumst þangað,“ sagði Dick Advocaat,
landsliðsþjálfari Hollendinga, eftir að ljóst varð að þeir lentu í A-
riðli fyrir Heimsmeistarakeppnina 2006 og eru þar ásamt Tékkum,
en þetta er í þriðja sinn í röð sem þessar þjóðir lenda í sama riðli.
Dregið var í riðla í gær og sýnist sitt hverjum um ágæti þeirra eins
og gengur og gerist.
Reuters
Sven-Göran Eriksson
5. RIÐILL 6. RIÐILL 7. RIÐILL 8. RIÐILL