Morgunblaðið - 09.01.2005, Side 46

46 SUNNUDAGUR 9. JANÚAR 2005 MORGUNBLAÐIÐ
AUÐLESIÐ EFNI
Reuters
Kona á Súmötru baðar barn sitt. Fjöldi barna missti foreldra sína í ham-förunum.
Mikið hjálpar-starf í
gangi við Indlands-haf
HJÁLPAR-STARF er farið að
bera árangur í löndum við
Indlands-haf. Þar skall á stór
flóð-bylgja fyrir 2 vikum
síðan. Að minnsta kosti
146.000 manns dóu í 11
löndum. Óttast er að enn
fleiri deyi úr sjúkdómum og
hungri.
Gríðar-lega mörg börn
misstu foreldra sína í
ham-förunum. Í Indónesíu og
á Sri Lanka er núna bannað
að ætt-leiða börn. Það er
vegna ótta við að
munaðar-laus börn verði seld
í ánauð, ættleidd ólög-lega
eða misnotuð.
Þarf reiðu-fé til hjálpar-starfs
Margir hafa gefið peninga
til hjálpar-starfs. Kofi Annan
er framkvæmda-stjóri
Sameinuðu þjóðanna (SÞ).
Hann segir að það sé
mikilvægt að fá reiðu-fé.
Aðeins þannig sé hægt að
halda uppi hjálpar-starfi.
Stundum hafa ríki lofað
aðstoð en ekki staðið við
það. T.d. eftir jarð-skjálftana í
Bam í Íran.
Íslendingar hjálpa Svíum
Ríkis-stjórn Íslands ætlar
að verja samtals 150
milljónum í hjálpar-starf. Þar
af fóru 35 milljónir í að senda
flugvél Taílands að sækja
slasaða Svía. 75 milljónir
fara í verkefni á Sri Lanka.
Rauði krossinn fær 11
milljónir af þessari upphæð.
Næstu helgi verður staðið
fyrir mikilli lands-söfnun
vegna flóðanna. 4
mannúðar-samtök, fjölmiðlar
og fyrir-tæki standa að henni.
Fiskur sjaldnar á borðum
Fisk-neysla hefur minnkað
um 30% á nokkrum árum.
Hver Íslendingur borðar að
meðal-tali 40 grömm af fiski
á dag. Minnkunin er mest hjá
ungum stúlkum. Þær borða
aðeins sem samsvarar 1
munnbita á dag. Þetta eykur
líkur á joð-skorti. Joð er
lífs-nauðsynlegt og
joð-skortur er alvarlegt
vanda-mál víða um heim.
Vilja ekki vera á listanum
84% Íslendinga vilja ekki að
Ísland sé á lista með þjóðum
sem styðja stríðið gegn Írak.
Þetta eru niður-stöður
Gallup-könnunar. 58%
sjálfstæðis-manna vilja ekki
að Ísland sé á listanum og
79% framsóknar-manna.
Ekki meðal 10 frjálsustu
Banda-ríkin eru ekki á lista
yfir 10 frjálsustu hag-kerfi
heims. Þetta er í fyrsta sinn
sem þau eru ekki á listanum.
Ísland er í 8.–9. sæti ásamt
Danmörku. Hong Kong er í 1.
sæti og Singapúr í 2.
Stjórnar-skráin
endur-skoðuð
Forsætis-ráðherra hefur
skipað nefnd sem á að
endur-skoða stjórnar-skrá
Íslands. Jón Kristjánsson
verður formaður og Geir H.
Haarde vara-formaður. Í
nefndinni eru fulltrúar allra
flokka. Sam-fylkingin er ósátt
við skipunar-bréf
nefndarinnar. Hún segir að
það takmarki verk-sviðið.
Ellen og Arnaldur sölu-hæst
Kleifarvatn eftir Arnald
Indriðason var mest selda
bók ársins 2004. Alls
seldust um 22 þúsund
eintök. Bókin seldist upp.
Ellen Kristjánsdóttir átti
sölu-hæstu plötuna. Platan
hennar Sálmar seldist í meira
en 8.500 eintökum
samkvæmt árs-lista
Tónlistans. Hann tekur til um
70% af plötu-sölu á landinu.
Stutt
IMPREGILO gengur illa að fá
fólk í vinnu við að byggja
stífluna á Kára-hnjúkum.
Portúgalar sem voru í vinnu
fyrir jól ætla ekki að koma
aftur. Byggingu stíflunnar
hefur seinkað.
Nú vill Impregilo fá
kínverska verka-menn til
Íslands. Vinnu-mála-stofnun
hefur ákveðið að veita 54
Kínverjum atvinnu-leyfi en
Impregilo hefur lagt inn fleiri
umsóknir.
Alþýðu-samband Íslands
(ASÍ) er á móti þessu.
Sambandið segir að
Impregilo hafi ekki farið eftir
lögum um atvinnu-réttindi
útlendinga.
Borga of lág laun
ASÍ segir að Impregilo hafi
borgað Portúgölunum
50.000 krónum lægri laun en
fyrir-tækið átti að gera.
Talsmaður Impregilo segir að
það sé rangt.
Hann segir að
aðal-trúnaðar-maður við
Kárahnjúka-virkjun hafi
staðfest að laun séu greidd
samkvæmt
virkjana-samningi.
Oddur Friðriksson er
aðal-trúnaðar-maður. Hann
segir að þetta sé ekki rétt og
að það sé ágreiningur um
hvort farið sé eftir
samningunum.
Morgunblaðið/ÞÖK
Illa gengur að fá fólk til starfa við Kára-hnjúka-stíflu.
Illa gengur með
stífluna á
Kára-hnjúkum
Morgunblaðið/Halldór Sveinbjörns
Til allrar lukku var búið að rýma húsin á svæðinu.
STÓRT snjó-flóð féll í
Hnífs-dal rétt hjá Ísa-firði
síðasta þriðjudag. Flóðið
hreif með sér spenni-stöð við
Árvelli. Þar varð tjón upp á
milljónir króna.
Flóðið rann á blokk og
rað-hús við Árvelli. Gluggar
brotnuðu og snjór fór inn um
allt. Gamli bærinn í Hrauni
varð einnig undir flóðinu.
Enginn býr í því húsi lengur en
það er meira en 100 ára
gamalt. Þá fór snjór inn í nýja
bæinn og fyllti eld-húsið.
Húsin rýmd
Sem betur fer var búið að
rýma öll húsin vegna hættu á
snjó-flóðum. Þess vegna
sakaði engan. Talið er að
flóðið hafi verið 5-600 metra
breitt.
Í síðustu viku þurftu margir
að fara úr húsum sínum á
Vest-fjörðum vegna
snjó-flóða-hættu. Flestir fóru
til vina og ættingja.
Snjó-flóð á
Vest-fjörðum
Péturs W. Kristjánssonar minnst
GÓÐ stemmning var á
minningar-tónleikum um
Pétur W. Kristjánsson
síðasta fimmtudag. Margir
þekktir tónlistar-menn og
hljóm-sveitir stigu á stokk.
Allur ágóði rann í
minnningar-sjóð sem er
kenndur við Pétur. Meðal
þeirra sem tóku lagið voru
KK-sextett, Sálin hans Jóns
míns og Mezzoforte.
Start sendi frá sér sitt
fyrsta lag í 22 ár. Það er ein
af hljóm-sveitunum sem
Pétur var í. Lagið heitir
Paradís og er til sölu á
www.tonlist.is.