Morgunblaðið - 31.05.2005, Síða 27

MORGUNBLAÐIÐ ÞRIÐJUDAGUR 31. MAÍ 2005 27
UMRÆÐAN
BJÖRN Bjarnason borgar-
fulltrúi fær ekki á heilum sér tek-
ið vegna tímamótaákvörðunar Há-
skólans í Reykjavík
að velja sér framtíð-
arstað í Vatnsmýr-
inni í Reykjavík.
Björn skilur ekki
hugsunina sem að
baki býr, líkir lóðinni
við ósnortið hálendi,
finnst hratt hafa ver-
ið unnið og segir Há-
skólann hafa hrapað
að niðurstöðunni. All-
ur þessi málflutn-
ingur er með ólík-
indum og einangrast
við Björn. Borgarráð
stóð einhuga að tilboði um lóðina í
Vatnsmýrinni á fundi sínum 14.
apríl sl. Staðarvalinu var jafn-
framt einróma fagnað á fundi
borgarstjórnar fimm dögum síðar.
Þá var Björn í Bangkok.
Þekkingarþorp í Vatnsmýri
Eins og sagði í tilkynningu frá
Háskólanum í Reykjavík byggðist
staðarval skólans á ítarlegri
greiningu og framtíðarsýn um að
byggja upp alþjóðlega mennta-
stofnun sem væri fyllilega sam-
bærileg við bestu háskóla erlendis
á viðkomandi fagsviðum. Stað-
setning í Vatnsmýrinni styður við
þá framtíðarsýn. Ástæðan er sú
að þar eigum við Íslendingar ein-
stakt tækifæri til að mynda þekk-
ingar- og nýsköpunarumhverfi á
heimsmælikvarða. Gera má ráð
fyrir að innan fárra ára geti 20 til
30 þúsund manns verið við nám
og störf í þekkingar-, háskóla- og
rannsóknarumhverfi á
Vatnsmýrarsvæðinu. Samfélags-
legt mikilvægi og sameiginlegir
hagsmunir atvinnu-
lífs, háskóla og
stjórnvalda eru svo
ríkir í þessu verkefni
að það ætti að vera
hafið yfir pólitíska
flokkadrætti og
dægurþras.
Í sátt við umhverfi
og útivist
Svæði Háskólans í
Reykjavík er ekki að-
eins ætlað að rýma
framtíðarstarfsemi
skólans heldur einnig
þekkingarfyrirtæki, rannsóknar-
stofnanir og aðra starfsemi sem
styrkt getur þekkingarstarfsemi í
Vatnsmýri. Það er leiðinlegt að
Björn borgarfulltrúi reyni með
villandi málflutningi að koma því
orði á að þessi notkun svæðisins
stefni nærliggjandi útivistar-
perlum í hættu. Þess var sér-
staklega gætt að ganga ekki á
útivistarsvæðið í Öskjuhlíð við
undirbúning málsins og svæði
Nauthólsvíkur var raunar stækk-
að verulega. Hefur borgarstjórn
þegar ákveðið að efna til sam-
keppni meðal barna og unglinga
um hvernig afþreyingar- og úti-
vistarsvæðið sem þannig skapast
verði best þróað til framtíðar.
Þótt nágrennið sé viðkvæmt er
svæði Háskólans sjálfs að stærst-
um hluta framræst tún og móar
auk leifa braggabyggðar frá
seinna stríði. Augljóst er að á því
verður byggt fyrr eða síðar.
Eldra skipulag gerði raunar ráð
fyrir að þar kæmi vegstæði hrað-
brautar um Hlíðarfót og flugstöð
ásamt bílastæðum. Ég held að
engum sé betur treystandi til að
vanda til verks, skapa fallegt og
líflegt borgarumhverfi á þessum
stað en metnaðarfullum umhverf-
isvænum háskóla sem vill skapa
framúrskarandi umhverfi fyrir
nemendur sína, kennara og borg-
arbúa alla. Nauthólsvík gæti ekki
eignast betri nágranna.
Heiðarleg fýla?
Björn Bjarnason kaus því mið-
ur að tala sig út í horn í þessu
mikilvæga máli áður en hann gaf
sér tíma til að kynna sér lykil-
gögn, umhverfisþætti og hvernig
var að ákvörðun Háskólans í
Reykjavík staðið. Það var ólíkt
meiri manndómsbragur á bæjar-
stjóranum í Garðabæ sem óskaði
skólanum til hamingju með
ákvörðun sína. Þessi í stað hefur
Björn gert sér upp umhverfis-
áhuga sem hefur holan hljóm og
styðst við fátækleg rök. Erfiðast
virðist þó að gera Birni til geðs
þegar málshraði er annars vegar.
Í byrjun árs, meðan aðrir lögðu
nótt við dag við tryggja að Há-
skólinn í Reykjavík veldi sér stað
í Vatnsmýrinni, sat Björn við
tölvu sína og barmaði sér á
www.bjorn.is: Garðabær er á
fullri ferð við að undirbúa jarð-
veginn í orðsins fyllstu merkingu
fyrir háskóla- og vísindabyggð á
Urriðaholti. Reynsla mín af hæg-
ferð og vandræðagangi við töku
skipulagsákvarðana á vegum R-
listans í Reykjavík segir mér, að
verulegar líkur séu á því, að
Garðabær verði fyrri til að skapa
kjöraðstæður fyrir háskóla- og
vísindabyggð en yfirvöld Háskóla
Íslands og R-listinn í Reykjavík.
Getur verið að Björn sé fyrst og
fremst svekktur yfir að hrakspár
hans gengu ekki eftir? Hvörfluðu
hagsmunir Reykjavíkur, borgar-
búa eða þekkingarsamfélagsins
aldrei að honum þegar staðarval
Háskólans í Reykjavík var annars
vegar? Hvernig stendur á því að
Birni Bjarnasyni líður alltaf verst
þegar best gengur í henni
Reykjavík?
Háskólinn í Reykjavík og Vatnsmýrin
Dagur B. Eggertsson
fjallar um borgarmál ’Í Vatnsmýrinni eigumvið Íslendingar einstakt
tækifæri til að mynda
þekkingar- og nýsköp-
unarumhverfi á heims-
mælikvarða.‘
Dagur B. Eggertsson
Höfundur er læknir og borgarfulltrúi.
Kristján Guðmundsson: Því
miður eru umræddar reglur nr.
122/2004 sundurtættar af
óskýru orðalagi og í sumum til-
vikum óskiljanlegar.
Sigurjón Bjarnason gerir
grein fyrir og metur stöðu og
áhrif þeirra opinberu stofnana,
sem heyra undir samkeppnis-
lög, hvern vanda þær eiga við
að glíma og leitar lausna á hon-
um.
Þorsteinn H. Gunnarsson:
Nauðsynlegt er að ræða þessi
mál með heildaryfirsýn og
dýpka umræðuna og ná um
þessi málefni sátt og með hags-
muni allra að leiðarljósi, bæði
núverandi bænda og fyrrver-
andi.
Dr. Sigríður Halldórsdóttir:
Skerum upp herör gegn heim-
ilisofbeldi og kortleggjum
þennan falda glæp og ræðum
vandamálið í hel.
Svava Björnsdóttir: Til þess
að minnka kynferðisofbeldi
þurfa landsmenn að fyrir-
byggja að það gerist. Forvarnir
gerast með fræðslu almenn-
ings.
Jóhann J. Ólafsson: Lýð-
ræðisþróun á Íslandi hefur,
þrátt fyrir allt, verið til fyrir-
myndar og á að vera það áfram.
Pétur Steinn Guðmundsson:
Þær hömlur sem settar eru á
bílaleigur eru ekki í neinu sam-
ræmi við áður gefnar yfirlýs-
ingar framkvæmdavaldsins,
um að skapa betra umhverfi
fyrir bílaleigurnar.
Aðsendar greinar á mbl.is
www.mbl.is/greinar
LJÓSMYNDIR
mbl.is