Morgunblaðið - 23.12.2004, Side 4

4 FIMMTUDAGUR 23. DESEMBER 2004 MORGUNBLAÐIÐ
FRÉTTIR
HÉRAÐSDÓMUR Vestfjarða
dæmdi í gær rúmlega þrítugan mann
í fjögurra ára fangelsi fyrir kynferð-
isbrot gegn fimm 12-14 ára unglings-
drengjum veturinn 2002-2003. Hann
var sýknaður af brotum gegn tveim-
ur drengjum og bótakröfum þeirra
vísað frá.
Maðurinn, Sigurbjörn Sævar
Grétarsson, var forstöðumaður fé-
lagsmiðstöðvar á Patreksfirði þegar
hann framdi kynferðisbrotin gegn
piltunum fimm en hann var áður af-
leysingamaður hjá lögreglu. Brotin
áttu sér stað í félagsmiðstöðinni.
Í dómnum segir að maðurinn hafi
sem forstöðumaður félagsmiðstöðv-
arinnar haft ákveðið boðvald yfir
drengjunum og þeir hafi litið upp til
hans. Þá hafi foreldrar og forráða-
menn treyst honum fyrir þeim og
það sé sérlega alvarlegt hvernig
hann hafi brugðist því trausti. Hann
hafi rætt við drengina sem voru á
viðkvæmu þroskastigi, um kynlíf og
kynþroska að því er virðist undir því
yfirskini að hann væri að fræða þá og
sýndi þeim í klámmyndir. Með þessu
virðist hann á kerfisbundinn hátt
hafa leitast við að gera þá móttæki-
lega fyrir kynmökum. Þótti aðferðin
sýna skýran og einbeittan brotavilja
hans. Dómurinn taldi að brotin gegn
drengjunum væru til þess fallin að
valda þeim sálrænu tjóni. Maðurinn
þótti ekki eiga sér neinar málsbætur.
Brotin gegn drengjunum fimm
voru misjafnlega alvarleg og mis-
jafnlega mörg. Alvarlegustu brotin
fólu í sér endurtekin kynferðismök,
önnur en samræði. Hann var sýkn-
aður af kynferðisbrotum sem hann
var sakaður um að hafa framið í
byrjun tíunda áratugarins gegn pilti
sem þá var 11-13 ára gamall og fyrir
meint kynferðisbrot í félagsmiðstöð-
inni gegn 12 ára dreng.
Brot mannsins varða við 202. gr.
almennra hegningarlaga en þar seg-
ir í 1. mgr. að hver sá sem hefur sam-
ræði eða önnur kynferðismök við
barn, yngra en 14 ára, skuli sæta
fangelsi allt að 12 árum. Önnur kyn-
ferðisleg áreitni en sú sem greint sé
á um í 1. mgr. varði allt að 4 ára fang-
elsi. Hann var einnig sakfelldur fyrir
brot gegn 209. gr. sem fjallar um
blygðunarsemisbrot.
Auk fangelsisrefsingarinnar var
maðurinn dæmdur til að greiða
þremur piltanna 700 þúsund í miska-
bætur, þeim fjórða 300 þúsund og
þeim fimmta 50 þúsund og til að
greiða hluta sakarkostnaðar.
Dómurinn var kveðinn upp af Er-
lingi Sigtryggssyni dómstjóra, með-
dómendur voru Greta Baldursdóttir
héraðsdómari og Þorgerður Er-
lendsdóttir dómstjóri. Sigríður Frið-
jónsdóttir sótti málið f.h. ríkissak-
sóknara en Gylfi Thorlacius hrl. var
til varnar.
Dæmdur í fjögurra ára
fangelsi fyrir kynferðisbrot
Reyndi kerfisbundið að gera drengina móttækilega fyrir kynmökum
EMANUEL R. Meyer,
fyrrverandi aðalfor-
stjóri og stjórnarfor-
maður Alusuisse, lést í
Zürich í Sviss 7. desem-
ber sl. 86 ára að aldri.
Meyer var helsti hvata-
maðurinn að byggingu
álversins í Straumsvík.
Kom hann oftsinnis
hingað til lands vegna
þess og raunar oftar
þar sem hann varð mik-
ill Íslandsvinur og gekk
á fjöll hérlendis.
Meyer var hagfræð-
ingur að mennt og
gekk árið 1942 til liðs við Aluminium-
Industrie-Aktien-Gesellschaft eins
og Alusuisse nefndist þá. Starfaði
hann fyrstu árin við ýmis verkefni í
Ungverjalandi og á aðalskrifstofum
fyrirtækisins. Árin 1947-48 stýrði
hann þýskri súrálsverksmiðju og
sinnti síðar ýmsum störfum í Evrópu
og Ameríku. Meyer sat
í stjórn Alusuisse í 22
ár. Hann varð aðstoð-
arforstjóri árin 1956-59
og aðalforstjóri 1960.
Gegndi hann því starfi
til ársins 1976 þegar
hann varð stjórnarfor-
maður. Í janúar 1986
hætti hann störfum
sem stjórnarformaður
og settist í helgan stein.
Árin sem Meyer
veitti Alusuisse for-
stöðu var framleiðslu-
geta fyrirtækisins á áli
og súráli aukin mjög og
hann hafði forgöngu um fjárfesting-
ar í Noregi, Bandaríkjunum, Þýska-
landi og á Íslandi. Einnig færði fyr-
irtækið út kvíarnar undir stjórn
hans, m.a. með stofnun fyrirtækja til
að afla hráefnis til álvinnslu, farið
var út í efnaframleiðslu og verk-
fræði- og þjónustustarfsemi aukin.
Andlát
EMANUEL R. MEYER
LÖGREGLAN í Reykjavík afhenti
fyrr í vikunni verðlaun þeim börn-
um sem skiluðu réttum lausnum í
umferðargetraun. Umferðarstofa
dreifði jólagetrauninni í samstarfi
við lögregluembættin, ríkislög-
reglustjóra og með stuðningi sveit-
arfélaga jólagetraun til grunn-
skólabarna á aldrinum 6 til 10 ára.
Hér tekur Róbert Snær Ólafsson
við verðlaunabók sinni hjá Gunnari
Helga Stefánssyni lögreglumanni.
Morgunblaðið/Þorkell
Börnin verðlaunuð
GEORG Kr. Lárusson, forstjóri
Útlendingastofnunar, hefur verið
skipaður forstjóri Landhelgisgæsl-
unnar frá og með
1. janúar næst-
komandi en þá
lætur Hafsteinn
Hafsteinsson,
núverandi for-
stjóri Landhelg-
isgæslunnar, af
störfum að eigin
ósk.
„Þetta leggst
ágætlega í mig
og ég er mjög
spenntur fyrir að takast á við þetta
verkefni,“ sagði Georg í samtali við
Morgunblaðið í gær.
„Ég er mjög þakklátur fyrir það
traust sem mér er sýnt, að fá tæki-
færi til þess að stýra þessari mikil-
vægu stofnun sem er Landhelgis-
gæslan,“ sagði Georg ennfremur.
Georg er fjórði maðurinn sem
titlaður verður forstjóri Landhelg-
isgæslunnar. Fyrstur til að bera
þann titil var Pétur Sigurðsson, síð-
an var Gunnar Bergsteinsson for-
stjóri og þá Hafsteinn Hafsteins-
son.
Aðspurður hvort hann væri eitt-
hvað farinn að leggja niður fyrir sér
hvaða áherslur hann myndi vera
með í starfinu, sagði hann að fyrst
væri að kynna sér innviði starfsem-
innar og kynnast starfsmönnum, en
almennt mætti segja að höfuðverk-
efnið væri að nútímavæða Land-
helgisgæsluna og þá sérstaklega
með hliðsjón af tækjakosti hennar
en samt sem áður innan marka fjár-
heimilda stjórnvalda.
Átta aðrir sóttu um embættið.
Næsti forstjóri Landhelgisgæslunnar
Þakklátur fyrir
auðsýnt traust
Georg Kr.
Lárusson
STJÓRN lífeyrissjóðsins Lífiðnar
hefur ákveðið að lækka vexti á nýj-
um sjóðfélagalánum Lífiðnar í
4,2%. Vextir lána með breytilegum
vöxtum lækka líka og verða 4,5%
Fram kemur í frétt frá sjóðnum
að að sjóðfélagalán Lífiðnar eru
alltaf uppgreiðanleg án upp-
greiðsluálags og einnig er alltaf
hægt að greiða inn á þau án álags.
Þá kemur fram að ákveðið hefur
verið að falla frá kröfu um samn-
ing um séreignasparnað við sér-
eignadeild sjóðsins sem skilyrði
fyrir veitingu lána með föstum
vöxtum, en áfram er gerð krafa um
fyrsta veðrétt. Engin hámarks-
fjárhæð er á sjóðfélagalánum, en
lánað er til 5-40 ára gegn veði í
fasteign.
Lífiðn lækkar
vexti í 4,2%
FJÓRAR íbúðir í sama húsinu í
Breiðholti urðu fyrir tjóni af völd-
um innbrotsþjófa í gær. Farið var
inn í tvær íbúðir á 3. hæð hússins og
stolið verkfærum úr annarri þeirra
og stórum Electrolux-ísskáp að
verðmæti 300 þúsund úr hinni. Í ís-
skápnum er ísmolavél sem tengd er
við vatnslögn. Var tengið rifið frá
lögninni með þeim afleiðinum að
vatn flóði um íbúðina og lak niður á
tvær íbúðir á hæðunum fyrir neðan.
Málið er í rannsókn hjá lögreglunni
í Reykjavík.
Stórtjón vegna
innbrots
FRÉTTASKRIF DV um Steingrím
Njálsson hafa verið kærð til lög-
reglunnar. Þetta staðfestir Hilmar
Ingimundarson hæstaréttarlög-
maður, sem sent hefur kæru til lög-
reglunnar fyrir hönd Steingríms en
Hilmar segir DV m.a. hafa birt
rangar fullyrðingar um skjólstæð-
ing sinn. Þarna séu á ferðinni sóða-
skrif og rangar sakargiftir sem DV
hafi sett fram að undanförnu sem
staðreyndir væru.
Hilmar nefnir sem dæmi skrif DV
um að Steingrímur hafi ráðist á
konu í húsinu þar sem hann býr og
að hann hafi komið á leikskóla, þóst
vera starfsmaður borgarinnar og
brýnt eldhúshnífa þar.
Kæra DV til
lögreglunnar