Morgunblaðið - 11.02.2005, Qupperneq 64

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 11. FEBRÚAR 2005 VERÐ Í LAUSASÖLU 220 KR. MEÐ VSK.
TILDRÖG eldsvoðans í Grindavík
voru rannsökuð í gær af lögreglunni í
Keflavík með aðstoð tæknideildar
lögreglunnar í Reykjavík ásamt lög-
gildingarstofu og fulltrúum Trygg-
ingamiðstöðvarinnar. Talið er að
kviknað hafi í út frá þurrkara sem of-
hitnaði, að sögn lögreglunnar
„Í vinnslusal verksmiðjunnar eru
þurrkarar og skilvindur og fleiri tæki
og tól til þessara starfa. Við teljum að
þurrkarinn hafi ofhitnað með þeim af-
leiðingum að það verður sprenging í
honum,“ sagði Sveinbjörn Halldórs-
son rannsóknarlögreglumaður.
Búið var að bræða 12 þúsund tonn
af loðnu í verksmiðjunni frá áramót-
um og hefði hún getað tekið á móti 60
þúsund tonnum á yfirstandandi ver-
tíð. Allt kapp verður lagt á að hindra
að loðnuverðmæti upp á allt að 700
milljónir króna fari forgörðum, með
því að athuga möguleika á að koma
hrognavinnslunni í gang í verksmiðj-
unni og senda skorna loðnu í bræðslu
í öðrum höfnum. Tryggingamiðstöðin
sendi í gær frá sér afkomuviðvörun
vegna brunans. Kemur fram að talið
sé að áhrif tjónsins á afkomu TM á
árinu 2005 verði um 200 milljónir en
það sé hlutur TM í tjóninu að viðbætt-
um viðbótariðgjöldum sem TM þurfi
að greiða til endurtryggjenda þegar
um svo stórt tjón sé að ræða.
Talið að þurrkari hafi
ofhitnað og sprungið
Aðalsalur fiskimjölsverksmiðjunnar er mikið brunninn.
Morgunblaðið/Þorkell
Reynt að bjarga
útflutningsverð-
mæti upp á 700
milljónir króna
 Reynt/4
VERÐBÓLGAN síðastliðna tólf
mánuði var 4,5% hér á landi sam-
kvæmt mælingu Hagstofu Íslands.
Þetta er 0,5% yfir efri þolmörkum
Seðlabanka Íslands en verðbólgu-
markmið bankans miðast við 2,5%
verðbólgu með 1,5% þolmörkum
yfir eða undir markmiðinu.
Seðlabankinn þarf að skila
greinargerð til ríkisstjórnarinnar
um ástæður þess að verðbólgan
hefur farið yfir þolmörkin. Þar
skal greint frá því hvernig bregð-
ast skuli við og hve langan tíma
ætla má að það muni taka að koma
verðbólgunni niður fyrir þolmörk-
in.
Mæling Hagstofunnar á verð-
bólgunni tekur mið af breytingum
á vísitölu neysluverðs. Án húsnæð-
isliðar vísitölunnar mældist verð-
bólgan síðastliðna tólf mánuði
2,3%. Um helming verðlagshækk-
ana í landinu á síðustu tólf mán-
uðum má því rekja til hækkunar á
verði húsnæðis
Verðbólgan yfir þol-
mörk Seðlabankans
 Verðbólgan/16
VALGERÐUR Sverrisdóttir, iðnað-
ar- og viðskiptaráðherra, hefur sent
stærstu fyrirtækjum landsins bréf
þar sem farið er fram á að forsvars-
menn þeirra beiti sér fyrir því að kon-
ur fái aukið tækifæri til setu í stjórn-
um viðkomandi fyrirtækja.
„Þátttaka íslenskra kvenna í stjórn
skráðra fyrirtækja hérlendis er minni
en í nær öllum þeim löndum sem við
berum okkur saman við,“ segir meðal
annars í bréfinu.
„Ég vil með þessu hvetja til upp-
byggilegrar umræðu um málið því
eins og alkunna er stöndum við okkur
ekki vel í þessum efnum,“ segir Val-
gerður.
Valgerður segir að bréfið hafi ekki
einungis verið sent fyrirtækjum
skráðum á hluta-
bréfamarkaði
heldur sent u.þ.b.
80–90 stærstu fé-
lögum landsins,
þar sem úrbóta
þyki þörf. Um sé
að ræða vinsamleg
tilmæli en alls ekki
hótun um laga-
setningu. Hún seg-
ir það sína skoðun að ekki sé æskilegt
að þurfa atbeina löggjafans til að auka
hlut kvenna í stjórnum félaga.
Valgerður vill ekki segja til um
hvort brugðist verði við með aðgerð-
um ef tilmælin bera ekki árangur.
Viðskiptaráð-
herra vill fleiri
konur í stjórnir
 Valgerður/14
Valgerður
Sverrisdóttir
REYKVÍKINGAR munu að öllum
líkindum ekki þurfa að bíða í fjögur
til sex ár eftir að heimili þeirra
tengist ljósleiðara, heldur þrjú til
fjögur ár. Þetta segir Guðmundur
Þóroddsson, forstjóri Orkuveitu
Reykjavíkur, eftir að borgarráð
samþykkti í gær að fela borgarstjóra
að ganga til viðræðna við OR um að
hraða ljósleiðaravæðingu heimila í
Reykjavík.
Fyrsta heila hverfið þar sem öll
heimili verða tengd ljósleiðara verð-
ur Fossvogurinn. Guðmundur segir
að lagt verði í hvert hús þar í sumar
og tenging komist á í haust. Foss-
vogurinn sé valinn því hverfið sé
hæfilega stórt og afmarkað. Í vor
verða um 1.500 heimili þegar tengd
ljósleiðara í Reykjavík. Samskonar
áætlun er í gangi hjá OR varðandi
Akranes og Seltjarnarnes eins og áð-
ur hefur komið fram.
Í þessari vinnu á að athuga einnig
hvernig borgin geti komið að mark-
aðssetningu ljósleiðarans. Guð-
mundur útskýrir það þannig að
skoðað verði hvernig hægt sé að
beina þjónustu borgarinnar við
borgarbúa í auknum mæli inn á ljós-
leiðaranetið. Sem dæmi nefnir hann
heilsugæsluþjónustu, fundi á vegum
stofnana og fyrirtækja borgarinnar
eða lestrarstundir fyrir börn á bóka-
söfnum.
Forstjóri OR segir ekkert ákveðið
ennþá en hugsanlega verði þessari
vinnu lokið 2008-2009. Þetta sé mjög
spennandi hluti af starfsemi fyrir-
tækisins og vaxtarbroddur þess um
þessar mundir.
Gagnvirkt samband
Aðspurður hverju það breyti fyrir
venjuleg heimili að tengjast ljósleið-
ara segir hann fólk komast í gagn-
virkt samband við umheiminn. Sím-
ar, nettengingar og sjónvarp muni
fara í gegnum ljósleiðara. Gæði út-
sendinga muni stórbatna og svoköll-
uð háskerpusjónvörp, sem séu næsta
kynslóð sjónvarpa og byrjað sé að
selja, muni virka eins og til er ætlast.
Þá sé möguleiki á að vera með mynd-
síma, leigja hugbúnað í þann tíma
sem hans sé þörf, horfa á dagskrár-
liði í sjónvarpi sem veki áhuga á
þeim tíma sem henti eða leigja kvik-
mynd án þess að stíga út fyrir húss-
ins dyr. Þetta séu nokkrir kostir af
mörgum sem framtíðin muni leiða í
ljós.
Öll reykvísk heimili
tengd ljósleiðara 2009
Morgunblaðið/Golli
Stefnt er að því að öll heimili í Fossvogi verði tengd ljósleiðara í haust.
Fossvogurinn komist í gagnvirkt samband í haust
STÖÐUGT fleiri
hafa tekið bif-
hjólapróf á und-
anförnum árum
og samkvæmt
upplýsingum frá
Umferðarstofu
og bifhjólakenn-
urum er lang-
mesta aukningin
í aldurshópnum
40–50 ára. Árið
2000 tók 241 bifhjólapróf en á síð-
asta ári 438 manns. Þá hefur ný-
skráningum á bifhjólum fjölgað úr
2.278 hjólum árið 2000 í 3.105 í
fyrra. Svo virðist hins vegar sem
mótorhjólaslysum hafi fækkað síð-
astliðin fimm ár, ef undanskilið er
árið 2001. /B2
Miðaldra á
mótorhjólin
ÆTTINGJAR og kunningjar þeirra
útlendinga, sem sótt er um atvinnu-
leyfi fyrir hér á landi eru í auknum
mæli farnir að þrýsta á Vinnumála-
stofnun um útgáfu leyfanna. Gissur
Pétursson, forstjóri Vinnumálastofn-
unar, segir að þrýstingurinn sé jafn-
vel orðinn meiri en frá fyrirtækjunum
sjálfum og þetta sé farið að skapa
ákveðinn vanda. Gissur segir þennan
þrýsting valda tortryggni hjá stofn-
uninni. Markmið með útgáfu atvinnu-
leyfa sé að jafna raunverulega eftir-
spurn eftir vinnuafli, ekki að standa
fyrir „ættingjainnflutningi“.
Ættingjar
þrýsta á um
atvinnuleyfi
 Mismikil þörf/8