Morgunblaðið - 29.01.2004, Síða 8

FRÉTTIR
8 FIMMTUDAGUR 29. JANÚAR 2004 MORGUNBLAÐIÐ
Já, já, Davíð, leikreglur og leikreglur, en ég á nú landið.
Ráðstefna um eyrnasuð
Hljóðið kemur
innan frá
Ráðstefna um eyrna-suð verður haldin áGrand Hóteli við
Sigtún á morgun, föstu-
daginn 30. janúar, klukkan
13 til 17. Það eru félagið
Heyrnarhjálp og Land-
læknisembættið sem sam-
an standa að ráðstefnunni.
Málfríður Gunnarsdóttir
er framkvæmdastjóri
Heyrnahjálpar.
– Hvað er eyrnasuð?
„Því er efitt að svara í
fáum orðum. Við getum
sagt að það sé einhvers
konar hljóð sem heyrist
inni í eyranu eða í höfðinu.
Hljóðið kemur ekki utan
frá og getur verið mjög
mismunandi milli manna.
Allt frá vægu suði og upp í
háværan són eða hamars-
högg. Vægt eyrnasuð er mjög al-
gengt fyrirbrigði og truflar ekki
mikið daglegt líf. Eyrnasuð á háu
stigi er aftur á móti mjög alvar-
legt heilsufarsvandamál.“
– Hversu algengt er eyrnasuð?
„Talið er að allt að 10–15% full-
orðinna hafi suð, sem er í með-
allagi. Þar er átt við suð sem er
stöðugt og truflar á einn eða ann-
an hátt daglegt líf, ekki síst svefn.
Auk þess er talið að 1,5–2%
manna þjáist af slæmu eða óbæri-
legu suði, sem rýrir mjög lífsgæði
og skerðir starfsþrek manna.
Eyrnasuði fylgir stundum heyrn-
arskerðing.“
Er hægt að lækna eyrnasuð?
„Tinnitus-pillan er ekki fundin.
Þó getur læknismeðferð stundum
komið að gagni. Erfitt hefur
reynst að uppræta eyrnasuðið
sjálft. Nokkur lyf eru þekkt sem
geta í mörgum tilfellum dregið úr
styrk suðsins og hjálpað mönnum
til að umbera hljóðin. Varasamt
getur verið að nota slík lyf lengi
því oft koma fram aukaverkanir.
Á síðari árum hefur æ meira verið
lögð áhersla á að gefa fólki tæki-
færi á stuðningsmeðferð og þjálf-
un. Þar á ég við svonefnda TRT-
þjálfun, tinnitus retraining ther-
apy, en hún gengur út á það að
þjálfa fólk til að hlusta ekki á suðið
og læra að forðast aðstæður sem
eru því erfiðar. Margir nota annan
hljóðgjafa til að hlusta á, velja tón-
list eða annað sem þeir einbeita
sér að. Eins hafa svokallaðar
óhefðbundnar lækningar reynst
mörgum vel.“
– Segðu okkur frá félaginu
Heyrnarhjálp…
„Félagið Heyrnarhjálp er
stofnað árið 1937 af heyrnarskert-
um og læknum þeirra. Félagið tók
strax að sér þjónustuhlutverk fyr-
ir þá sem búa við skerta heyrn og
önnur vandamál er lúta að heyrn.
Það sá um innflutning og úthlutun
heyrnartækja og síðar hjálpar-
tækja. Heyrnarhjálp er því fyrsti
vísirinn að Heyrnar- og talmeina-
stöð. Í dag rekum við þjónustu-
skrifstofu í Reykjavík, gefum út
Fréttabréf og höldum ráðstefnur
um mál sem við leggjum áherslu á
hverju sinni. Í nóvem-
ber 2002 héldum við
t.d. ráðstefnu um text-
un sjónvarpsefnis.
Texti á allt sjónvarps-
efni er eitt af okkar
mikilvægustu baráttumálum.
Eyrnasuð er áhersluverkefni okk-
ar núna, en almennt leggjum við
áherslu á upplýsingastarf og bætt
aðgengi fyrir fólk með heyrnar-
mein. Við sinnum fræðslustarfi á
stofnunum og hjá okkur er hægt
að fá upplýsingar um hjálpartæki
og önnur úrræði. Eins vil ég
benda á vef Heyrnarhjálpar:
heyrnarhjalp.is, en nýr vefur
verður formlega opnaður á ráð-
stefnunni.“
– Og ráðstefnan… hverjar
verða áherslurnar þar?
„Við viljum halda ráðstefnu
sem er faglega góð og þar sem
veittar eru staðgóðar upplýsingar
og fram fara skoðanaskipti milli
fagfólks og þolenda. Eins leggjum
við áherslu á að ráðstefnan sé öll-
um aðgengileg. Gestur ráðstefn-
unnar og aðalfyrirlesari er Georg
Træland, en hann er einn af for-
svarsmönnum í tilraunaverkefni,
sem unnið var í Arendal í Suður-
Noregi. Þar hafa þeir reynt þver-
faglegt meðferðarúrræði sem
byggist m.a. á TRT-þjálfun. Aðrir
fyrirlesarar verða úr íslenskri
læknastétt og sjónarmið þolenda
koma fram. Eyrnasuð verður rætt
út frá læknisfræðilegu sjónar-
horni, og þeirra sem þekkja mein-
ið af eigin raun. Tengd vandamál
verða rædd og tillögur starfshóps
um eyrnasuð verða kynntar. Fólki
gefst tækifæri til fyrirspurna og í
lokin verða pallborðsumræður.“
– Hver er tilgangur og mark-
mið ráðstefnunnar?
„Tilgangur ráðstefnunnar er að
leiða saman fagfólk og þolendur
eyrnasuðs, vekja umræðu um
þetta alvarlega heilsufarsvanda-
mál, sem hefur allt of lítið verið
rætt opinberlega. Og auðvitað
viljum við árangur, við viljum sjá
betri þjónustu við þolendur.“
– Fyrir hverja er ráðstefnan?
„Ráðstefnan er öllum opin og er
ókeypis. Við væntum þess að
þarna komi saman al-
menningur, heilbrigðis-
starfsmenn og ráða-
menn í stjórn- og
heilbrigðiskerfi. Þessi
ráðstefna er einstök er
varðar aðgengi og fræðsla um
málaflokkinn hefur ekki verið í
boði á þennan hátt áður.
Heilbrigðisráðherra mun
ávarpa ráðstefnuna og opna nýjan
vef Heyrnarhjálpar. Þekktur ís-
lenskur skemmtikraftur verður
með uppákomu í sal, en sá hefur
reynslu af eyrnasuði og mun
örugglega finna skoplegar hliðar á
þessu erfiða vandamáli.“
Málfríður Gunnarsdóttir

Málfríður Gunnarsdóttir er
framkvæmdastjóri Heyrnar-
hjálpar. Fædd í Reykjavík 25.
mars 1944. Kennarapróf 1964 og
stúdentspróf frá Menntadeild KÍ.
Aðjúnkt frá Sérkennaraháskól-
anum í Ósló 1974 og framhalds-
nám í heyrnarfræðum frá Há-
skólanum í Stokkhólmi 1983.
Ráðgjöf, kennsla og þjónusta við
börn með sérþarfir víða og um
árabil. Maki var Ólafur Ragnar
Eggertsson rekstrartæknifræð-
ingur og börn þeirra eru Eggert,
Már og Hanna Lára.
Skerðir
starfsþrek
manna