Morgunblaðið - 01.10.2005, Blaðsíða 35

MORGUNBLAÐIÐ LAUGARDAGUR 1. OKTÓBER 2005 35
DAGLEGT LÍF | FERÐALÖG
Sloggi
tilboð
Sloggi maxi
þrjár í pakka
á aðeins
1.699 kr.
HAGKAUP, SMÁRALIND
HAGKAUP, SKEIFUNNI
HAGKAUP, KRINGLUNNI
HAGKAUP, SPÖNGINNI
HAGKAUP, GARÐABÆ
HAGKAUP, EIÐSTORGI
HAGKAUP, AKUREYRI
NETTÓ, AKUREYRI
NETTÓ, MJÓDD
NETTÓ, AKRANESI
NÓATÚN, SELFOSSI
KJARVAL, KIRKJUBÆJARKL.
FJARÐARKAUP, HAFNARFIRÐI
ÚRVAL, KEFLAVÍK
ÚRVAL, HAFNARFIRÐI
ÚRVAL, EGILSSTÖÐUM
ÚRVAL, HRÍSALUNDI
ÚRVAL, HÚSAVÍK
ÚRVAL, DALVÍK
ÚRVAL, ÓLAFSFIRÐI
ÚRVAL, ÍSAFIRÐI
ÚRVAL, SIGLUFIRÐI
ÚRVAL, BORGARNESI
ÚRVAL, BLÖNDUÓSI
STRAX, FÁSKRÚÐSFIRÐI
KAUPFÉLAG V-HÚNV.
KAUPF. SKAGAF. SAUÐÁRKR.
KAUPF. STEINGRÍMSFJARÐAR
KAUPF. STEINGR.FJ. DRANGSN.
LÆKURINN, NESKAUPSTAÐ
EFNALAUG DÓRU, HÖFN
HEIMAHORNIÐ, STYKKISHÓLMI
LYFJA, PATRÓ
PALOMA, GRINDAVIK
FATABÚÐIN, ÍSAFIRÐI
VERSL. RANGÁ, SKIPAS. 56
H-SEL, LAUGARVATNI
ÞÍN VERSLUN, SELJABRAUT
PLÚS MARK., HÁTÚNI 106
GAMLA BÚÐIN, HVOLSVELLI
DALAKJÖR, BÚÐARDAL
KASSINN, ÓLAFSVÍK
VERSLUNIN STRAX, FLÚÐUM
KLAKKUR, VÍK
RAFLOST, DJÚPAVOGI
BJARNI EIRÍKS, BOLUNGARV.
EINAR ÓLAFSS, AKRANESI
Útsölustaðir:
V
ið hittumst öll eina kvöldstund og
létum hugann reika á landakort-
inu því meiningin var að fara sam-
an í sumarfrí. Allir voru með
ákveðnar kröfur og svo virtist sem
Tékkland myndi uppfylla óskir okkar allra. Við
vildum m.a. geta keyrt frá Danmörku, hafa
gott veður, stutt til stórborgar, góða mögu-
leika á náttúruskoðun auk hins klassíska að
geta lifað ódýrt,“ segir Nanna Traustadóttir,
sem fór ásamt dönskum sambýlismanni, Henn-
ing Sörensen, og ársgamalli dóttur þeirra,
Nínu að nafni, til Tékklands í fríinu. Með í för
voru þrjú systkini Hennings ásamt mökum.
„Sumarbústaðinn fundum við á Netinu, á
slóðinni www.novasol.dk. Um var að ræða 200
fermetra hús á þremur hæðum í Krivoklat, 60
km vestur af Prag.
Gírkassinn tafði för
Ferðalangarnir lögðu af stað á tveimur bíl-
um, en þau höfðu getað skipulagt akstursleið-
ina alla á Netinu á slóðinni www.krak.dk og
þar komist að því að aksturinn myndi taka 10–
11 tíma. Rétt fyrir utan Hannover í Þýskalandi
brást fimmti gírinn í bílnum og síðan fór fjórði
gírinn forgörðum líka. Ekið var á 90 km á klst.
það sem eftir lifði leiðarinnar sem að vonum
setti smá strik í tímaáætlunina.
„Við komum loks til Krivoklat eftir langa
aukarúnta á sveitavegum Tékklands. Húsið
reyndist á guðdómlega fallegum stað neðst í
djúpum dal, þöktum trjám frá toppi til táar.
Þessa viku nýttum við til að ganga um nánasta
umhverfi, skoða hallir og flatmaga á gervi-
ströndum, sem er að finna víða í Tékklandi. Við
fórum til Karlovy Vary, sem er sérstaklega fal-
leg borg og þekkt fyrir heilsulindir sínar.
Tvisvar sinnum var ekið til Prag, þar sem er
frábært að vera og versla.“
Mjög hagstætt verðlag
„Tékkland er frábært ferðamannaland hvað
varðar náttúrufegurð, menningu og verslun.
Yndislegt er að keyra um í sveitunum þar sem
útsýni er stórfenglegt,“ segir Nanna spurð um
hvort hún myndi mæla með landinu fyrir aðra
ferðaþyrsta Íslendinga. „Hinsvegar eru Tékk-
ar mjög slakir tungumálamenn, sér í lagi íbúar,
sem búa utan Prag, enda upplifðum við það að
á ferðaskrifstofu í Krivoklat talaði enginn
starfsmaður ensku eða þýsku.
Verðlag í landinu kom líka á óvart og verð-
munurinn milli verslana í Danmörku og Tékk-
lands reyndist mun meiri en við höfðum búist
við. Verslanir í Prag eru þó dýrari en á lands-
byggðinni. Í fyrsta verslunartúrnum fyrir hóp-
inn fylltum við þrjár kerrur af alls konar gúm-
melaði ásamt bjórkassa og borðvínum og
borguðum sem svarar til um tíu þúsund ís-
lenskum krónum fyrir. Matur fyrir átta á frá-
bærum ítölskum veitingastað í Karlovy Vary
kostaði sem svarar sjö þúsund íslenskum krón-
um. Fyrir sumarbústaðinn í viku greiddum við
svo tæpar 3.700 danskar krónur.“
Bæði skin og skúrir
Nanna segir alla samferðamenn hafa verið í
skýjunum með ferðalagið að því loknu og tekist
hafi að sameina áhugasvið allra með dvöl
þarna. „Tékkland stóð því svo sannarlega und-
ir væntingum. Veðrið var hreint frábært fyrri
hluta vikunnar þessa júlídaga eða um 25 gráð-
ur og sól. Síðustu dagana gerði stutt úrhelli af
og til sem mér er sagt að sé mjög einkennandi
á þessum slóðum. Það var því ekki um annað
að ræða en að skella upp regnhlífinni við og
við.“

TÉKKLAND | Leigði sumarhús á Netinu í fallegum og djúpum dal nálægt borginni Prag
Sameinaði áhugamál okkar allra
Nanna með dótturina Nínu í Krivoklat.Það er frábært að vera í Prag og ódýrt að versla þar þó það sé dýrara en á landsbyggðinni.
Nanna Traustadóttir, sem
búsett er í Álaborg, keyrði frá
Danmörku til Tékklands í sum-
arfríinu og leigði 200 fermetra
sumarhús nærri Prag ásamt
ferðafélögum. Jóhanna Ingv-
arsdóttir spurði út í ævintýrið.
TENGLAR
...................................................................
www.dansommer.dk
www.cofman.com
www.hytter.dk
www.danskfolkeferie.dk
www.sologstrand.dk
www.novasol.dk
www.tjekinfo.dk
www.at-rejse-er-at-leve.dk/tjekkiet.htm
join@mbl.is