Morgunblaðið - 30.04.2005, Blaðsíða 37

MORGUNBLAÐIÐ LAUGARDAGUR 30. APRÍL 2005 37
DAGLEGT LÍF
Sækjum styrk í
íslenskt náttúruafl!
„Ég hef teki› Angelicu jurtaveig í flrjú ár.
Mér finnst Angelica gefa mér orku, sem
ég flarf á a› halda bæ›i í vinnu og lang-
hlaupum. Auk fless er hún kví›astillandi
og ég fæ ég sjaldan kvef.“
Fjölbreytt virkni í einum skammti.
Bryndís Magnúsdóttir
Reykjavík
Aukin orka og vellí›an, sjaldnar kvef
Fæst í lyfja- og heilsuvöruverslunum.www.sagamedica.is
Krakkarnir í Öskjuhlíðarskóla hafa ekkisömu tækifæri og önnur börn til aðsækja öll þau námskeið og annað sem í
boði er fyrir jafnaldra þeirra, því þau þurfa
sérumönnun. En nú þegar sólin er farin að
skína lengur með degi hverjum fyllast hjörtu
krakkanna í Öskjuhlíðarskóla af sumri því þá
styttist í árvissan viðburð í lífi þeirra: Sum-
ardvölina í sveitinni. Foreldra- og styrktarfélag
Öskjuhlíðarskóla hefur í áraraðir rekið sér-
staka sumardvöl þar sem krökkum úr skól-
anum gefst kostur á að dvelja í lengri eða
skemmri tíma. Undanfarin fjögur sumur hefur
fjörið verið í Laugalandsskóla í Holtum, en þar
er mjög góð aðstaða, sundlaug og gott útivist-
arsvæði.
Dýravinir og alsælar í sveitinni
Vinkonurnar Ásdís Ásgeirsdóttir og Þórkatla
Eiríksdóttir eru skólasystur úr Öskjuhlíð-
arskóla og harðákveðnar í að láta sig ekki vanta
í sumardvölina þetta árið. Þeim finnst spenn-
andi að fá að gista annars staðar en heima hjá
sér og gaman að vera í fríi með vinum sínum.
„Við erum alltaf að gera eitthvað skemmtilegt í
sumardvölinni, til dæmis fáum við að fara á
hestbak en mér finnst það æðislega gaman og
ég get farið alveg ein á hestbak,“ segir Ásdís
stolt en Þórkötlu finnst meira gaman að teyma
hestana og klappa þeim. „Svo er hundur þarna
og hann er mikill vinur okkar og við leikum
okkur oft við hann. Við förum líka í dýragarð-
inn Slakka í Laugarási og þar eru alls konar
dýr,“ segja þær vinkonurnar sem báðar eru
miklir dýravinir. Þórkatla á kisu sem heitir
Mjónalísa en Ásdís á páfagauk sem heitir
Krúsi, eins og hákarlinn í bíómyndinni um
Nemó.
Dansa rokk á diskótekum
Í sumardvölinni leika krakkarnir sér mikið úti í
náttúrunni og það finnst stelpunum frábært.
„Við förum í gönguferðir og tökum með okkur
nesti sem við borðum úti, við förum stundum í
ratleik og það er allt í lagi þótt maður vinni
ekki. Svo förum við oft í sund og keppum um
það hver er fljótastur að renna sér niður vatns-
rennibrautina.“ Þau hafa líka kvöldskemmtanir
þar sem þau sjá sjálf um skemmtiatriðin og Ás-
dís samdi til dæmis leikrit um Rauðhettu sem
sett var á svið. „Við höldum líka diskótek og þá
dansa ég rokk við strákana,“ segir Þórkatla og
játar að hún sé svolítið skotin í einum þeirra.
„Og svo eru náttfatapartí og þá poppum við og
horfum á myndband.“ Þær segjast ekki sakna
mömmu og pabba neitt sérstaklega mikið þótt
þær fari að heiman í svona langan tíma. „Við
fáum stundum smáheimþrá en það lagast fljótt,
og mig dreymir stundum Pétur og úlfinn,“ seg-
ir Þórkatla.
Dýrmæt sumarsæla í sveitinni
En þótt það sé svakalegt fjör í sumardvölinni er
líka ótrúlega gaman þegar mamma og pabbi
koma að sækja þær að sveitadvölinni lokinni.
„Mömmum okkar finnst við alltaf hafa stækkað
svo mikið og okkur finnst þær líka hafa breyst
eftir svona langan tíma.“
Þær vinkonurnar Ásdís og Þórkatla eru
kraftmiklar stelpur sem vilja hafa eitthvað fyrir
stafni þegar þær eru ekki í skólanum. Þær æfa
saman sund og Þórkatla er í kórnum í Öskju-
hlíð en hún kann nánast alla söngva sem til eru
á íslensku. Hún er líka að læra á píanó í tónlist-
arskóla Valgerðar.
Krakkarnir í Öskjuhlíðarskóla eiga síður vini
í hverfinu þar sem þau búa af því að þau þurfa
að sækja skóla sem er annars staðar. Eins kom-
ast þau síður en önnur börn út að leika. Einmitt
þess vegna er sumardvölin svo dýrmæt fyrir
þau, þar komast þau í frí með vinum sínum.
Morgunblaðið/Árni Torfason
Töffararnir Ásdís og Þórkatla eru miklar kraftakonur.
Reiðtúrar, ratleikir og náttfatapartí
 SUMARDVÖL
Eftir Kristínu Heiðu Kristinsdóttur
khk@mbl.is
ÞEIR sem eru með matjurtargarð
til heimilisnota vita að nauðsynlegt
er að undirbúa garðinn snemma
vors til að nýta sprettutímann sem
best. „Fyrst er að ákveða hvað skal
rækta,“ segir Gunnþór K. Guðfinns-
son, ræktunarstjóri lífrænnar rækt-
unar, hjá Landbúnaðarháskóla Ís-
lands. „Gott er að byrja með
tegundir sem er einfalt og auðvelt
að rækta eins og hreðkur, kart-
öflur, næpur, grænkál, gulrófur og
salat. Seinna er hægt að bæta við
kröfuharðari tegundum eins og
blómkáli, spergilkáli og rauðkáli.“
Flestar nytjaplöntur er nauðsyn-
legt að forrækta, í gróðurhúsi eða
inni í húsi í 4–8 vikur við 10–18ºC.
Þegar fræin hafa spírað er nóg að
halda 10–12ºC hita til að fá góðar
plöntur. Fræjunum er ýmist dreift í
bakka eða eitt og eitt frækorn í
hólfaða bakka. Best er að nota sáð-
mold og þjappa henni vel í bakk-
ann, sá og strá yfir þunnu lagi af
vikri, rétt til að hylja fræin. Vökva
vel og setja yfir gler- eða plastlok
og breiða dagblað yfir lokið. Lokið
heldur raka á meðan spírun fer
fram en þegar fræin byrja að koma
upp er það tekið af bakkanum.
„Þegar plönturnar eru komnar
vel upp, um það bil viku eftir spír-
un, er þeim plantað í hólfabakka
sem fylltir eru með frjósamri safn-
haugamold eða annarri næring-
arríkri gróðurmold,“ segir Gunn-
þór. „Mikilvægt er að gæta vel að
rótunum við plöntunina og taka um
blöðin en ekki stilkinn til þess að
hún skemmist ekki.“
Hola er gerð með plöntupinna
eða vísifingri, rótunum komið fyrir
ofan í holunni og moldinni þrýst létt
að. Að lokum er vökvað vel.
„Þegar plönturnar eru komnar
vel á veg má koma þeim fyrir í sól-
reit svo fremi sem tryggt er að ekki
frjósi,“ segir hann. „Fyrir út-
plöntun er mikilvægt að bæta í
jarðveginn lífrænum áburði. Með
lífrænum áburði byggjum við upp
frjósemi og sköpum þannig ákjós-
anlegri skilyrði fyrir nytja-
plönturnar okkar.“
Algengt er að plantað sé út um
mánaðamót maí/júní. Kálplöntum
má planta frekar djúpt þannig að
neðstu blöðin nemi við yfirborð
jarðvegsins. Gott er að nota plöntu-
skóflu og þjappa vel að plöntunni.
Þegar ræktunin er skipulögð
verður að gæta þess að hvaða teg-
undir passa saman, þannig að
stærstu plönturnar skyggi ekki á
þær minni. Eins ber að hafa í huga
að rækta ekki sömu tegundina á
sama stað í garðinum ár eftir ár.
 MATJURTAGARÐURINN | Hreðkur, næpur, grænkál, gulrófur og salat
Nauðsynlegt að forrækta
flest grænmeti
Plantað út með plöntupinna.
Morgunblaðið/Sverrir
Gunnþór Guðfinnsson bendir á að gott sé að byrja með tegundir sem er einfalt og auðvelt að rækta.