Morgunblaðið - 01.10.2005, Blaðsíða 18

18 LAUGARDAGUR 1. OKTÓBER 2005 MORGUNBLAÐIÐ
FRÉTTIR
Klapparstíg 44 - sími 562 3614
Tilboð
Langur laugardagur
Trébakki
Verð kr. 2.750
Tilboð 1.900
Diskamottur 6 st. í pakka
Verð kr. 2.900
Tilboð kr. 1.900
Plastbakki - Verð 1.995
Tilboð kr. 1.200
Skurðarbretti
Verð 1.750 - Tilboð 995
Tax Free dagur
15% afsláttur
af völdum vörum
ÚR VERINU
REKSTUR tveggja ísfirskra fyrir-
tækja mun innan tíðar skapa 20 ný
störf í hluta húsnæðis Frosta í Súða-
vík. Forsvarsmenn Hraðfrystihúss-
ins – Gunnvarar og Stáls og hnífs
skrifuðu í vikunni undir leigusamn-
ing við eigendur Frosta og er ætl-
unin að nýta hluta rækjuverksmið-
unnar undir allnýstárlegan rekstur.
Tíu manns í upphafi
Starfsemi Stáls og hnífs felst í
áframvinnslu á ferskum og frosnum
afskurði, aðallega þunnildum sem
verða hreinsuð og söltuð. Þá mun
fyrirtækið nýta hluta húsnæðisins
undir fiskmarkað og vinnslu á eld-
isþorski úr Álftafirði.
Í upphafi þarf tíu manns til vinnu
við starfsemina. Hraðfrystihúsið –
Gunnvör hyggst nýta húsnæðið und-
ir vinnslu á lifur og öðru hráefni sem
aðallega er fengið úr eldisþorski sem
alinn er í Álftafirði og Seyðisfirði.
Vinnsla og markaðssetning verður í
samstarfi við erlenda aðila og mun
hún skapa ný störf til viðbótar vegna
aukinna umsvifa af vaxandi starf-
semi þorskeldis HG á svæðinu. Frá
þessu er greint á fréttavef Bæjarins
besta. Eins og sagt hefur verið frá
misstu 18 vinnuna nýverið þegar
ákveðið var að hætta rækjuvinnslu í
Frosta í Súðavík. Því til viðbótar var
sjö sjómönnum á Andey frá Súðavík
sagt upp störfum.
Tuttugu ný störf
verða til í SúðavíkMJÖG lítið vantar upp á samkomulagum skiptingu kolmunnakvótans enviðræðum milli Íslands, Noregs,
Rússlands, Færeyja og Evrópusam-
bandsins var slitið í Reykjavík í vik-
unni. Þetta er haft eftir Johan Wil-
iams, formanns norsku viðræðu-
nefndarinnar, í norska sjávarútvegs-
blaðinu Fiskeribladet.
Alls hafa verið haldnir 17 fundir
um málið og lengst af borið mikið á
milli en Wiliams segir að eftir að
Norðmenn, Íslendingar og Evrópu-
sambandið komust að samkomulagi
hafi viðræðurnar þokast vel af stað.
Samkvæmt því áttu Íslendingar að fá
18% kvótans en Norðmenn og Evr-
ópusambandið áttu að skipta á milli
sín 57%. Rússar og Færeyingar áttu
síðan að skipta á milli sín 25% kvót-
ans. Er haft eftir Wiliams að nú vanti
aðeins 6% upp á að samkomulag náist
og má þannig áætla að Færeyingar
og Rússar geri kröfu upp á samtals
31% kvótans. Segir Wiliams að á síð-
asta fundi hafi umframkröfur verið
20% þannig að menn séu nú bjartsýn-
ir á að samningar takist. Næsti fund-
ur verður haldinn í Kaupmannahöfn í
lok október.
6% frá kolmunnasamkomulagi
Morgunblaðið/Friðþjófur Helgason
Krafta-
klerkurinn
Gunnar
Sigurjónsson
ÞINGFLOKKUR vinstri grænna
mun í upphafi þings leggja höfuð-
áherslu á þrjá málaflokka; efnahags-
og atvinnumál, málefni aldraðra og
umhverfismál. Steingrímur Sigfús-
son, formaður VG, segir að aðstæður
í efnahagsmálum séu ískyggilegar og
að efnahagsmálin muni því verða
mjög ofarlega á baugi á fyrstu mán-
uðum þingsins.
Þetta kom fram á blaðamanna-
fundi sem þingflokkur VG boðaði til í
gær, föstudag. Fyrsta þingmál VG
verður þingsályktunartillaga um
endurheimtingu efnahagslegs stöð-
ugleika, en þar er að finna ítarlegar
tillögur um nauðsynlegar aðgerðir í
efnahagsmálum. Þar er gert ráð fyrir
margþættum ráðstöfunum til að end-
urheimta efnahagslegan stöðugleika,
þar á meðal að horfið verði frá áform-
um um frekari stóriðjuframkvæmd-
ir, skattalækkunum verði slegið á
frest, leitað eftir þjóðarsátt og að
fjármálaeftirlitinu verði falið að
framkvæma sérstakt áhættumat í
bankakerfinu. Jafnframt boðar þing-
flokkurinn að hann muni flytja ýmis
fleiri þingmál um efnahags- og at-
vinnumál.
Þá kom fram að þingflokkurinn
mun beita sér fyrir þingmálum er
lúta að margvíslegum úrbótum í mál-
efnum aldraðra og mun óska eftir
umræðu um það efni strax og þing
kemur saman. Vill þingflokkurinn að
fylgt verði markvissri framkvæmda-
áætlun í þessum efnum á næstu ár-
um, þar sem tekið verði á ýmsum
þáttum sem snerti lífskjör og aðbún-
að aldraðra. „Brýnt er að sérstaklega
verði réttur hlutur þeirra sem engar
eða litlar tekjur hafa aðrar en trygg-
ingabætur, í samræmi við tillögur
Landssambands eldri borgara; dreg-
ið verði úr kostnaði við lyf og heil-
brigðisþjónustu og gera þarf stór-
átak til að útrýma biðlistum á dvalar-
og hjúkrunarheimilum fyrir aldr-
aða,“ segir meðal annars.
Hvað umhverfismálin varðar þá
lýtur fyrsta þingmálið sem flutt verð-
ur á haustþingi að því að styrkja rétt
almennings til að veita aðhald og
hafa áhrif á ákvarðanir sem varða
umhverfismál. „Þrengt hefur verið
að rétti almennings bæði hvað varðar
aðgang að upplýsingum og málskot
að undanförnu og þessu vill Vinstri-
hreyfingin – grænt framboð snúa
við,“ segir einnig.
Friðlýsing Jökulsár
Meðal annarra þingmála sem
þingflokkurinn mun flytja á haust-
þingi má nefna endurflutning á frum-
varpi um Ríkisútvarpið, frumvarp
um hækkun á álagningarhlutfalli
fjármagnstekjuskatts, þingsályktun
um athugun á álagningarstofni fast-
eignaskatts, friðlýsing Jökulsár á
Fjöllum, frumvarp til að sporna við
óhóflegri samþjöppun framleiðslu-
réttar í landbúnaði og fleira. Þá verð-
ur einnig endurflutt mál þar sem
gert er ráð fyrir að bannað verði að
veita verðtryggð lán með breytileg-
um vöxtum og að fram fari athugun á
verðtryggingu og afleiðingum henn-
ar fyrir lántakendur og lánveitendur
og samfélagið í heild sinni.
Áherslur á efnahagsmál og
málefni aldraðra á þinginu
Morgunblaðið/Golli
Frá blaðamannafundinum í gær, Steingrímur Sigfússon, Kolbrún Halldórsdóttir og Ögmundur Jónasson.
Þingflokkur VG kynnir málefni í upphafi þings
á morgun