Morgunblaðið - 01.10.2005, Blaðsíða 26

26 LAUGARDAGUR 1. OKTÓBER 2005 MORGUNBLAÐIÐ
MINNSTAÐUR
Selfoss | „Sjúkraflutningar og brunavakt
geta farið vel saman og skapað öfluga einingu
björgunarliðs. Ég vil t.d.sjá tvö teymi á slys-
stað, lögregluna og slökkviliðið sem annast
sjúkraflutninga og björgun fólks úr bílflök-
um,“ segir Kristján Einarsson, slökkviliðs-
stjóri Brunavarna Árnessýslu, sem ná til allr-
ar sýslunnar nema Hveragerðis og Ölfuss.
Slökkvilið BÁ er stærsta hlutastarfandi
slökkvilið á landinu en með því er átt við það
fyrirkomulag þegar menn koma úr sinni
vinnu í útköll vegna elds og í klippuútköll
vegna bílslysa. Ekki er föst vakt á slökkvistöð
BÁ á Selfossi allan sólarhringinn en þar eru
tveir menn í vinnu auk slökkviliðsstjóra og
sinna eldvarnareftirliti o.fl. Kristján segir
reginmun á því að vera með atvinnuslökkvilið
því þá sé um að ræða fasta vakt á slökkvi-
stöðinni allan sólarhringinn á þrískiptum
vöktum sem kallar á 12–14 manns í vinnu.
„Á þessu ári eru útköllin orðin rúmlega 60,
en í 85 til 90% tilfella hefði verið mögulegt að
leysa verkefnin í þéttbýlinu með föstu at-
vinnuliði í stað þess að kalla út stóran hóp
manna í sinni vinnu. Það verðum við að gera
núna til að vera öruggir með mönnun í út-
kalli. Flest útköll okkar eru upphafsútköll
sem hægt er að leysa með föstu liði án þess
að kalla út stórt lið,“ segir Kristján en hann
hefur lagt á það ríka áherslu í nokkur ár að
sjúkraflutningarnir í Árnessýslu yrðu eitt af
verkefnum slökkviliðsins svo mögulegt sé að
koma á fót atvinnuliði.
Ekki alltaf vissir með þann
fjölda sem kemur í útkall
„Með atvinnuliði eru menn alltaf tiltækir á
vakt en núna erum við með 45 menn í slökkvi-
liði BÁ, við erum ekki alltaf vissir með þann
fjölda sem kemur í útkall þar sem það er ekki
skylduviðvera gagnvart útköllum, hvort sem
um er að ræða eld eða klippuútkall. Við köll-
um út 12–15 menn á klippurnar til að vera
vissir með að fá 5–6 í útkallið.
Slökkviliðsmennirnir okkar eru þó ótrúlega
duglegir og áhugasamir að standa sig gagn-
vart verkefnunum. En þetta er orðið það
viðamikið að atvinnurekendur eru ekki alltaf
tilbúnir að missa frá sér menn úr vinnu í
brunaútkall og slökkviliðsmenn sjálfir eru
farnir að tala um að verkefnin séu viðamikil
miðað við að hafa þetta sem aukaálag á dag-
lega vinnu. Þar er átt við útköll og æfingar
allt árið.
Sjúkraflutningarnir geta breytt þessu en
þeir krefjast atvinnumanna í viðbragðsstöðu
og við teljum að það geti vel farið saman að
menn séu á brunavakt og líka á sjúkravakt
eins og gert er á höfuðborgarsvæðinu,
Reykjanesi og víðar á landinu. Ef við værum
með slíka vakt hérna og fengjum öflugt útkall
vegna sjúkraflutninga væri kallað á bakvakt-
ina. Við öflugt brunaútkall færi vaktin strax
af stað og um leið væri kallað á allt liðið til að
fara í útkall sem viðbótarlið.
Einföld brunaútköll er hægt að ráð við með
vaktinni og líka einföld útköll vegna sjúkra-
flutninga. Það er því augljós hagræðing af
þessu til að ná fram meira öryggi fyrir
íbúana,“ segir Kristján.
Brunavarnir Árnessýslu sinna öllum útköll-
um vegna elds og vegna björgunarstarfa þeg-
ar klippa þarf fólk úr bílflökum. Einnig er
farið í útköll vegna eiturefnaslysa en það er
nýtt verkefni frá ríkinu sem sveitarfélögin
eru að bregðast við með litlu fjármagni frá
ríkinu. „Svo eru það lögbundnar æfingar,
þjálfun og menntun slökkviliðsmanna sam-
kvæmt skólaskrá Brunamálaskóla ríkisins.“
segir Kristján.
Suðvesturhornið allt undir
eina stjórn atvinnuslökkviliðs
„Ég tel að ríkið eigi að liðka til með sveit-
arfélögunum að koma á atvinnuslökkviliði
sem annist einnig sjúkraflutninga en þannig
má ná fram öflugri einingu hér hjá okkur og
annars staðar. Það er mín tilfinning að lög-
reglan í Árnessýslu muni eflast og styrkjast
við að hætta að sinna sjúkraflutningum. Því
þá að stofna nýjan hóp manna hjá Heilsu-
stofnun sem aldrei verður annað en burðarlít-
ill, í stað þess að efla þann hóp sem fyrir er
og dæmin sanna að getur sinnt verkefninu.
Svæði okkar nær frá Selvogi að Gullfossi,
sem er talsvert, og fólksfjölgun ör. Framtíðin
er í mínum huga þannig að slökkvilið muni
sameinast um eitt lið, atvinnu- og hjálparlið,
hér í sýslunni sem sinnir öllum verkefnunum
sem önnur helstu slökkvilið gera. Ég get al-
veg séð fyrir mér að allt suðvesturhornið falli
undir eina stjórn atvinnuslökkviliðs,“ segir
Kristján Einarsson, slökkviliðsstjóri Bruna-
varna Ánessýslu.
ÁRBORGARSVÆÐIÐ
Þetta var þannig að meðalsumur í
veiði hérna gáfu helmingi fleiri fiska
en núna og er þá ekki verið að tala
um toppárin. Hér hafa menn alltaf
verið öruggir með fisk eins og var
hérna í sumar. Það kom fyrir að
menn skruppu hér í ána síðdegis og
komu með 6–10 fiska,“ segir Hregg-
viður sem vill sjá mun umfangs-
meiri stangveiði á vatnasvæðinu í
Árnessýslu en nú er.
Netaveiði þarf að hætta
„Menn verða bara að hætta þess-
ari misskildu netaveiði, hún liggur
eins og drungi yfir svæðinu. Það er
bara liðin tíð og engin nauðsyn fyrir
menn að standa í þessu. Hér var
Norður Flói | „Þetta hefur verið
miklu betra núna í sumar en verið
hefur í mörg ár. Það er mikið um
vænan sjóbirting með laxinum og
þá af svipaðri stærð 4–8 pund,“ seg-
ir Hreggviður Hermannsson, húsa-
smiður, bóndi og listamaður í Lang-
holti í Hraungerðishreppi. Hann er
einn veiðiréttarhafa við Hvítá þar
sem hún fellur í fallegri fossaröð.
„Þetta var jöfn og góð veiði í
sumar en það var hér eins og ann-
ars staðar að það vantaði stórlaxinn.
13 punda lax var stærstur, það er
eins og stóri fiskurinn sé ekki með
en miðað við 272 fiska hérna á
þessu svæði ætti að veiðast einn 20
pundari. Einhverra hluta vegna er
þetta meira og alveg ljóst að með
meiri sókn kæmu fleiri fiskar á land
því það hefur verið mikið af fiski
hérna og er enn. Það virðist sem
laxinn stoppi meira núna og manni
kemur í hug að þetta sé heimafiskur
í auknum mæli sem stoppar. Ég
held að hann hrygni hérna og ég tel
allar líkur á því að þessi stofn hafi
náð sér á strik eftir Hagavatns-
hlaupin.
Svo geri ég auðvitað ráð fyrir því
að orsaka aukinnar veiði sé líka að
leita í minnkandi netaveiði,“ segir
Hreggviður og brosir í kampinn en
hann er einn þeirra sem vilja sjá
vatnasvæði Ölfusár og Hvítár í Ár-
nessýslu netalaust og er þekktur
fyrir afdráttarlausar skoðanir í
þeim efnum.
„Þetta svæði okkar hérna er
mjög fallegt og skemmtilegt að vera
hérna við veiðar. Menn þurfa að
þekkja svæðið vel og veiðistaðina og
hvernig best er að nálgast tökustað-
ina. Það er segin saga að þeir sem
ná tökum á svæðinu koma aftur og
eru fastir áskrifendur hérna hjá
okkur. Ég er sannfærður um að síð-
ustu ár hafa verið botninn í veiðinni
hérna eins og víðar á vatnasvæðinu
og nú sé þetta á uppleið.
veitt í net en menn eru löngu hættir
slíku og sjá ekki eftir því, stang-
veiðin gefur mun meira af sér og
gæti tífaldað verðmæti svæðisins
fyrir veiðiréttarhafa, fari netin upp.
Það er ekki nokkur spurning að allt
vatnasvæðið í sýslunni yrði mun eft-
irsóknarverðara ef það yrði neta-
laust.
Á meðan það eru net neðst í ánni
þar sem allar göngur fara um erum
við ekki samkeppnisfærir við önnur
svæði á landinu. Það er samkeppni
á stangveiðimarkaðnum og stang-
veiðimenn vilja góð og trúverðug
svæði. Ég er sannfærður um að net-
in fara upp, þetta er bara spurning
um það hvenær það verður.
Veiðifélag Árnesinga getur náð
þeim upp með einfaldri samþykkt
og ég held að það sé 90% fylgi við
það meðal félagsmanna. Þetta er
nefnilega mjög einfalt því um leið
og viðskiptavinirnir, stang-
veiðimenn, skilja að þetta sé aflagt
losna þeir við þá tilfinningu að þeir
séu hafðir að fíflum með því að vera
að veiða á stöng ofan við netin sem
moka upp fiski,“ segir Hreggviður
en hann er þekktur fyrir að hafa
ákveðnar skoðanir á netaveiði í
straumvatni og vill banna hana með
lögum.
„Ég hvet Guðna, landbún-
aðarráðherra og sveitunga minn, til
að taka af skarið, hann getur það,“
sagði Hreggviður. „Ég sé enga
ástæðu til þess að greiða bætur fyr-
ir netin það veitir næg tækifæri að
taka þau upp og menn hafa haft
nægan aðlögunartíma.“
Listagyðjan hefur
fengið að víkja
Hreggviður er listamaður og mik-
ill hagleiksmaður en segist ekki
hafa haft tíma til að sinna listagyðj-
unni sem skyldi, það hafi verið í of
mörg horn að líta. „Maður sleppur
aldrei við listina, hún er inni í höfð-
inu á manni, bæði við að fylgjast
með og svo sér maður alltaf fyrir
sér myndefni og möguleika þó svo
maður láti kyrrt liggja,“ segir
Hreggviður en hann hefur nýlega
breytt loðdýrabúi í tamningastöð og
segist hafa sloppið með skrekkinn
frá loðdýraræktinni.
Dóttir hans Viðja og Erlingur
Erlingsson, maður hennar, starf-
rækja eftirsótta tamningastöð í hús-
inu og sinna þar ört vaxandi áhuga-
máli fólks sem hestamennskan er
og ræktun hrossa. „Það eru hérna 3
störf og mér finnst stórkostlegt að
fá þetta til að virka og störfin eru
dýrmæt hérna. Það er þessi mikli
sportáhugi sem er undirliggjandi
hjá fólki alveg eins og í stangveið-
inni og ég er viss um að fari netin
upp blómstrar stangaveiðin hér í
sýslunni eins og hestamennskan
hefur gert og það verða til ný störf
við árnar í Árnessýslu við veiðileið-
sögn og fleira. Það gleður mig mjög
að nýja kynslóðin hér hefur mikið
fyrir stafni,“ segir Hreggviður sem
sjálfur vinnur við húsasmíði og
helst við að gera upp gömul hús.
Hann kenndi dóttur sinni húsa-
smíði og syni sínum líka og bæði
luku sveinsprófi sama dag en
Hreggviður mun vera eini húsa-
smíðameistarinn sem hefur út-
skrifað tvö barna sinna á sama
tíma.
Vill sjá stangveiðina í Árnessýslu blómstra
Morgunblaðið/Sigurður Jónsson
Á bökkum Ölfusár Fyrir aftan Hreggvið eru fallegir veiðistaðir neðan við glæsilega fossaröð fyrir Langholtslandi.
Heilbrigðisráðuneytið hefur falið Heilbrigð-
isstofnun Suðurlands að annast sjúkraflutn-
inga í Árnessýslu og taka við því verkefni af
lögregluembættinu um næstu áramót. Aug-
lýst hefur verið eftir sjúkraflutningamönn-
um til starfa hjá stofnuninni. Brunavarnir
Árnessýslu vildu fá sjúkraflutningana til sín
og sjá það sem skref í þá átt að byggja upp
atvinnuslökkvilið í sýslunni. Ráðuneytið
hafnaði tilboði þeirra í verkefnið. Hjá
Brunavörnum Árnessýslu er lögð áhersla á
að sjúkraflutningar og starfsemi slökkviliðs
fari vel saman sem samþætt björgunarlið í
viðbragðsstöðu.
Vilja samþætt björgunarlið
Mögulegt að sinna um 90% útkalla
Morgunblaðið/Sigurður Jónsson
Í fullum skrúða Kristján Einarsson, slökkviliðsstjóri Brunavarna Árnessýslu.
Eftir Sigurð Jónsson