Morgunblaðið - 19.11.2005, Blaðsíða 29

MORGUNBLAÐIÐ LAUGARDAGUR 19. NÓVEMBER 2005 29
MINNSTAÐUR
BÖRN á aldrinum 4 og 5 ára, sem
þátt tóku í námskeiði, þar sem
áhersla var lögð á sköpun í dansi,
lestri og ritun, luku þátttöku sinni
með foreldrasýningu á hreyfiverki
sem byggðist á sögunni um Rauð-
hettu og úlfinn. Sýningin fór fram
á dvalarheimilinu Kjarnalundi og
fengu börnin til liðs við sig tvo
heimilismenn, sem tóku að sér
hlutverk ömmunnar og veiðimanns-
ins. Allir þátttakendurnir í sýning-
unni stóðu sig vel en áður höfðu
þeir sýnt íbúum Kjarnalundar
verkið. Það voru þær Anna Rich-
ardsdóttir og Svanhvít Magn-
úsdóttir sem stóðu fyrir námskeið-
inu. Er það von þeirra að
samstarfið við eldri borgara eigi
eftir að blómstra enn frekar, enda
hafi börnin og gamla fólkið notið
samveru hvert annars.
Samvinna barna
og aldraðra
Morgunblaðið/Kristján
Leiksýning Leikurunum var vel fagnað eftir foreldrasýninguna í kjallara
Kjarnalundar. Allir þátttakendurnir í sýningunni stóðu sig vel.
Skák | Skákþing Íslands 2005,
Unglingameistaramót Íslands 20
ára og yngri, verður haldið á Ak-
ureyri um helgina. Jafnframt verð-
ur teflt um titlana Drengjameistari
Íslands 2005 og Telpnameistari Ís-
lands 2005. Þeir keppendur sem eru
fæddir 1990 og síðar keppa um
þessa titla. Þetta er í fyrsta skipti að
keppni í drengja- og telpnaflokki á
Skákþingi Íslands fer fram á
Akureyri. Keppnin hefst í dag,
laugardag, kl. 14 í KEA-salnum í
verslunarmiðstöðinni í Sunnuhlíð.
Þátttökugjald er 500 krónur og
skráning hefst á mótsstað kl. 13 í
dag. Verðlaun eru auk farandbik-
ara, verðlaunagripir og farseðill á
leiðum Flugleiða á skákmót erlend-
is.
Sýning | Jón Sæmundur opnar sýn-
ingu í Galleríi Box í Kaupvangs-
stræti 10, Listagili, í dag, laugardag-
inn 19. nóvember, kl. 17. Sýningin
stendur til 18. desember næstkom-
andi og er opin á fimmtudögum og
laugardögum frá kl. 14 til 17.
Persónuvernd | Námskeið um
meðferð persónuupplýsinga verður
haldið á vegum Símenntunar Há-
skólans á Akureyri 28. og 29 nóv-
ember næstkomandi. Farið verður
yfir almennar reglur um heimildir til
vinnslu persónuupplýsinga, upplýs-
ingarétt, fræðsluskyldu, öryggis-
úttektir og önnur ákvæði laga um
persónuvernd. Kennari á námskeið-
inu er Þórður Sveinsson, lögfræð-
ingur hjá Persónuvernd.
  
BÆÐI Íslandsbanki og Landsbank-
inn ætla að sameina útibú sín á Ak-
ureyri og loka afgreiðslum sínum á
Brekkunni. Afgreiðslu Íslands-
banka í Hrísalundi verður lokað í
lok næstu viku en þar eru fjögur
stöðugildi. Þrír af fimm starfs-
mönnum þar munu færa sig í
útibúið við Skipagötu en tveir laus-
ráðnir starfsmenn láta af störfum
að sögn Eyglóar Birgisdóttur, af-
greiðslustjóra í Hrísalundi.
Landsbankinn lokar Brekku-
útibúi sínu í Kaupangi fljótlega eft-
ir áramót og munu allir starfs-
menn bankans þar flytjast í útibúið
við Ráðhústorg. Starfsmannafjöld-
inn á Akureyri mun því haldast
óbreyttur og útibússtjórar útibú-
anna tveggja munu stjórna úti-
búinu við Ráðhústorg í samein-
ingu. Með þessum breytingum
hefur afgreiðsla stóru bankanna
þriggja öll færst á miðbæjar-
svæðið, því áður hafði KB banki
lokað útibúi sínu í Sunnuhlíð og
opnað þess í stað útibú á Gler-
ártorgi. Fjórða bankastofnunin,
Sparisjóður Norðlendinga, er einn-
ig með afgreiðslu sína í mið-
bænum.
Nokkurrar óánægju hefur gætt
með þessa ákvörðun bankanna og
þá ekki síst á meðal eldra fólks.
Landsbankinn mun eftir sem áður
bjóða upp á bankaþjónustu í fé-
lagsmiðstöðvum aldraðra við Víði-
lund og Lindarsíðu, samkvæmt
upplýsingum Helga Teits Helga-
sonar útibússtjóra. Þessi þjónusta
hefur verið vel nýtt og hún verður
aukin ef þörf er á en með henni er
verið að koma til móts við þá sem
erfiðara eiga um vik að sækja sér
þjónustu í miðbæinn. Miklar end-
urbætur hafa verið gerðar á hús-
næði Landsbankans við Ráðhús-
torg og þá hefur bankinn tekið á
leigu bílastæði fyrir utan útibú sitt
í miðbænum fyrir viðskiptavini
sína.
  
Bankar loka
útibúum sínum
á Brekkunni
Sýning | Þórarinn Blöndal opnar
sýninguna „Leir“ í Jónas Viðar Gall-
ery í Kaupvangsstræti, Listagili, í
dag, laugardaginn 19. nóvember, kl.
16.
  
AKUREYRI
M F Í K
Undirrituð samtök vilja með sameiginlegri yfirlýsingu þessari vekja athygli ríkisstjórnar, sveitarstjórna,
stofnana, fyrirtækja og almennings á mikilvægi og sérstöðu vatns fyrir land, þjóð og lífríki. Þótt
enginn vatnsskortur sé á Íslandi þá er staðan önnur víðast hvar í heiminum. Gnótt vatns gefur því ekki
tilefni til skeytingarleysis af okkar hálfu. Þvert á móti ber okkur að færa lagaumgjörð um vatn í þann
búning að hún tryggi rétta forgangsröðun varðandi vatnsvernd og nýtingu og geti verið öðrum
þjóðum til fyrirmyndar. Hugsa verður til framtíðar og hafa almannahagsmuni og náttúruvernd að
leiðarljósi.
Vatn er takmörkuð auðlind og almannagæði sem er undirstaða alls lífs og heilbrigðis. Vatn er
frábrugðið öðrum efnum að því leyti að það finnst náttúrulega í föstu, fljótandi og loftkenndu formi
og er aldrei kyrrt á einum stað eða einu eignarlandi heldur á stöðugri hringrás um heiminn.
Undirrituð samtök telja að aðgangur að vatni sé grundvallarmannréttindi, eins og kveðið er á um í
samþykktum Sameinuðu þjóðanna sem Ísland hefur undirgengist. Sérhver maður á því rétt á aðgengi að
hreinu drykkjarvatni og vatni til hreinlætis og heimilishalds.
Líta ber á vatn sem félagsleg, menningarleg og vistfræðileg gæði sem ekki má fara með eins og hverja
aðra verslunarvöru.
Nýting vatns skal vera sjálfbær og aðgengi að því tryggt með lögum fyrir núlifandi kynslóð og kyn-
slóðir framtíðarinnar. Það er skylda stjórnvalda að tryggja þegnum sínum þennan rétt án mismununar.
Það er hlutverk stjórnvalda að tryggja verndun vatns sem náttúruverðmæta sem og að tryggja
hollustu og dreifingu vatns til allra þjóðfélagsþegna með fjárfestingu í mannvirkjum og mengunar-
vörnum. Vatnsveitur verði því reknar á félagslegum grunni, taki mið af almannahagsmunum og tryggi
rétt einstaklinga til nægilegs hreins vatns til drykkjar og hreinlætis á viðráðanlegu verði. Það er
jafnframt hlutverk stjórnvalda að tryggja að við nýtingu vatns verði öðrum náttúruverðmætum ekki spillt.
Stjórnvöldum ber að tryggja almenningi aðgengi að öllum upplýsingum er varða verndun og nýtingu
vatns og stuðla að aukinni virkni almennings og meðvitund um mikilvægi vatns, náttúru og réttrar
umgengni við landið.
Vegna mikilvægis vatns fyrir íslenska þjóð og lífríki landsins telja undirrituð samtök nauðsynlegt að
fest verði í stjórnarskrá Íslands ákvæði um skyldur og réttindi stjórnvalda og almennings hvað varðar
réttindi, verndun og nýtingu vatns. Lög og reglugerðir um nýtingu vatns taki því mið af ákvæðum sem
viðurkenna rétt einstaklinga til vatns sem og lögum er varða verndun vatns og náttúru.
Til að tryggja skilvirka verndun og nýtingu vatns ber stjórnvöldum að skipuleggja stjórnsýslu þannig
að eðlilegt jafnvægi sé á milli þessara þátta og réttar einstaklinga til aðgengis að vatni.
WWW.BSRB.IS/VATNFYRIRALLA
H
V
ÍT
A
H
Ú
S
IÐ
/
S
ÍA
-
4
4
4
8