Morgunblaðið - 23.12.2004, Side 20

Höfuðborgin | Akureyri | Suðurnes | Austurland | Landið
Minnstaður
Höfuðborgarsvæðið Brjánn Jónasson, brjann@mbl.is, sími 569-1100. Suðurnes Helgi
Bjarnason, helgi@mbl.is, sími 569-1310 og 669-1310. Akureyri Margrét Þóra Þórsdóttir,
maggath@mbl.is og Kristján Kristjánson, krkr@mbl.is, sími 461-1600. Vesturland Ásdís
Haraldsdóttir, asdish@mbl.is, sími 898-5258. Austurland Steinunn Ásmundsdóttir, austur-
land@mbl.is, sími 669-1115. Árborgarsvæðið og Landið Helgi Bjarnason, helgi@mbl.is,
sími 569-1310 og 669-1310 og Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Úr
bæjarlífinu
Samstarf um rannsóknir | For-
stöðumenn Náttúrustofu Norðausturlands
á Húsavík og Náttúrurannsóknastöðvar-
innar við Mývatn undirrituðu nýlega form-
legan samstarfssamning.
Markmið samningsins, að því er fram
kemur á vef Náttúrustofunnar, er að koma
á samstarfi um rannsóknastarf, nýtingu að-
stöðu, og eftir atvikum kennslu og fræðslu
sem tengist Mývatni og Laxá. Í samn-
ingnum er lögð áhersla á að efla rannsókna-
og fræðastarf á sviði náttúrufræða í Þing-
eyjarsýslum og að samstarf stofnananna
leiði til þekkingar og menntunar í hæsta
gæðaflokki, sem standist í einu og öllu al-
þjóðlegan samanburð og stuðli að aukinni
atvinnu í héraðinu.
  
Unglingar útvarpa | Það hefur verið
gaman hjá ungmennum sem sækja félags-
miðstöðina Vest-End á Patreksfirði síðast-
liðna daga, en þau hafa starfrækt jólaút-
varpsstöð og mikið hefur verið um að vera.
Þau þeyta plötum og ræða um heima og
geima í þessu árlega jólaútvarpi sínu. Út-
varpið verður í loftinu fram að jólum og er
ásamt því að vera skemmtilegt og verðugt
verkefni fyrir krakkana hluti af fjáröflun
þeirra. Útvarpið er sent út á bylgjulengd-
inni FM 100,1.
  
Samlagið Listhús íKaupvangsstrætimun hætta starf-
semi nú um áramót.
Það hefur verið starf-
rækt síðastliðin 7 ár,
var opnað í desember
1997.
Samlagið hefur verið
vettvangur listafólks,
frá Akureyri og ná-
grenni, til að hafa verk
sín til sýnis og sölu.
Samlagið verður opið í
dag, Þorláksmessu, frá
kl. 13 til 19. Þá verður
opið á miðvikudag, 29.
desember og á fimmtu-
dag, 30. desember frá
kl. 13 til 17.
Þeir sem eiga gjafa-
kort eru vinsamlegast
beðnir að framvísa því
fyrir lokun, segir í
frétt frá Samlaginu og
þá er velunnurum og
viðskiptavinum þökkuð
tryggðin.
Samlagið
hættir
Samkaup færðu á dögunum Glerárkirkju hálfamilljón króna en fénu verður varið til að greiðasteinda glugga í kirkjunni. Við sama tækifæri
tóku fulltrúar Mæðrastyrksnefndar á móti einni milljón
króna í gjafabréfum fyrir skjólstæðinga nefndarinnar,
en féð mun að sögn koma sér vel nú þegar hvað mestar
annir eru hjá nefndarkonum fyrir jólahátíðina. Á
myndinni eru fulltrúar Glerárkirkju, Samkaupa og
Mæðrastyrksnefndar við afhendinguna, frá vinstri
Hermann Jónsson, sr. Gunnlaugur Garðarsson, Skúli
Skúlason, Sigríður Jóhannsdóttir, Ellert Gunn-
steinsson, Margrét Guðmundsdóttir, Sigmundur Sig-
urðsson, Stella Jónsdóttir, Gísli Gíslason og Jóna Berta
Jónsdóttir.
Morgunblaðið/Kristján
Góðar gjafir
Helgi Zimsen gerðisér það að leik ádögunum að yrkja
háttalykil. Hér eru nokkur
afbrigði sem skýra sig sjálf:
Stikluvikin stekk ég á
stöku til að botna.
Vondu orði víkja má
vissulega þannig frá.
Langhent kvæði lími saman
ljóðastöfum tylli nett.
Mönnum þykir mikið gaman
megni þeir að yrkja rétt.
Dverghent kvæði dugar mönnum
dável enn.
Formið knappa fimir könnum
frómu menn.
Stafhent kvæði stuðla kann,
stóran vanda ekki fann.
Formið einfalt færðu hér,
farðu svo að skemmta þér.
Breiðhent má nú bragsins formið
belgja sig um skjáinn hvíta.
Þið sem heima þreyttir dormið
þetta vel á skuluð líta.
Afhent kvæði ætla ég nú upp
að dikta.
Gaman er við form að fikta.
Háttalykill Helga
pebl@mbl.is
Flúðir | Margir kaupa blóm fyrir jólin og nota
til að skreyta hjá sér híbýlin eða til gjafa. Garð-
yrkjustöðin Land og synir á Flúðum sem Emil
Gunnlaugsson garðyrkjubóndi rekur ásamt son-
um sínum þeim Magnúsi, Gunnlaugi og Rafni, er
einn stærsti blómaræktandi landsins. Þar er
blómum pakkað á hverjum morgni, allt árið um
kring, og eigendurnir aka þeim rakleitt í versl-
anir enda mikilvægt að þau komist sem nýjustu
á markaðinn. Rafn segir að rauðir túlipanar og
rósir séu einna vinsælust af afskornu blómunum
fyrir jólin en aðrir litir og tegundir keyptir með.
Þá eru jólastjörnunar alltaf vinsælar á þessum
árstíma.
Mikið var að gera hjá Landi og sonum í gær-
morguni, eins og víða annars staðar fyrir jólin.
Izabella frá Póllandi var þar við pökkun ásamt
eigendum stöðvarinnar og öðru samstarfsfólki
þegar Selma Guðrún, dóttir Gunnlaugs, leit við í
gróðurhúsinu.
Morgunblaðið/Sigurður Sigmundsson
Jólablóm á leið á markaðinn
Garðyrkja
Bláskógabyggð | Stjórn Landverndar
hefur kært til umhverfisráðherra úrskurð
Skipulagsstofnunar um mat á umhverfis-
áhrifum Gjábakkavegar í Bláskógabyggð.
Telur stjórn Landverndar að vestur-
hluti vegastæðis sem valið hefur verið
fyrir Gjábakkaveg frá Laugarvatni til
Þingvalla muni hafi neikvæð áhrif á
landslag, það opni og óraskað svæði og að
veglagning mun hafa veruleg og óaftur-
kræf áhrif á eldhraun og gígaröð sem nýt-
ur sérstakrar verndar samkvæmt nátt-
úruverndarlögum og er sérstakt á
heimsvísu. Þá telur stjórnin að skoðun á
öðrum valkostum hafi ekki verið full-
nægjandi. Stjórnin vill að málið verði tek-
ið til frekari skoðunar og hefur því kært
úrskurð Skipulagsstofnunar til umhverf-
isráðherra. Stofnunin féllst á fyrirhugaða
lagningu Gjábakkavegar í síðastliðnum
mánuði með ákveðnum skilyrðum. Land-
vernd gerir nú þær kröfur að ráðherra
felli úrskurðinn úr gildi og vísi málinu til
nýrrar meðferðar hjá Skipulagsstofnun
og er þess krafist að þá fái svonefnd
„bætt leið 1“ efnislega umfjöllun sem val-
kostur til jafns við aðra leið sem fyrir val-
inu varð.
Stjórn Landverndar gerir einnig at-
hugasemdir við málsmeðferð og segir að
svo virðist sem skipulagsvald sveitar-
stjórnar sé notað með mismunun til að
draga fram kosti ákveðinnar leiðar. Þá
hafi ýmislegt í svörum Vegagerðarinnar
við athugasemdum ýmissa aðila verið
vafasamt, hæpið og jafnvel rangt. Loks er
bent á að stjórn Landverndar hafi gert
athugasemd við matsskýrslu, en henni
ekki verið svarað, hún ekki hrakin með
rökum og sé því enn í gildi.
Landvernd kær-
ir úrskurð um
Gjábakkaveg
Vestmannaeyjar | Vestmannaeyingum
hefur fækkað um 122 á einu ári og eru nú
4.227 skráðir með lögheimili í Eyjum.
Þetta kemur fram í nýjum tölum Hag-
stofu Íslands en miðað er við dagsetn-
inguna 1. desember ár hvert. Á sama
tíma í fyrra voru 4.349 skráðir með lög-
heimili í Eyjum.
Karlar eru heldur fleiri en konur í
Vestmannaeyjum en 2.193 karlar búa í
Eyjum en konurnar eru 2.034 og hefur
fækkað um 66 á einu ári.
Fækkar um
122 í Eyjum
♦♦♦
Skipt á húsnæði | Öxarfjarðarhreppur
skipti nýlega á húsnæði áhaldahússins og
húsi og tækjum Trémáls hf. Ætlunin er að
áhaldahúsið verði þar ásamt aðstöðu til tré-
smíða sem leigð verður út. Bókasafninu er
einnig ætlaður staður í Trémálshúsinu.
Byggðasafnið hefur verið aðþrengt „og
verður kærkomið að fá salinn sem bóka-
safnið hefur haft undir byggðasafnið líka,“
segir í frétt á vefnum dettifoss.is.
HÉÐAN OG ÞAÐAN