Morgunblaðið - 15.08.2004, Qupperneq 19

MORGUNBLAÐIÐ SUNNUDAGUR 15. ÁGÚST 2004 19
Ísland – Ítalía
18. ágúst
Sláum a›sóknarmeti›!
Öll fjölskyldan á völlinn!
F
í
t
o
n
/
S
Í
A
0
1
0
2
6
0
Trygg›u flér mi›a í Nesti og á völdum ESSO stö›vum
Mi›aver› 1000 kr. í stæ›i. 500 kr.16 ára og yngri.
Astral Weeks kom út 1968 og í
kjölfarið fylgdi önnur lítt síðri plata,
Moondance, sem kom út 1970. Önn-
ur afbragðs plata kom út það ár, His
Band and the Street Choir, Tupelo
Honey, enn ein snilldarskífan, kom
1971 og Saint Dominic’s Preview
1972. Reyndar má segja að allar
plötur sem Morrison sendi frá sér
frá 1968 til 1989 hafi verið fram-
úrskarandi, tuttugu breiðskífur alls,
sem verður að teljast harla gott.
Heldur hallaði undan fæti hjá hon-
um eftir það, en fyrir fjórum árum
komst hann aftur í gang með bráð-
skemmtilegri plötu, The Skiffle
sessions, þar sem hann tók fyrir
skiffle-músíkina sem hann ólst upp
við.
Frekari skoðun á fortíðinni
Frekari skoðun á fortíðinni fylgdi
í kjölfarið, fyrst platan You Win
Again sem hann gerði með Linda
Gail Lewis, systur píanóleikarans
og söngvarans Jerry Lee Lewis,
ágæt plata, og svo Down the Road
þar sem útsetningar laga draga
dám af rytmablús, djass, soul og
þjóðlagatónlist (reyndar vísar ekki
bara tónlistin til gamla tímans held-
ur einnig textarnir sem eru margir
fléttaðir úr alkunnum textafrösum
úr blús og djassi).
Eftir Down the Road, sem kom út
2002, kom það varla mörgum á
óvart þegar Morrison sté skrefið til
fulls á næstu plötu, What’s Wrong
With This Picture?, einkar við-
kunnanlegri djassplötu þar sem
Morrison fer hreinlega á kostum vel
studdur af frábærri djasssveit. Það
er svo til að ýta enn undir skemmti-
legheitin að Blue Note-útgáfan, sú
sama og gaf út Sydney Bechet-
plötuna sem kom Van Morrison af
stað í músíkinni á sínum tíma, gefur
út What’s Wrong With This Pict-
ure?
Í viðtali vegna plötunnar sagðist
Morrison aldrei hafa átt von á að
hann ætti eftir að gera samning við
Blue Note, honum hafi ekki einu
sinni dottið í hug að hann ætti ein-
hvern tímann eftir að taka upp
plötu. Hann segist þó kunna því hið
besta, enda vilji hann vera á mála
hjá útgáfu fyrir fullorðna sem spái í
tónlist en ekki poppdót fyrir
krakka.
Ekki djass, heldur blúsdjass
Þó Blue Note sé djassútgáfa og
What’s Wrong With This Picture?
almennt flokkuð sem djass er hún
ekki það sem flestir kalla djass í dag
(les: óskiljanleg), heldur blúsdjass
að hætti Litte Jimmy Rushing, Big
Joe Turner og álíka söngmeistara
fyrri tíma – frábær skemmtun.
Eins og nefnt er leikur Van
Morrison á tónleikum á Jazzhátíð
Reykjavíkur 2. október. Tónleikarn-
ir verða í Laugardalshöll og ekki
seldir nema 2.500 miðar í númeruð
sæti. Miðasala hefst í dag og líklegt
að skamma hríð taki að selja miðana
alla, en miðasalan fer fram á Netinu
og í síma. Sjá nánari upplýsingar á
vefsetrinu www.concert.is.
arnim@mbl.is