Morgunblaðið - 01.10.2005, Blaðsíða 10

10 LAUGARDAGUR 1. OKTÓBER 2005 MORGUNBLAÐIÐ
FRÉTTIR
ÁGÆT samstaða ríkir í utanríkismálanefnd um
framboð Íslands til öryggisráðs Sameinuðu þjóð-
anna árin 2009 og 2010 og mun málinu verða haldið
áfram til streitu en með lægri tilkostnaði en áður
var gert ráð fyrir, sagði Geir H. Haarde utanrík-
isráðherra eftir að hafa kynnt utanríkismálanefnd
afstöðu sína á fundi í gærmorgun. Áður hafði málið
verið rætt á ríkisstjórnarfundi við góðar undirtekt-
ir.
Geir segist hafa einsett sér að fara í framboðið af
þeirri hófsemd sem einkenna eigi vinnubrögð Ís-
lands á alþjóðavettvangi. Vinnan muni að mestu
verða á vettvangi Sameinuðu þjóðanna og treyst
verði á að ná góðu sambandi við fulltrúa allra þeirra
þjóða sem þar eru. Hins vegar verði dregið úr kynn-
ingarferðum sendiherra um allan heim eins og hefði
komið til greina en verði ferðir ráðherra, þing-
manna og embættismanna sem eru á ferðinni af
öðru tilefni nýttar betur til að kynna málið. Eins
bendir Geir á að dregið verði úr vissri kynning-
arstarfsemi framboðsins sem ætlunin var að standa
fyrir í New York.
Ekki keppni í eyðslu fjármuna
Geir segir hagræðinguna ekki síst vera tilkomna
vegna hans eigin afstöðu um að Ísland eigi að fara í
málið af látleysi. „Við tókum þetta verkefni að okk-
ur vegna þess að við treystum okkur til þess og er-
um tilbúin að axla þá ábyrgð sem fylgir ef við erum
til þess kjörin, en við getum ekki farið út í keppni
um það hvaða þjóð getur eytt mestum fjármunum í
kosningabaráttu því við erum dæmd til tapa slíkri
baráttu við miklu stærri þjóðir.“
Kostnaðurinn við framboð Íslands næstu þrjú ár
er talinn nema um 200 til 210 milljónum króna, til
viðbótar við þann kostnað sem nú þegar er fyrir
hendi, en fari svo að Ísland nái kosningu gæti kostn-
aðurinn við setu í öryggisráðinu numið um hundrað
milljónum fyrir hvort ár sem setið er. Geir vill ekki
gefa upp neinar tölur um hver áætlaður heildar-
kostnaður hafi verið fyrir nýju tillöguna en segir að
um umtalsverðan sparnað sé að ræða frá því sem
áður var rætt um. Hættan hafi verið sú að á loka-
spretti kosningabaráttunnar missi menn stjórn á
útgjöldunum og fari hreinlega á taugum, en það
muni ekki gerast hjá Íslendingum sem muni sinna
sínu framboði af hógværð og látleysi. Þá séu komn-
ar heilmiklar upphæðir í útgjaldaramma utanrík-
isráðuneytisins sem nýja áætlunin rúmast innan.
„Mér sýnist að þetta sé leiðin til að koma þessu máli
farsællega áfram. Það hefur verið gagnrýnt að það
var nokkuð há kostnaðaráætlun, minna var gagn-
rýnt hvort við ættum þarna erindi í sjálfu sér. Nú
getum við samræmt þetta og fylgt eftir ákvörð-
uninni en jafnframt gert það á lægri nótum hvað
varðar kostnað.“
Alvöru framboð
Geir segir að þrátt fyrir að farið verði í ódýrari
kynningu á framboði Íslands eigi það ekki að skipta
máli varðandi kosninguna og alls ekki rýra mögu-
leika Íslands. Hann segir framboðið vera fyrir al-
vöru og sóst sé eftir kosningu þrátt fyrir að vinnan
bakvið framboðið verði unnin af fullkominni hóg-
værð. Reynslan hafi sýnt það í kosningum annars
staðar að góðir möguleikar séu á að ná kosningu ef
vel er að málum staðið en auðvitað sé ekkert öruggt
í þeim efnum. Austurríki og Tyrkland, sem líka
keppa um sæti í ráðinu, séu öflug ríki.
Utanríkisráðherra segir samstöðu um framboð Íslands til öryggisráðs SÞ
Góðir möguleikar
á kosningu Íslands
Morgunblaðið/Árni Torfason
Geir H. Haarde utanríkisráðherra mætti á fund utanríkismálanefndar Alþingis í gær og kynnti þar
afstöðu sína og ríkisstjórnarinnar til framboðs Íslands til öryggisráðs Sameinuðu þjóðanna.
Eftir Andra Karl
andri@mbl.is
FORSÆTISNEFND Alþingis hefur
falið Þorsteini Pálssyni sendiherra
að hafa með höndum ritun sögu þing-
ræðis á Íslandi.
Ákvað nefndin að
láta rita sögu
þingræðis hér á
landi í tilefni af
því að öld er liðin
frá upphafi þess
hér á landi.
Þorsteinn er
sendiherra í
Kaupmannahöfn
en hann mun láta
af störfum í utanríkisþjónustunni 1.
nóvember næstkomandi.
Mjög áhugavert verkefni
Þorsteinn segist í samtali við
Morgunblaðið hlakka til að takast á
við þetta verkefni. Það sé mjög
áhugavert, ekki síst lögfræðilega.
Segist Þorsteinn ekki vera farinn
að huga að því hvernig hann muni
takast á við þetta verkefni en gerir
ráð fyrir að hefjast handa í byrjun
næsta árs.
Forsætisnefnd Alþingis hefur
einnig skipað tveggja manna rit-
nefnd vegna þessa verkefnis. Í henni
eiga sæti Helgi Skúli Kjartansson,
prófessor í sagnfræði við Kenn-
araháskóla Íslands, og dr. Ragnhild-
ur Helgadóttir, lektor í stjórnskip-
unarrétti við Háskólann í Reykjavík.
„Forsætisnefnd fól höfundi og rit-
nefnd að skilgreina í upphafi starfs
síns verklag og efnistök og leggja
fram kostnaðar- og tímaáætlun fyrir
verkið. Tillögur og áætlanir nefnd-
arinnar verða síðan lagðar fyrir for-
sætisnefnd Alþingis,“ segir í frétta-
tilkynningu frá Alþingi.
Þorsteini
Pálssyni falið
að rita sögu
þingræðis
á Íslandi
Þorsteinn Pálsson
Á LAUGARDAGSMORGNI 2.
marz árið 2002 var haft samband við
Morgunblaðið frá aðila, sem ekki er
hægt að nafngreina vegna vinnu-
reglna Morgunblaðsins og ritstjórn
blaðsins boðinn til birtingar í sunnu-
dagsblaði 3. marz 2002 tölvupóstur,
sem sagt var að Össur Skarphéð-
insson, alþingismaður, hefði sent
stjórnendum Baugs.
Því var svarað til, að Morgun-
blaðið mundi ekki birta slíkan tölvu-
póst á milli einstaklings og viðkom-
andi fyrirtækis.
Þennan laugardagsmorgun fóru
fram samtöl á milli Össurar Skarp-
héðinssonar og ritstjóra blaðsins
um þetta mál.
Daginn eftir birti Morgunblaðið
viðtal við Hrein Loftsson, stjórnar-
formann Baugs. Í því viðtali skýrði
stjórnarformaður Baugs orðrétt frá
efni tölvupósts, sem Össur Skarp-
héðinsson hafði sent fyrirtæki hans.
Þar sem Hreinn Loftsson skýrði frá
efni þessa tölvupósts í eigin nafni
leit Morgunblaðið svo á, að birting
hans væri á hans ábyrgð, sem tals-
manns og fulltrúa móttakanda
tölvupóstsins og ekki væru rök fyrir
því að ritskoða ummæli Hreins
Loftssonar.
Það er því misminni, sem fram
kemur hjá Össuri Skarphéðinssyni í
Fréttablaðinu í gær þegar hann
segir: „Hér var um einkabréf að
ræða og bæði ég og viðtakendur
gerðum Morgunblaðinu ljóst, að við
værum mótfallnir birtingu.“
Með þessari athugasemd birtist
mynd af umræddri frétt eins og hún
birtist í Morgunblaðinu á þeim tíma.
Sunnudaginn 10. maí 1998 birti
Morgunblaðið í heild bréf, sem
Gunnlaugur M. Sigmundsson, þá al-
þingismaður, hafði sent öllum öðr-
um þingmönnum á Alþingi Íslend-
inga nokkru áður, þar sem hann
skýrði sín sjónarmið varðandi
ákveðin viðskipti tengd Kögun hf. Í
því tilviki var um að ræða birtingu á
eins konar fjölpósti, sem sendur
hafði verið 62 öðrum einstaklingum
og í því ljósi sá Morgunblaðið ekk-
ert athugavert við birtingu þess
bréfs.
Ritstj.
Hreinn Loftsson skýrði
frá tölvupósti Össurar
Frétt Morgunblaðsins sunnudaginn 3. mars 2002.
STJÓRNENDUR Baugs hf. sögðu
fyrir skömmu upp samningi við ræst-
ingafyrirtæki, sem annaðist ræsting-
ar á skrifstofum fyrirtækisins. Sam-
kvæmt heimildum Morgunblaðsins
var ástæða uppsagnarinnar sú að
fram kom á eftirlitsmyndavél að
starfsmaður ræstingafyrirtækisins
var að róta í skjölum eins af yfirmönn-
um Baugs. Jafnframt hefur blaðið
upplýsingar um að Össur Skarphéð-
insson hafi sem einstaklingur mót-
mælt mjög harðlega þessum brott-
rekstri við stjórnendur Baugs í
tölvubréfi og talið þær hefndaraðgerð
gegn sér vegna gagnrýni, sem hann
hefði sett fram á fyrirtækið.
Taldi að verið væri að ná fram
hefndum vegna skoðana minna
Morgunblaðið leitaði til Össurar í
gær og óskaði eftir skýringum hans á
afskiptum hans.
,,Ég hef haft uppi skarpa gagnrýni
á samþjöppun á þeim markaði sem
Baugur starfar á. Nákominn ættingi
minn rekur ræstifyrirtæki, sem hefur
ræst þrjú fyrirtæki fyrir Baug. Hann
hafði komið tvisvar sinnum að máli
við mig og sagt að hann fyndi að skörp
gagnrýni mín á fyrirtækið hefði leitt
til þess að hann drægi þá ályktun af
ummælum manna að það gætu verið
blikur á lofti fyrir hann. Ég taldi það
af og frá og sagði að slíkt ætti sér ekki
stað á Íslandi. Síðan gerðist það að
það birtist eftir mig lítið álit um sam-
þjöppun á matvörumarkaði í Við-
skiptablaðinu sl. miðvikudag. Hann
tjáði mér að þann dag hefði hann ver-
ið kallaður fyrir yfirmenn í fyrirtæk-
inu [Baugi] og honum tjáð að hann
fengi ekki að starfa fyrir þessi þrjú
fyrirtæki. Ég varð ákaflega hryggur
og taldi að þarna væri verið að ná
fram einhvers konar hefndum vegna
skoðana minna með því að seilast til
ættingja sem mér þykir mjög vænt
um. Ég varð því bæði mjög hryggur
og reiður. Mér hefur síðar verið sagt
að uppsögnin stafi af öðru, þ.e.a.s. því
að starfsmaður fyrirtækis ættingja
míns hafi ekki komið fram með rétt-
um hætti í einu og öllu, en mér finnst
það auðvitað öldungis fráleitt að þó að
starfsmaður sýni ekki rétta fram-
komu, þá sé fyrirtækinu án nokkurr-
ar áminningar eða aðdraganda sagt
upp störfum. Ég dyl það ekki, að ég
hef tjáð mig sterklega í trúnaðarbréfi
til starfsmanna fyrirtækisins vegna
þess að ég taldi að hér væri um hefnd-
araðgerðir að ræða,“ sagði Össur og
bætti við:
„Sú skýring, sem ég fékk síðan var
að nýr starfsmannastjóri vildi hafa
innanhússtarfsmenn í þessu verki.“
Segir mönnum mjög brugðið
Morgunblaðið sneri sér til Hreins
Loftssonar, stjórnarformanns Baugs,
sem staðfesti að stjórnendum Baugs
hefði borist tölvuskeyti frá Össuri.
Hann sagði að tölvuskeytið hefði farið
sem eldur í sinu um fyrirtækið og
mönnum hefði brugðið mjög við þessi
tíðindi. Síðan sagði Hreinn: ,,Ég sem
stjórnarformaður fyrirtækisins get
ekki annað en tekið það mjög alvar-
lega þegar einn af málsmetandi
stjórnmálaleiðtogum sendir fyrirtæk-
inu skeyti af þessu tagi en skeytið er
svohljóðandi:
,,Í trúnaði fyrir þig og Jóhannes
Heill og sæll Jón
Einsog þú veist ráku feðgarnir Jó-
hannes og Jón Ásgeir bróður minn
Magnús frá ræstingum í þremur fyr-
irtækjum þeirra í dag.
Auðvitað er það ekkert annað en
hrein hefndaraðgerð vegna skoðana
minna.
Gangsteraeðli þeirra birtist í því að
þeir velja daginn sem Viðskiptablaðið
birtir lítið komment frá mér um það
efni.
Það eru aðeins hreinræktaðir
drullusokkar sem ráðast að þeim sem
ekki geta varist, í þessu tilviki ætt-
ingjum sem enga ábyrgð bera á um-
mælum mínum.
Svona menn eiga ekki skilið virð-
ingu samborgara sinna. Því ætla ég
að koma til skila. Þeir haga sér einsog
suðuramerískir gangsterar, og þjóðin
á rétt á að vita það.
Ég mun því ekki láta þetta kyrrt
liggja, og ætla heldur aldrei að
gleyma þessu. Ættin er giska langlíf,
einsog þú kannski veist. Sá kann allt
sem bíða kann, kenndi Sveinn R. Eyj-
ólfsson mér.
Ef Baugsveldið heldur að þetta sé
aðferðin til að þagga niður í mér get
ég ekki varist þess að upp í hugann
komi hin fræga setning: You aint’
seen nothing yet.
Það má vel vera að ég hafi lítið að
gera í þessa nýju mafíu. En mér er
létt um mál, og lipur með pennann, og
ég á langa ævi fyrir höndum til að lýsa
fyrir samferðamönnum mínum hvers-
konar menn þetta eru.
Í guðs friði – en ekki mínum,
Össur Skarphéðinsson, líffræðing-
ur, Vesturgötu 73, 101 R.“ “
Segir Össur hafa fylgt skeytinu
eftir með hatursfullu símtali
Hreinn Loftsson sagði það í fyrsta
lagi vekja athygli að skeytið væri sent
á tölvukerfi Alþingis. ,,Í öðru lagi hef-
ur viðkomandi stjórnmálamaður ekki
haft fyrir því að kynna sér forsendur
málsins af hálfu Baugs áður en hann
sendi skeytið og hann fylgdi skeytinu
eftir með hatursfullu símtali með
sömu ásökunum. Símtalið fékk Jó-
hannes Jónsson eftir því sem Jóhann-
es segir mér. Kom það Jóhannesi á
óvart, en hann er erlendis og var
ókunnugt um málið þegar Össur
hringdi. Í þriðja lagi sýnir þetta ótrú-
legan dómgreindarskort. Jóhanna
Sigurðardóttir hefur talað um að
þingmenn þyrftu að setja sér siða-
reglur. Hún þyrfti kannski að byrja á
formanninum sínum og taka hann á
slíkt námskeið um samskipti stjórn-
málamanna við borgarana,“ sagði
Hreinn. Spurður um upphafsorð
bréfsins, þar sem segir að það sé sent
í trúnaði fyrir viðtakanda og Jóhann-
es, sagði Hreinn: ,,Maður sem viðhef-
ur slíkar hótanir og biður um trúnað
hlýtur að vera að grínast.“
Össur Skarphéðinsson
mótmælti brottrekstrinum
Baugur sagði upp verktaka við ræstingu eftir að eftirlitsmyndavél sýndi
starfsmann róta í skjölum eins af stjórnendum fyrirtækisins
FÉLAGSMENN í Starfsmanna-
félagi Kópavogs felldu nýgerðan
kjarasamning við Launanefnd
sveitarfélaga í almennri atkvæða-
greiðslu um samninginn. Kosning
fór fram sl. fimmtudag. Skrifað var
undir samninginn 20. september
en fyrr í sumar felldi Starfsmanna-
félagið kjarasamning sem gerður
var við LN.
Á kjörskrá í atkvæðagreiðslunni
nú voru 700 félagsmenn. Alls kusu
357 eða 51% félagsmanna. Já,
sögðu 164 eða 45,94%, nei, sögðu
190 eða 53,22%. Auðir og ógildir
seðlar voru 3 eða 0,84%.
Þetta er í annað sinn sem félagið
fellir kjarasamning frá því viðræð-
ur hófust en samningur sem und-
irritaður var 1. júlí var einnig
felldur í atkvæðagreiðslu fé-
lagsmanna.
Næstu skref ákveðin
í næstu viku
„Við ætlum að taka helgina í að
hugsa okkar gang og sjá hvað við
gerum í næstu viku,“ sagði Jófríð-
ur Hanna Sigfúsdóttir, formaður
Starfsmannafélagsins, spurð hvort
gerð yrði þriðja tilraunin til að ná
samningum. Búast má við að
næstu skref verði ákveðin í næstu
viku að sögn hennar. Kjaradeilan
hefur verið til meðferðar ríkis-
sáttasemjara frá því í júlí. Jófríður
segir óánægjuna nú sem fyrr snú-
ast um lág laun og tengingu starfs-
mats við launakjör. „Þolinmæðin
er brostin,“ segir hún.
Starfsmannafélag
Kópavogs fellir kjara-
samning í annað sinn
„Þolin-
mæðin er
brostin“
♦♦♦