Morgunblaðið - 19.11.2005, Blaðsíða 68

68 LAUGARDAGUR 19. NÓVEMBER 2005 MORGUNBLAÐIÐ
Næstkomandi fimmtudagverður frumsýnt hér álandi leikritið Typpatal áNasa í Reykjavík. Er
hér um að ræða einleik skrifaðan af
Bretanum Richard Herring og
fjallað er, eins og nafnið gefur til
kynna, um kynfæri karlmanna. Það
er Auðunn Blöndal sem flytur ein-
leikinn á sviði en hann hefur und-
anfarnar vikur notið leiðsagnar Sig-
urðar Sigurjónssonar leikstjóra
verksins. Þegar vika var í frumsýn-
ingu var Typpatal sýnt að viðstöddu
fjölmenni á Nasa til æfingar og sett-
ist blaðamaður niður með þeim
Audda og Sigga að sýningu lokinni.
Þeir voru ánægðir með nýafstaðna
sýningu og báru sig vel þó rétt tæp
vika sé í frumsýningu.
„Ég er búin að vinna talsvert í
leikhúsi en eigandi nokkra daga eft-
ir í frumsýningar held ég að við
séum bara í góðum málum,“ byrjar
Siggi. „Ég er mjög stoltur af þessum
dreng hérna,“ segir hann og klappar
vinalega á öxl starfsbróður síns.
„Þótt hann sé búinn að vera mikið í
sjónvarpi og svona er hann ekki með
mikla reynslu í einleik, en það er
talsvert erfitt listform. Ég dáist að
honum því ég veit um hvað málið
snýst,“ segir hann og þakkar Auddi
sessunaut sínum pent fyrir hólið.
Ekki klámsýning!
„Eins og nafnið gefur til kynna
fjallar Typpatal um typpi,“ segir
Siggi.
„En samt ekki á dónalegan hátt,“
tekur Auddi fram. „Ég hef verið
spurður hvort þetta sé einhver
klámsýning en svo er alls ekki.“
En er hægt að halda uppi um-
ræðum í hálfa aðra klukkustund um
typpi?
„Ja, það er reyndar ekki allt um
typpi eða hvað? Jú kannski kemur
allt leikritið inn á typpi á einn eða
annan hátt,“ viðurkennir Auddi.
„Það er að mínu viti verið að fjalla
á jákvæðan og vitrænan hátt um
þetta líffæri sem skiptir svona miklu
máli. Auðvitað er ekki hægt að kom-
ast hjá því að grínast með það og
þess vegna verður þetta svona
skemmtilegt fyrir vikið,“ samsinnir
Siggi. „Þetta er fyrir marga parta
mjög áhugaverð umræða og höfund-
urinn hefur kynnt sér málið mjög
vel. Þetta er fræðandi og skemmti-
legt umfjöllunarefni. Það hefði trú-
lega verið ómögulegt að setja upp
svona sýningu fyrir nokkrum árum,
þá hefði hún þótt of dónaleg, en það
þykir hún ekki í dag.“
Richard Herring, höfundur verks-
ins, er lærður leikari í heimalandi
sínu. Að sögn Sigga hefur Herring
sjálfur flutt verkið á sviði og það
hefur verið sýnt víða um heim við
góðan orðstír.
Einleikurinn er að miklu leyti
byggður í kringum tölulegar upplýs-
ingar sem eru niðurstöður könnunar
sem Herring gerði á samlöndum
sínum um allt mögulegt og ómögu-
legt sem við kemur typpum. Jón Atli
Jónasson snaraði textanum yfir á ís-
lenska tungu en verkið er einnig að-
lagað íslenskum raunveruleika þar
sem þjóðþekktar persónur koma
eitthvað við sögu auk Reðursafns Ís-
lands svo fátt eitt sé nefnt.
Glimrandi samstarf
Þeir Auddi og Siggi segja æf-
ingaferlið hafa gengið vel.
„Við höfum tekið okkur reglulega
frí inn á milli enda þarf að æfa verk
af þessu tagi með smáhléum,“ segir
Siggi.
„Svo þurfti ég auðvitað að vera
mikið heima og lesa og læra utanað
allan þennan texta,“ segir Auddi.
„Það mætti segja að ég hafi verið í
starfi þjálfara en ég reyni að peppa
Audda upp og gefa honum góð ráð.
Þannig er nú starf leikstjórans,“
segir Siggi.
„Hann hefur staðið sig mjög vel,“
fullyrðir Auddi.
Það er því á öllu að heyra að sam-
starf þeirra félaga hafi gengið
snurðulaust fyrir sig.
„Við þekktumst ekkert áður en
þetta hefur gengið alveg rosalega
vel. Þótt það sé aldursmunur á okk-
ur er engin gjá á milli okkar nema
síður sé,“ segir Siggi og Auddi tekur
undir það.
„Þótt við sýnum ekki nema þrjár
sýningar hef ég þó grætt mikið á því
að kynnast Sigga,“ segir hann.
„ Ég er búinn að prófa að taka
Kristján Ólafsson og Siggi er búinn
að prófa að pissa á sig svo við erum
búnir að sameina þættina okkar,“
bætir hann við og þeir skellihlæja.
Audda þekkja margir frá uppá-
tækjum sínum með Strákunum
Sveppa og Pétri Jóhanni og í 70
mínútum. Hann er því hreint ekki
óvanur því að koma fram op-
inberlega en í þetta sinn mæðir
óneitanlega meira á honum þar sem
hann stendur einn á sviðinu allan
tímann.
„Ég hef verið í uppistandi sem
hjálpaði mér talsvert og svo höfum
við Sveppi verið veislustjórar í ýms-
um veislum. Stóri munurinn á því og
þessu er hinsvegar sá að ég þarf að
læra allan þennan texta utan að og
muna hvað kemur næst. Í uppi-
standinu getur maður ráðið sjálfur
hvað kemur næst og getur valið
brandara eftir því hvernig salurinn
er,“ segir hann um þessa frumraun
sína á sviðinu.
„Stór þáttur í sýningunni er þó
auðvitað samspil Audda við áhorf-
endur. Þótt hann sé búinn að læra
allan þennan texta utan að er það
sem gerir sýningu sem þessa hans
samleikur við salinn. Engin sýning
verður eins og það fer eftir hvernig
stuði Auddi og salurinn eru í sam-
an,“ segir Siggi.
Auddi samsinnir þessu.
„Ég hef til dæmis fundið fyrir því
á síðustu tveimur æfingum að fólk
hlær á mismunandi stöðum. Við-
staddir grenja kannski úr hlátri á
einum stað en næsta hópi stekkur
ekki bros en hlær svo á allt öðrum
stað,“ segir hann.
Leikritið Píkusögur var sýnt hér á
landi fyrir nokkrum árum við góðan
orðstír. Er Typpatal andsvar við
Píkusögum?
„Kannski ekki andsvar heldur
frekar karlkyns útgáfa af því,“ svar-
ar Auddi.
„Já, höfundurinn hefur sagt frá
því að Píkusögur urðu hvatinn að því
að hann réðst í gerð þessa verks.
Auðvitað verðum við strákarnir að
eiga okkar typpasögur,“ segir hann.
Um tilurð Typpatals hér á landi
segir Auddi að upphaflega hafi
ákveðnir aðilar komið að máli við sig
og kynnt sér verkið.
„Ég las handritið á ensku og leist
svona vel á það að það var ákveðið
að slá til. Ég sá marga möguleika á
hvernig væri hægt að gera þetta
skemmtilegt,“ segir hann.
„Svo var haft samband við mig og
eftir að hafa lesið verkið og vitandi
að Auddi ætlaði að vera með tók ég
þetta að mér,“ segir Siggi um aðild
sína að verkinu.
„Þótt þetta sé mikið grínverk og
mikið hlegið er samt kjöt á bein-
unum og þá fyrst er gaman að gera
eitthvað. Það er ekkert gaman að
vera bara með eintóma vitleysu.“
„Þess vegna vildi ég líka fá Sigga
til liðs við okkur því hann er mjög
virtur og reyndur í þessum bransa.
Ef fólk sér hans nafn við hefur það
kannski minni áhyggjur af því að
þetta sé einhver klámsýning með
einhverri vitleysu,“ segir Auddi en
þeir félagar hvetja sem flesta til að
leggja leið sína á Typpatal á næstu
dögum.
„Við vonum til að þetta höfði til
sem flestra. Þetta er nú reyndar
ekki ætlað börnum og alls ekki lagt
upp með það. En við vonum að allir
hafi gaman að þessu, hvort sem fólk
er með typpi eða ekki,“ segir Siggi
að lokum.
Talað um
typpi
Er hægt að halda tölu um typpi í hálfan
annan klukkutíma? Birta Björnsdóttir
komst að því og ræddi við þá Auðun Blöndal og
Sigurð Sigurjónsson um málið.
Auðunn Blöndal og Siggi Sigurjóns eru ánægðir með samstarfið.
Morgunblaðið/Þorkell
Auðunn Blöndal ræðir um typpi í hálfan annan klukkutíma í Typpatali.
birta@mbl.is
Typpatal verður frumsýnt á Nasa
fimmtudaginn 24. nóvember
næstkomandi. Miðasala er hafin í
verslunum Skífunnar, BT Akureyri
og BT Selfossi og á vefsíðunni
midi.is.
SNÆBJÖRN Brynjarsson heldur
sýningu á verkum sínum í Galleríi
Tukt í Hinu húsinu í dag og verður
hún opnuð kl. 16. Að sögn Snæbjarn-
ar má vænta einhverra veitinga,
gjörninga og að sjálfsögðu fallegra
listmuna. Hann segir að flest verkin
séu unnin út frá nokkurs konar
draumkenndu raunsæi með popp-
kúltúrísku ívafi.
Þetta er fyrsta einkasýning Snæ-
björns en hann hefur aðallega feng-
ist við ljóða- og leikritaskrif fram að
þessu. Hann stundar nám við
Listaháskóla Íslands.
Í DAG
 Sjá einnig Staður og stund á mbl.is