Morgunblaðið - 31.05.2005, Page 10

10 ÞRIÐJUDAGUR 31. MAÍ 2005 MORGUNBLAÐIÐ
FRÉTTIR
E
inmuna veðurblíða
ríkti á Bessastöðum í
gærmorgun þegar
bílalest dr. A.P.J. Ab-
duls Kalams, forseta
Indlands, rann í hlað, en tveggja
daga opinber heimsókn Indlands-
forsetans hófst í gær. Tóku Ólafur
Ragnar Grímsson, forseti Íslands,
og Dorrit
Moussaieff á
móti Indlands-
forseta sem
heilsaði fyrst
ráðherrum ís-
lensku ríkis-
stjórnarinnar og
því næst hópi
grunnskólabarna
frá Víðistaða-
skóla og Öldu-
túnsskóla, sem
fögnuðu forset-
anum glaðbeitt
með því að veifa
íslenskum og
indverskum fán-
um.
Á blaða-
mannafundi að
loknum hálftíma
fundi forsetanna
sagði Ólafur
Ragnar það sér
mikla ánægju að taka á móti Ind-
landsforseta þar sem heimsóknin
veitti einstakt tækifæri til að
styrkja vináttusamband landanna
tveggja sem og samvinnu á sviði
vísinda og tækni. „Heimsóknin er
tákn um samvinnu á milli annars
vegar stærsta lýðræðisríkis jarðar
og hins vegar elsta lýðræðisríkis
heims, sem jafnframt er eitt hið
minnsta,“ sagði Ólafur Ragnar.
Samvinna Íslands og Indlands
öðrum þjóðum til hagsbóta
Í ávarpi sínu lagði dr. Abdul Kal-
am áherslu á að með heimsókn
sinni nú vildi hann annars vegar
styrkja vináttu landanna og hins
vegar þakka íslenskum stjórnvöld-
um stuðning þeirra við framboð
Indlands til fastasetu í Öryggisráði
Sameinuðu þjóðanna. Því næst
gerði hann samvinnu landanna
tveggja að umtalsefni og sagði sam-
vinnu Íslands og Indlands á sviði
jarðskjálftavarna
og lyfjaþróunar
geta orðið stór-
kostlegt framlag,
ekki bara fyrir
löndin tvö heldur
einnig aðrar þjóð-
ir.
„Samvinna
þjóðanna tveggja
á sviði lyfjaþró-
unar- og fram-
leiðslu mun ekki
einungis koma
þeim sjálfum til
góða heldur einn-
ig öðrum þjóðum.
Þá mun hún
verða til þess að
styrkja vináttu-
bönd þjóðanna
tveggja,“ sagði
Abdul Kalam, en
þess má geta að
síðdegis í gær
heimsótti hann höfuðstöðvar lyfja-
fyrirtækisins Actavis í Hafnarfirði
og lagði þar hornstein að nýrri
byggingu fyrirtækisins.
Abdul Kalam ræddi þvínæst um
jarðskjálftavarnir og sagði Indverja
mikið geta lært af íslenskum vís-
indamönnum. Sagði hann jarð-
skjálfta ekki einungis vandamál
þess lands þar sem jarðskjálftinn
ætti upptök sín heldur væri um að
ræða sameiginlegt vandamál alls
heimsins sökum þeirrar miklu eyði-
leggingar sem fylgt geta í kjölfar
jarðskjálfta. Sagði hann framfarir á
sviði forspár jarðskjálfta gífurlega
Styrkir vináttusamband landanna
Morgunblaðið/Golli
Dorrit Moussaieff og Ólafur Ragnar tóku innilega á móti Indlandsforseta á hlaðinu við Bessastaði.
Morgunblaðið/Golli
Dr. A.P.J. Abdul Kalam, forseti
Indlands, Ólafur Ragnar Gríms-
son, forseti Íslands, og Dorrit Mo-
ussaieff á Bessastöðum í gær.
Samvinna Íslands og Indlands á sviði jarðskjálfta-
varna og lyfjaþróunar getur orðið stórkostlegt
framlag, ekki bara fyrir löndin tvö heldur einnig
aðrar þjóðir. Þetta kom fram í máli dr. A.P.J Ab-
duls Kalams Indlandsforseta, en opinber heimsókn
hans hófst í gær með móttökuathöfn á Bessastöð-
um. Silja Björk Huldudóttir var á staðnum.
FORSETI Indlands hitti stúdenta í
Háskóla Íslands seinnipart dags í
gær, og sagði þeim í stuttu máli
frá hugmyndum sínum um hvernig
þróun indversks samfélags geti
orðið í framtíðinni til þess að það
markmið náist að enginn verði
undir fátæktarmörkum á Indlandi
árið 2020.
Kalam leggur alltaf mikla
áherslu á að ræða við námsmenn á
ferðalögum sínum, bæði heima
fyrir og erlendis, og telst til að
hann hafi hitt um 600 þúsund
námsmenn frá því hann tók við
embætti í júlílok 2002.
Í dag eru um 26% af hinum
rúmlega milljarði Indverja undir
fátæktarmörkum, og sagði Kalam
að vísindi og tækniþróun verði lyk-
illinn í því að bæta lífsgæði þessara
260 milljóna Indverja. Leiðir að
markmiðinu eru svo t.d. menntun
og heilsugæsla, framfarir í land-
búnaði og aukin uppbygging raf-
orkukerfis fyrir smærri þorp víðs
vegar um landið.
Eftir erindi Kalam gafst nem-
endum tækifæri til þess að spyrja
hann spurninga, og var hann m.a.
spurður um hvernig hægt væri að
auka raforkuframleiðslu Indlands
til þess að standa undir aukinni
notkun á rafmagni sem framtíð-
arsýn hans óhjákvæmilega kallaði
á.
Forsetinn sagði að áfram yrði
notuð kjarnorka, aukin nýting á
vetni og sólarorku sé einnig mik-
ilvægur þáttur í þessu.
Enginn undir
fátæktar-
mörkum 2020
Morgunblaðið/Þorkell
Abdul Kalam leggur mikla áherslu á að ræða við stúdenta í ferðum sínum og er hér í Öskju í gær.
„MÁLÞINGIÐ tókst afar vel og var
vel sótt. Fyrirlesarar fóru yfir
ýmsa samstarfsmöguleika ís-
lenskra og indverskra fyrirtækja.
Þarna var til dæmis fjallað um
lyfjaiðnaðinn, sem og hugsanlegt
samstarf á sviði hugbúnaðar og
tölvutækni.
Af hálfu Össurar hf. kom fram að
fyrirtækið er farið að þreifa fyrir
sér með starfsemi í Indlandi og
Davíð Á. Gunnarsson flutti áhuga-
vert erindi um hvernig smáar og
stórar þjóðir geta starfað saman
innan Alþjóðaheilbrigðismálastofn-
unarinnar,“ sagði Björn Aðal-
steinsson, formaður íslensk-
indverska viðskiptaráðsins og
forstöðumaður viðskiptastefnu-
mótunar hjá Actavis.
Íslensk-indverska viðskiptaráðið,
í samvinnu við Actavis, hélt mál-
þing í gær þar sem sérstök áhersla
var lögð á lyfja- og tæknigeirann.
Erlendir og innlendir fyrirlesarar
fluttu erindi, en sérstakir gestir
voru Ólafur Ragnar Grímsson, for-
seti Íslands og Abdul Kalam, for-
seti Indlands.
Vefnaður, flug
og fyrirsætur
Félagar í íslensk-indverska við-
skiptaráðinu eru t.d. Hagkaup, sem
lætur framleiða ýmsa vefnaðarvöru
fyrir sig í Indlandi, Sæplast og FL
Group. Björn segist vita til að ís-
lenskir bankar séu að svipast um
eftir viðskiptatækifærum í Indlandi
og bendir á að Eskimo Models hafi
þegar haslað sér völl í indverska
kvikmyndaheiminum, sem daglega
kallast Bollywood. Fjölbreytnina
skorti því ekki.
Viðskiptasambönd
við Indland reifuð
Morgunblaðið/Þorkell
Abdul Kalam lagði hornstein að nýbyggingu Actavis í Hafnarfirði með að-
stoð sinna manna sem brugðu yfir hann skjóli fyrir bleytunni.