Morgunblaðið - 01.10.2005, Blaðsíða 36

36 LAUGARDAGUR 1. OKTÓBER 2005 MORGUNBLAÐIÐ
DAGLEGT LÍF | FERÐALÖG
S
mábærinn Bad Mergentheim er
Tauber-dalnum í Þýskalandi, í
hjarta „gamla, góða Þýskalands“
eins og heimamönnum virðist tamt
að segja. Kalla má bæinn hinn
dæmigerða þýska smábæ, barrokk-húsin við
þröngar göturnar gefa honum rómantískan
blæ.
Það er mikill miðaldabragur á Bad Mer-
gentheim og þar er sagan við hvert fótmál.
Bærinn var bækistöð þýsku Regluriddaranna
og kastali reglunnar hýsir nú safn hennar þar
sem skoða má sögu hinna hugumstóru riddara
og hugðarefni. Kastalagarðurinn er síðan kap-
ítuli út af fyrir sig, kallaður Enski garðurinn,
með tilheyrandi trjám, tjörnum og tehúsum.
Í miðbænum eru dæmigerðar þýskar svei-
takrár þar sem njóta má matar og drykkjar.
Íbúar Tauber-dalsins eru afar stoltir af mat-
armenningu sinni, segjast sjálfir rómaðir í
þeim efnum. Enda leyna sér ekki áhrif franska
eldhússins á veitingastöðum svæðisins og vín-
áhugamenn komast þar í feitt því víða er hægt
að koma við og fá bragð hjá vínbændum sem
eru í sveitunum allt í kring.
Eins ættu þeir sem vilja njóta útivistar og
hreyfingar að geta fundið eitthvað við sitt
hæfi. Í nágrenni við bæinn er m.a. golfvöllur
og fallegar göngu- og hjólaleiðir.
Bad Mergentheim er kjörin bækistöð fyrir
þá sem vilja skoða sig um í þessum landshluta.
Þaðan er stutt að fara á fjölmarga áhugaverða
staði; Würzburg (45 km), Heidelberg (120 km),
Nürnberg (160 km) og Rothenburg (45 km)
svo fáein dæmi séu nefnd. Bad Mergentheim
er líka miðsvæðis í Þýskalandi og þannig kjör-
inn áningarstaður fyrir þá sem eru að ferðast
frá suðri til norðurs eða austri til vesturs. Í
bænum, sem telur þó aðeins rúmlega 20 þús-
und íbúa, er næg gisting á 2–4 stjörnu hót-
elum, auk þess sem þar má fá inni á farfugla-
heimilum á mjög svo hóflegu verði.
Samgöngur til Bad Mergentheim eru góðar.
Ef flogið er til Frankfurt og ætlunin að ferðast
í eigin bíl má fara A3-hraðbrautina frá Frank-
furt en taka síðan B19-þjóðveginn (Würzburg-
Heidingsfeld) og þá er eftirleikurinn auðveld-
ur. Sé hinsvegar ferðast með lest er þægileg-
ast að taka lest frá Frankfurt til Würzburg og
skipta þar um lest til Bad Mergentheim.

ÞÝSKALAND | Það er miðaldabragur á bænum Bad Mergentheim sem hefur upp á margt að bjóða
Fyrir líkama og sál
Morgunblaðið/Helgi Mar
Það er mikill miðaldabragur á Bad Mergentheim og þar er sagan við hvert fótmál.
Bad Mergentheim er dæmigerður þýskur bær og barokk-húsin gefa honum rómantískan blæ.
Eftir Helga Mar Árnason
hema@mbl.is
www.bad-mergentheim.de
BAD Mergentheim er sennilega
þekkastur fyrir heilsulind sína.
Þar er eitt vinsælasta og þekkasta
spa Þýskalands. Kristaltærar upp-
sprettur bæjarins þykja búa yfir
lækningamætti og reyndar dregur
bærinn nafn sitt af heilsuböðum í
þeim.
Reyndar er talið að það hafi
verið fjárhirðir að nafni Franz
Gehrig sem uppgötvaði heilnæmi
vatnsins og það árið 1826. Vatnið
er fremur salt og hefur á ferð
sinni um jarðlögin tekið í sig ýmis
steinefni, s.s. natríumsúlfat og
magnesín, sem þykja heilnæm og
græðandi. Í Bad Mergentheim eru
fjórar megin uppsprettur sem þar
sem boðið er upp á mismunandi
meðferðir við hverskonar kvillum,
s.s. meltingartruflunum, lifr-
arsjúkdómum, maga- og þarma-
bólgum svo fátt eitt sé nefnt.
Heppilegast þykir að baða sig upp
úr vatninu góða, það ku ekki gott
til inntöku. Ein uppsprettan er þó
hæf til drykkjar og er boðið upp á
vatn úr henni á flöskum, svona til
eftirmeðferðar ef þörf þykir.
Drykkjarvatnið þykir gott fyrir
vöðva og bein, sem og gegn hvers-
konar gigt.
Í heilsulind Bad Mergentheim
er höfuðáhersla lögð á afslöppun
og því mikið lagt upp úr rólegu og
friðsælu umhverfi. Þar eru göngu-
leiðir um litskrúðuga lystigarða og
á sumrin eru þar haldnir tón-
leikar.
Allra meina bót
Það ku vera allra meina bót að baða sig í heilsulindunum og úr sumum þeirra má neyta vatnsins til lækninga.
Í KASTALA Regluriddaranna eru þrjú
söfn. Eitt lýsir sögu Bad Mergentheim,
annað sögu Regluriddaranna en hið
þriðja stingur eiginlega dálítið í stúf við
hin, er dúkkuhúsasafn og sennilega hið
eina sinnar tegundar í heiminum. Og
safnið kemur á óvart, jafnvel harðsvír-
uðum karlrembum því það segir merki-
lega mikið um tíðaranda ólíkra tíma.
Dúkkuhúsasafnið skiptist í þrennt.
Fyrsti hlutinn sýnir dúkkuhús frá 19.
öld, þegar dúkkuhús voru ekki aðeins
leikföng, heldur einnig kennslubúnaður
fyrir ungar stúlkur sem áttu að læra um
sitt framtíðarhlutverk. Dúkkuhúsin
voru þess vegna jafnan smækkaðar út-
gáfur af eldhúsum. Þetta er að hluta til
skýringin á því að lengst af hefur verið
litið á dúkkur og dúkkuhús sem leikföng
fyrir stúlkur en ekki drengi. Dúkkuhús
19. aldar voru jafnan smíðuð af vinum
eða vandamönnum, enda hófst ekki
fjöldaframleiðsla á dúkkuhúsum fyrr en
um aldamótin 1900. Annar hluti dúkku-
húsasafnsins er einmitt helgaður alda-
mótunum. Þá fór að bera á dúkkuhúsum
sem voru einnig ætlum drengjum. Var
þá um að ræða smækkaðar útgáfur af
verslunum, s.s. apótekum, svo dreng-
irnir gætu lagt drög að starfsframanum.
Enda voru slík dúkkuhús venjulega að-
eins á færi efnameiri fjölskyldna. Þriðji
hluti safnsins sýnir síðan dúkkuhús 20.
aldarinnar. Þá eru þau ekki endilega
lengur gerð til að líkja eftir raunveru-
leikanum, heldur fyrst og fremst hugsuð
sem leikföng og bera keim af tísku-
straumum hvers tíma.
Dæmalaust
er stúlkan fín
BAD Mergentheim er einn við-
komustaða á einni þekkustu reið-
hjólaleið Þýskalands, Rómantíska
stígnum. Leiðin á sér aldalanga
sögu, en hún tengir bæina Würzb-
urg í norðri og Füssen í suðri. Leið-
in, sem er 424 kílómetra löng, ligg-
ur um þrjú falleg landsvæði;
Franconiu, Swabiu og Efri-
Bavaríu. Á leiðinni er fjölbreytt
landslag, allt frá árdölum, um akra
engi og skóga til fjalla. Leiðin ligg-
ur um fjölmarga smábæi og litlar
krár og sveitagisting er á hverju
strái meðfram stígnum fyrir ferða-
lúna hjólagarpa. Leiðin er að mestu
sérmerktur reiðhjólastígur en að
hluta um fáfarna sveitavegi. Í suðri
getur ýmsum þótt á brattann að
sækja en heimamenn lofa að leiðin
sé vel fær venjulegu hjólreiðafólki.
Á hjóli um dali og fjöll
www.romanticroad.de
 



7

4:
; 
< ; 
=  4  ;
>








7
"

  "
?
 ! 
< $

 @: ? 
= $
. 
=;
 
"
 $
7 ;< $

 .  :A!    
    ; A$$  3?
4   2:  
0 
)!
  
<:A$ 

 

: 
!