Morgunblaðið - 23.12.2004, Blaðsíða 46

46 FIMMTUDAGUR 23. DESEMBER 2004 MORGUNBLAÐIÐ
FRÉTTIR
LÁNASJÓÐUR landbúnaðarins
hefur ákveðið að styrkja Hjálpræð-
isherinn og Mæðrastyrksnefnd með
hluta þeirra fjármuna sem ætlaður
var til jólaundirbúnings.
Fjármununum verður varið til
kaupa á matvælum og leitaði sjóð-
urinn til Sláturfélags Suðurlands um
samstarf í þessum efnum. Brást fé-
lagið vel við og lagði sitt af mörkum
til að gera framlagið myndarlegra en
annars hefði orðið. „Það er einlæg
von Lánasjóðsins og Sláturfélagsins
að þetta komi í góðan stað fyrir þá
sem þess þurfa. Mæðrastyrksnefnd
og Hjálpræðishernum eru færðar
bestu þakkir fyrir þeirra þátt og
landsmönnum öllum bestu jóla- og
nýárskveðjur frá Lánasjóði landbún-
aðarins og Sláturfélagi Suðurlands,“
segir meðal annars í fréttatilkynn-
ingu.
Morgunblaðið/Jim Smart
Nafnarnir Hjálmar Jónsson og Hjálmar Árnason við Hjálpræðisherinn með
hluta matargjafanna, en þeir sitja í stjórn Lánasjóðs landbúnaðarins.
Lánasjóður
gefur matvæli
FJÖLBRAUTASKÓLINN í Breið-
holti útskrifaði 158 nemendur frá
skólanum 17. desember sl., þar af 90
stúdenta. Dúx skólans að þessu sinni
varð Hlynur Snorrason, af upplýs-
inga- og tæknibraut, og lauk hann
prófi á þremur og hálfu ári.
Skólanum bárust að venju góðar
gjafir frá velunnurum og vinum. Þar
má nefna Samtök iðnaðarins, Soropt-
imistaklúbb Hóla og Fella og Rot-
aryklúbb Breiðholts. Þá gefur Gid-
eonfélagið útskriftarnemum á
sjúkraliðabraut Nýja testamentið.
Kór skólans söng við athöfnina en
hann skipa starfsmenn og nemendur.
Við útskriftina voru feðgar sem höfðu
ástæðu til að fagna. Arnar Óskar
Bjarnason útskrifaðist sem stúdent,
en faðir hans, Bjarni Ó. Halldórsson,
varð stúdent frá FB fyrir tuttugu og
fimm árum. Fjölbrautaskólinn í
Breiðholti er eini framhaldsskólinn
sem býður upp á skilgreint nám á
upplýsinga–og tæknibraut. Henni er
ætlað að koma til móts við nemendur
sem hafa áhuga á tækninámi og vilja
ljúka stúdentsprófi. Þá gafst nem-
endum kostur á að taka nýja náms-
áfanga í viðskiptagreinum á fé-
lagsfræðabraut. Í skólanum er unnið
að ýmsum þróunarverkefnum, á mis-
munandi sviðum. Sum verkefnanna
eru unnin innanlands, í samvinnu við
aðra skóla, ráðuneyti og fagfélög.
Önnur eru alþjóðleg og kalla á sam-
skipti við aðila í hinum ýmsu löndum,
segir í fréttatilkynningu.
Fjölbrautaskólinn
í Breiðholti braut-
skráir 158 nema
ÚTSKRIFT nemenda samstarfs-
verkefnis Fjölmenntar og Geð-
hjálpar á haustönn fór fram fyrir
skömmu. Alls útskrifuðust 70 nem-
endur af 80 sem fengu námstilboð í
haust. 155 einstaklingar sóttu um
að komast í námið en vegna fjár-
skorts var ekki hægt að veita fleir-
um aðgang að skólanum.
Á þeim fjórum önnum sem liðnar
eru frá því skólinn tók til starfa, um
áramótin 2002–2003, hafa 306 ein-
staklingar útskrifast.
Á myndinni má sjá kór Fjöl-
menntar sem söng við útskriftina.
70 af 80 útskrifuðust
LEYFIS er nú krafist fyrir inn-
flutningi minjagripa úr fílabeini,
hvalbeini, rostungstönnum og ýms-
um náttúrulyfjum sem innihalda af-
urðir CITES-tegunda, að því er
segir í fréttatilkynningu frá um-
hverfisráðuneytinu.
Ný reglugerð um alþjóðlega
verslun með tegundir dýra og
plantna, sem eru í útrýmingar-
hættu, tók gildi 20. desember í sam-
ræmi við CITES-samninginn sem
Ísland á aðild að. Framvegis verður
því allur inn- og útflutningur teg-
unda og afurða þeirra tegunda sem
eru tilgreindar í viðaukum reglu-
gerðarinnar háður sérstökum inn-
og útflutningsleyfum, svokölluðum
CITES-vottorðum.
Meðal fjölmargra tegunda sem
háðar eru CITES-vottorðum eru fíl-
ar, nashyrningar, hvítabirnir, tígr-
isdýr og fleiri tegundir kattardýra,
krókódílar, ýmsar eðlur, antilópu-
tegundir, skjaldbökur, fjöldi skraut-
fugla, hvalir, styrjur (kavíar),
nokkrar tegundir kaktusa, orkideur,
og nokkrar tegundir harðviðar, svo
og afurðir og fullunnar vörur úr af-
urðum þessara tegunda. Umhverf-
isráðuneytið fer með yfirumsjón
með framkvæmd reglugerðarinnar
en Umhverfisstofnun sér um leyf-
isveitingar og eftirlit með fram-
kvæmd reglugerðarinnar. Náttúru-
fræðistofnun Íslands veitir
vísindalega ráðgjöf við veitingu
leyfa og framkvæmd reglugerðar-
innar. Í reglugerðinni er kveðið á
um hlutverk tollyfirvalda sem er
m.a. að tollskoða CITES-vörur við
inn og útflutning og yfirfara CI-
TES-vottorð. Reglugerðin gildir um
allar CITES-tegundir nema nytja-
tegundir sjávar en sjávarútvegs-
ráðuneytið fer með umsjón með
þeim hluta CITES-samningsins.
Þeir sem hyggjast flytja inn eða
út tegundir sem tilgreindar eru í
viðaukum reglugerðarinnar, eða af-
urðir þeirra, þurfa því héðan í frá
að sækja um CITES-leyfi hjá Um-
hverfisstofnun. Sækja þarf um slík
leyfi fyrir alþjóðlega verslun svo
sem inn- og útflutning heildsala,
einkaaðila og einnig fyrir flesta
minjagripi úr afurðum þeirra teg-
unda sem reglugerðin tekur til.
Leyfi þarf til inn- og
útflutnings minja-
gripa úr dýrum
JÓLALEIK Smáralindar „Viltu
léttara líf í heilt ár með Smára-
lind?“ lauk sl. laugardag. Um
60.000 manns tóku þátt í leiknum
og var vinningshafinn að þessu
sinni Aðalheiður L. Aðalsteins-
dóttir.
Vinningshafi fær ársafnot af
Renault Megane, ásamt trygg-
ingum, frá B&L, 20.000 kr. gjafa-
kort mánaðarlega í Smáralind í
heilt ár, 10.000 kr. gjafakort mán-
aðarlega í Debenhams í heilt ár,
10.000 kr. gjafakort mánaðarlega í
Hagkaup í heilt ár, 15.000 kr. bens-
íninneign á mánuði frá EGO í heilt
ár, Öryggismiðstöðin sér um að
gæta heimilis vinningshafans í heilt
ár og Sony Ericsson T630 gsm-
síma og 15.000 kr. frelsisinneign
frá Símanum.
Vinningshafi í jólaleik Smáralindar
Frá afhendingu vinninganna, f.v.: Jane María Sigurðardóttir, markaðsfulltrúi Smáralindar, Erla Friðriksdóttir,
markaðsstjóri Smáralindar, Sigga Lund, útvarpskona á Létt 96,7, og Aðalheiður L. Aðalsteinsdóttir vinningshafi.