Morgunblaðið - 09.01.2005, Blaðsíða 4
4 SUNNUDAGUR 9. JANÚAR 2005 MORGUNBLAÐIÐ
FRÉTTIR
„ÉG held að þetta verði stærsta verkefni af þess-
um toga sem sett hefur verið upp á Íslandi bæði
hvað varðar kostnað og umfang,“ segir Helgi
Björnsson, einn eigenda framleiðslufyrirtækisins
Mógúllinn, en fyrirtækið er að vinna að uppsetn-
ingu farandsýningarinnar „The Return of Houd-
ini“, sem útleggst Houdini snýr aftur. Hann segir
að þetta verði leikhúsupplifun, sambærileg við
stórsýningar á borð við Circe de Soleil, River-
dance og Shaolin.
Sýningin byggist á brellum töframannsins
Harrys Houdinis, eins frægasta hverfilista- og
sjónhverfingamanns í heimi fyrr og síðar, en
hann var uppi á fyrri hluta síðustu aldar.Helgi
segir sýninguna einstaka að því leytinu til að hún
sameini leikhús, sirkus og töfrabrögð í eina viða-
mikla sýningu. „Það er einstakt að blanda saman
leikhúsi og töfrabrögðum,“ segir Helgi og bendir
á að sýningin sé ætluð fjölskyldufólki og öllum
þeim sem hrífist af töfrabrögðum og ævintýrum.
Töframenn á heimsmælikvarða
Spurður um þátttakendur segir Helgi að Mógúll-
inn hafi fengið til liðs við sig þá bestu á sínu sviði
í þessum geira. Kanadíska hverfilistamanninn
Dean Gunnarson, sem þyki vera einn besti hverf-
ilistamaður heims um þessar mundir og hefur
verið kallaður hinn nýi Houdini. Auk þess mun
mexíkóski sjónhverfingamaðurinn Ayala, sem
notið hefur mikillar velgengni í Las Vegas og
verið valinn töframaður ársins af kollegum sín-
um, taka þátt í sýningunni.
Hann segir sýninguna hafa verið í þróun í um
tvö ár og nú séu menn á fullu við að leggja loka-
hönd á hana, en ætlunin er að forsýna og prufu-
keyra farandsýninguna í Borgarleikhúsinu 23.
mars nk. Svo verði lagt land undir fót og ferðast
með hana um Evrópu og sé fyrirhugað að frum-
sýna í Þýskalandi í maí.
„Þetta er algjörlega okkar hugmynd, íslenskt
hugvit,“ segir Helgi og bætir við að mikil vinna
liggi að baki hvað varði fjármögnun, þróun hand-
rits auk leitar að listafólki víðs vegar um heim-
inn.
Íslendingar spila stórt hlutverk
Meðal íslenskra listamanna sem taka þátt í sýn-
ingunni verður leikarinn Ólafur Darri Ólafsson,
en hann mun fara með hlutverk leikhússtjórans
sem verður tengiliður við áhorfendur í þessum
töfrasirkus. „Í hverju landi mun leikshússtjórinn
tala á tungumáli viðkomandi lands,“ segir Helgi.
Um tónlist sér Hilmar Örn Hilmarsson, búningar
eru í höndum Filippíu Elísdóttur og Stígur Stein-
þórsson mun sjá um sviðsetningu sýningarinnar.
Helgi segir verkefnið hlaupa á tugum milljóna
og því hafi verið nauðsynlegt að fá marga góða
aðila til samstarfs. Ásamt Mógúlnum koma Kult-
urarena Berlin, BB-promotion Þýskalandi, Harry
De Winter, IDTV, Leon Ramacker og Mojo í
Hollandi að framleiðslu sýningarinnar auk Borg-
arleikhússins hér heima.
Mógúllinn hefur áður staðið fyrir leiksýningum
erlendis, m.a. á hinu vinsæla leikriti Sellófón.
Töfraleiksýning í anda Houdinis verður sett upp í Borgarleikhúsinu í mars
Fjölskyldusýning sameinar
leikhús, sirkus og töfrabrögð
Töframennirnir Dean Gunnarsson og Ayala ásamt þeim Helga Björnssyni, eins eigenda Mógúlsins, og Wayne Harrison, leikstjóra sýningarinnar.
Harry Houdini var þekktur fyrir að brjótast út
úr öllum hlekkjum, jafnvel á hafsbotni.
Haldið í leikför til
Evrópu í sumar
„ALLT hefur áhrif, einkum við
sjálf!“ eru einkunnarorð nýs þróun-
arverkefnis sem Lýðheilsustöð er að
ýta úr vör um þessar mundir í sam-
vinnu við sveitarfélögin. Að sögn
Jórlaugar Heimisdóttur, verkefna-
stjóra á Lýðheilsustöð, er markmiðið
með verkefninu að sporna gegn
þyngdaraukningu íslenskra barna
og ungmenna á Íslandi. „En rann-
sóknir sýnir að um 20% níu og fimm-
tán ára barna eru yfir kjörþyngd,“
segir Jórlaug og bendir á að rekja
megi þessa þróun til breyttra lífs-
hátta barna á umliðnum árum þar
sem daglegar kyrrsetur hafa aukist
á sama tíma og neysla sætra drykkja
og alls kyns skyndibita hefur aukist.
Aðspurð segir Jórlaug markmiðið
með verkefninu að bæta lífshætti
barna og fjölskyldna þeirra með
áherslu á hreyfingu og góða nær-
ingu. „Næg hreyfing og góð næring
eru börnum og unglingum nauðsyn-
legt. Hvort tveggja hef-
ur áhrif á andlega og
líkamlega líðan og
skiptir máli fyrir
þroska þeirra og árang-
ur í leik og starfi. Lýð-
heilsustöð kemur að
verkefninu með ráðgjöf
og fræðslu, metur ár-
angur verkefnisins á
hverjum stað og mun
halda sameiginlega
fundi með sveitarfélög-
unum sem taka þátt þar
sem þau miðla hvert til
annars því sem þau eru
að gera. Auk þess verð-
ur samskiptanet á
heimasíðu stöðvarinnar fyrir verk-
efnið.“ Að sögn Jórlaugar hefst verk-
efnið formlega nú í byrjun árs og
lýkur fyrri hluta þess að tveimur ár-
um liðnum og seinni hlutanum eftir
sex ár, en að þeim tíma er gert ráð
fyrir að starfið verði
komið í fastar skorður.
Jórlaug segir víða
verið að vinna afar gott
starf í sveitarfélögum.
„Gert er ráð fyrir því
að sveitarfélögin sem
þátt taka móti sér sína
eigin stefnu og aðgerð-
aráætlun um bætta
næringu og hreyfingu
barna í sinni heima-
byggð, því má gera ráð
fyrir að verkefnin verði
ólík, bæði hvað varðar
nálgun og umfang, allt
eftir áherslum hvers og
eins,“ segir Jórlaug og
bendir á að meðal þess sem sveit-
arfélög geta beitt sér fyrir er að
bæta aðstöðu og framboð á fjöl-
breyttri hreyfingu fyrir öll börn í og
utan skóla þar sem tekið er tillit til
mismunandi þarf og áhuga. „Við
hvetjum til þess að meiri áhersla
verði á leik og hreyfingu í hinu dag-
lega lífi.“
Að sögn Jórlaugar er mikilvægt að
hafa í huga að aðstæður barna og
unglinga mótast af samfélaginu í
heild. „Í ljósi þessa vitum við að ef
ætlunin er að bæta lífshætti barna
og unglinga er samvinna lykilorð og
er þátttaka foreldra mjög mikilvæg
ef árangur á að nást. Það er því lyk-
ilatriði að fjölskyldur, skólar og aðr-
ar menntastofnanir auk heilsugæslu,
íþrótta- og æskulýðsstarfsemi, fé-
lagasamtaka og fyrirtækja taki
höndum saman að þessu mikilvæga
verkefni, enda er þetta samfélags-
legt vandamál sem þarf að vinna að á
breiðum grunni,“ segir Jórlaug að
lokum.
Allar nánari upplýsingar um verk-
efnið má nálgast á vef Lýðheilsu-
stöðvar á slóðinni: www.lydheilsu-
stod.is.
Átak til að sporna gegn
þyngdaraukningu barna
Jórlaug Heimisdóttir
„ÉG NOTA þessa snjóflóðahrinu
núna til að skrá þetta allt saman vel
og vandlega,“ segir Harpa Gríms-
dóttir, forstöðumaður Snjóflóðaset-
ursins á Ísafirði. Undanfarið hefur
Harpa unnið að vísindalegum rann-
sóknum í tengslum við snjóflóðin
sem hafa fallið á
Vestfjörðum,
þ.á m. flóðin sem
féllu úr Traðar-
gili, Búðargili og
Hraunsgili.
Spurð hvaða
hlutverki setrið
gegni í tengslum
við snjóflóð og
hættumat segir
Harpa setrið vinna fyrst og fremst
að vísindalegum rannsóknum. „Það
er snjóflóðavaktin á Veðurstofunni
og snjóathugunarmenn hérna sem
sjá um rýmingar og hættumat
hverju sinni,“ segir Harpa.
Helsta hlutverk Snjóflóðaseturs-
ins er gerð hættumats fyrir öll
skíðasvæði landsins auk þess sem
vöktun á ofanflóðahættu á norð-
anverðum Vestfjörðum er hluti af
starfsemi setursins. Hún bendir á
að verkefni setursins séu hugsuð
sem langtímaverkefni. Aðstæð-
urnar á Ísafirði henti vel til þess að
mæla snjó og vinna upplýsingar úr
þeim mælingum. Snjóflóðamæling-
arnar eru allar skráðar í gagna-
safn, tímasetningar og staðsetn-
ingar snjóflóða, auk tölulegra
upplýsinga og athugasemda.
Snjóflóðin vand-
lega rannsökuð
og skrásett
BRESKIR ferðamenn eyða hæstri
fjárhæð á degi hverjum á ferðalög-
um erlendis þegar þeir fara í helg-
arferðir til Belgíu, en í öðru sæti yf-
ir þá staði sem þeir eyða mest er
Ísland, að því er fram kemur í
vefútgáfu breska dagblaðsins In-
dependent.
Breskir ferðmenn eyða að með-
altali sem samsvarar um 12 þúsund
krónum á dag á ferðalögum um
Belgíu sem eru mikið til helgar-
ferðir. Hér á landi eyða breskir
ferðamenn hins vegar að meðaltali
um 11 þúsund krónum á dag, sem
blaðið segir hugsanlega skýrast af
háu verði á áfengi hér á landi. Einn-
ig kann það að skýrast af því að
ferðir hingað til lands, eins og til
Belgíu, eru almennt styttri ferðir,
en í lengri ferðum er að jafnaði eytt
lægri fjárhæð á degi hverjum.
Breskir ferða-
menn eyða miklu
hér á landi
MIKLAR skemmdir urðu í eldsvoða
í litlu bakhúsi við Hverfisgötu 61 í
fyrrinótt en engan sakaði. Húsið
var mannlaust þegar að var komið
og logaði talsverður eldur innan-
dyra í litlu rými. Um var að ræða
íbúðarhús þar sem einn eða fleiri
einstaklingar munu hafa búið.
Slökkvilið höfuðborgarsvæðisins
kom á vettvang klukkan 3:20 og
hafði slökkt eldinn 17 mínútum síð-
ar. Vakt var við húsið til klukkan 4.
Húsið er ein hæð ásamt kjallara og
er húsið ekki sambyggt við önnur
hús og því var minni hætta en ella á
að eldurinn bærist í þau. Íbúar í
tveimur nálægum húsum rýmdu þó
híbýli sín á meðan slökkvistarf fór
fram. Eldsupptök eru ókunn en lög-
reglan í Reykjavík fer með rann-
sókn á málinu.
Eldsvoði á
Hverfisgötu
FRUMSÝNINGU Sögusvuntunnar
á brúðuleiknum Eglu í nýjum
spegli, sem vera átti í gær, var
frestað um viku vegna veikinda
Hallveigar Thorlacius sögumanns.
Hún missti röddina þegar síst
skyldi. Sýningartími verður aug-
lýstur síðar.
Sýningum á
Eglu frestað