Morgunblaðið - 23.12.2004, Side 26

26 FIMMTUDAGUR 23. DESEMBER 2004 MORGUNBLAÐIÐ
DAGLEGT LÍF
Opnunartími:
11-18:30 mán-fös
10-18 lau / 13-17 sun.
Skútuvogi 2, sími 522 9000 • www.expert.is
Í vélinni er nýi Intel Prescott
örgjörvinn ásamt Kingston
vinnsluminni með eilífðarábyrgð,
hljóðlátur harður diskur, netkort,
geislaskrifari, XP Pro
og margt fleira.
verð 89.900.-
Skrifstofuvélin sem uppfyllir
ítrustu kröfur nútímans.





 

 





 
!"#$%&'()* +++,-.$-/-,% LYNGHÁLSI 3 SÍMI: 540 1125
opið í dag 8 - 22
ÍSLENSKI HESTURINN
Gísli B Björnsson og
Hjalti Jón Sveinsson
árita bók sína
Íslenski hesturinn
á milli 13:00 og 16:00.
Ámínu heimili er keypturmikill matur enda er égmeð stóra fjölskyldu. ViðGeir eigum samtals fimm
börn og fimmta barnabarnið er á
leiðinni þannig að þegar maður er
bæði margföld mamma og að verða
margföld amma er eins gott að eiga
nóg í ísskápnum enda er fólkið okkar
duglegt að koma til okkar í heim-
sóknir,“ segir Inga Jóna Þórðar-
dóttir, sem, ásamt eiginmanninum
Geir H. Haarde, fjármálaráðherra,
og 15 ára heimasætunni, Hildi Mar-
íu, býr vestur í bæ, nánar tiltekið við
Granaskjól.
Það er því ekkert skrýtið að Mela-
búðin skuli vera hverfisbúð þeirra
hjóna enda alltaf í leiðinni, eins og
húsmóðirin orðar það. „Ég versla
mest í Melabúðinni, en geri öðru
hvoru stærri innkaup í stærri versl-
unum. Þó búðin sé bæði lítil og
þröng, er úrvalið ótrúlega gott og
viðmót afgreiðslufólksins á persónu-
legum nótum. Það líkar okkur.
Náðst hefur upp einskonar hverfis-
stemmning í búðinni enda þekkja
hér allir alla. Ekki þarf að hika við
að biðja kaupmennina um að velja
fyrir sig og hafa tilbúið ef eitthvað
stendur til hjá manni og óhætt er að
segja að þjónustan hjá strákunum sé
hreint til fyrirmyndar,“ segir Inga
Jóna.
Á heimilinu er húsmóðirin yfirleitt
mikið í matarstússi á jólum, en seg-
ist vera orðin ansi lagin við að virkja
sína nánustu. „Það er allt í lagi ef
maður er ekki mikið í eldhúsinu þess
á milli. Það verður að viðurkennast
að ég er ekkert rosalega mikil hús-
móðir og er lítið í því að búa í haginn.
Systir mín Herdís, sem er fiskverk-
andi uppi á Skaga, er hinsvegar
mjög dugleg og þegar stór matarboð
eru á döfinni hjá mér, mætir hún
kannski tveimur tímum fyrr og dríf-
ur þetta af. Skilur ekkert í því af
hverju ég er svona hrikalega sein
með allt, sem ætti að vera löngu bú-
ið. Svo eru bæði bróðir minn og son-
ur ansi liðtækir í sósugerðinni.“
– En hvað með eiginmanninn, er
hann til einhvers nýtur?
„Hann er gjörsneyddur áhuga á
matargerð, en honum finnst voða
gott að borða og svo hefur hann það
hlutverk að hafa ofan af fyrir þeim,
sem eru að bíða eftir matnum,“ segir
Inga Jóna. Geir tekur undir þetta og
viðurkennir að innlegg sitt í matar-
gerðina sé, því miður, harla lítið.
„Ég er hinsvegar svolítið duglegur
við að hjálpa til við að kaupa í matinn
svo ég tali nú ekki um að borða hann,
en ég treysti mér alls ekki til að
kaupa rétt inn nema að hafa miða
meðferðis. Svona hefur þetta verið
frá því ég var strákur. Fyrst voru
það miðar frá mömmu og nú frá eig-
inkonunni.“
– Geir, finnst þér dýrt að kaupa
inn og má kannski búast við afnámi
matarskattsins?
„Verðlag á matvöru hefur farið
batnandi á undanförnum árum og
kaupmenn hér eru orðnir mun sam-
keppnishæfari við það sem maður
sér erlendis þó auðvitað sé alltaf
hægt að gera betur. Engar ákvarð-
anir hafa enn verið teknar um lækk-
un virðisaukaskatts á mat, sem nú
nemur 14%. Sjálfstæðisflokkurinn
var fyrir síðustu kosningar með það
á stefnuskránni að lækka matar-
skattinn um helming, ofan í 7%, og í
stjórnarsáttmálanum eru ákveðin
fyrirheit um endurskoðun virðis-
aukaskattskerfisins. Sú vinna er enn
í gangi,“ segir Geir þar sem við
stöldrum á milli rekka í búðinni.
Þegar val á vænum kalkúni, ham-
borgarhrygg og mandarínukassa
hefur farið fram, tekur húsmóðirin
beina stefnu á reykta nautatungu
sem hún segist verða að fá á jóla-
hlaðborðið, sem fyrirhugað er að
halda annan í jólum. „Ég sýð tung-
una og hef hana kalda með piparrót-
arsósu.“ Geir yppir öxlum og er
greinilega par sama um allar nauta-
tungur. En þegar loks kemur að
kjötborðinu hjá Guðmundi Júlíus-
syni, kaupmanni í Melabúðinni, fara
öll lyktar- og bragðskyn á flug því
komið er að tvíreyktu sauðalæri að
norðan sem orðið er hluti af aðventu-
stemmningunni.
„Lærið er geymt hrátt á köldum
stað og það skorið með flökunarhníf
í örþunnar sneiðar til að narta í.
Nauðsynlegt er að hafa hækilinn á
því hann er mjög góð handfesta og
stundum er lærið sett stundarkorn í
frysti til að fá skurðinn sem fínastan.
Þetta er algjört sælgæti. Gott er að
nota sauðalærið í forrétti, þá með
melónu og feitum ostum, t.d. kastala
og gullosti. Hvað hefur maður að
gera með rándýra parmaskinku þeg-
ar við höfum þetta fína sauðakjöt?“
spyr Inga Jóna.
Laufabrauðs- og soðbrauðsgerð
eru alltaf fastir liðir í undirbúningi
jólanna hjá þeim Ingu Jónu og Geir
og í hádeginu í dag má búast við að
fram verði borin skata, saltfiskur og
síld fyrir þá fjölskyldumeðlimi, sem
verða á ferli í Vesturbænum á Þor-
láksmessu. „Ég sýð alltaf ríflega af
skötunni til að geta búið til skötu-
stöppu, sem dugar fram yfir áramót
með rúgbrauði. Við fáum allan fisk
hjá systur minni og mági á Akranesi
og svo sæki ég líka laxinn þangað
heim sem ég hef í fjölskyldu-jóla-
boðinu annan í jólum þar sem mágur
minn er mikið fyrir laxveiðarnar á
sumrin. Um miðjan Þorlák er hangi-
kjötið svo sett upp til að ná skötu-
lyktinni út. Hamborgarhryggurinn
verður borðaður á aðfangadagskvöld
og kalkúnninn á jóladag með for-
eldrum, börnum, tengdabörnum og
barnabörnum. Við systkinin og
systkinabörnin tókum svo upp á því
fyrir nokkrum árum að halda jóla-
boð annan í jólum og er röðin nú
komin að okkur. Von er á þrjátíu
manns í mat. Það má því fastlega bú-
ast við miklum matarjólum hjá mér
þetta árið,“ segir Inga Jóna í sama
mund og húsbóndinn er farinn að
tína upp úr körfunni enda er nú
komið að kassauppgjöri í Melabúð-
inni.
 HVAÐ ER Í MATINN? | Inga Jóna Þórðardóttir og Geir H. Haarde
Hrátt sauðalæri
og gott viðmót
Morgunblaðið/Golli
Tvíreykta sauðalærið að norðan er alltaf keypt á aðventunni og borðað hrátt, til dæmis með melónu og feitum ostum.
Þjónustan hjá strákunum er hreint til fyrirmyndar, segir Inga Jóna, sem
hér nýtur aðstoðar Freys Rögnvaldssonar starfsmanns og Guðmundar Júl-
íussonar, kaupmanns í Melabúðinni.
Hamborgarhryggur,
kalkúnn, nautatunga
og síðast en ekki síst
norðlenskt hrátt og
reykt sauðalæri er
nauðsynjavarningur á
jólum hjá hjónunum
Ingu Jónu Þórðardóttur
og Geir H. Haarde.
Jóhanna Ingvarsdóttir
fór með Vesturbæing-
unum í Melabúðina.
join@mbl.is
ÞESSI uppskrift af fiskisúpu hefur verið vinsæl hjá fjölskyldunni að
undanförnu. Inga Jóna, sem fékk uppskriftina hjá systur sinni, Her-
dísi fiskverkanda á Akranesi, segir súpuna bæði einfalda í sniðum, og
bráðnauðsynlega eftir mikla kjötneyslu og dugar ýsa, þorskur eða
annar fiskur vel sem hráefni í súpuna.
Tveir laukar, einn meðalstór blaðlaukur og matarolía sett í pott og
látið glærast. Tveimur til þremur lítrum af vatni bætt út í og suðan
látin koma upp. Síðan er grænmetiskraftur, tveir stórir teningar,
settir út í, ein msk. sítrónupipar, þrír fiskteningar og ein msk. aro-
mat. Afhýddar eru hráar kartöflur og þær skornar í báta, gulrætur
sneiddar og blómkál brytjað. Allt sett út í og látið sjóða. Rjómaostur,
300–500 g, settur síðast í og látinn bráðna hægt saman við. Ostmagnið
fer eftir því hversu súpan á að vera þykk. Fiskurinn er soðinn sér í
potti. Suðan látin koma upp, slökkt undir og fiskstykkin færð strax yf-
ir í súpupottinn.
Fiskisúpa