Fréttablaðið - 14.12.2005, Blaðsíða 73

MIÐVIKUDAGUR 14. desember 2005
Umsjón: nánar á visir.is
KAUPHÖLL ÍSLANDS [Hlutabréf]
ICEX-15 5.306 +1,15% Fjöldi viðskipta: 380
VELTA: 6.865 MILLJÓNIR
HLUTABRÉF Í ÚRVALSVÍSITÖLU:ACTAVIS 50,30 +1,40% ... Bakkavör
51,70 -0,60% ... FL Group 17,50 +2,30% ... Flaga 4,92 +0,00%
... HB Grandi 9,50 +0,50% ... Íslandsbanki 17,30 +1,20% ...
Jarðboranir 24,20 +0,80% ... KB banki 682,00 +1,50% ... Kögun
59,60 -0,30% ... Landsbankinn 24,50 +2,10% ... Marel 64,20
+0,00% ... SÍF 4,18 +0,20% ... Straumur-Burðarás 15,60 -0,60% ...
Össur 117,00 -0,90%
MESTA HÆKKUN
FL Group +2,34%
Landsbankinn +2,08%
KB banki +1,49%
MESTA LÆKKUN
Mosaic Fashions -1,12%
Össur -0,85%
Straumur -0,64%
Sex evrópskir bankar, auk KB
banka hafa lánað Lýsingu 75
milljónir evra, eða sex milljarða
íslenskra króna.
Gunnar Kr. Sigurðsson segir
útboðið hafa gengið vel og Lýsing
sátt við þau kjör sem buðust. Hann
segir lántökuna fyrst og fremst til
að mæta vexti útlána á þessu ári.
„Við þurfum að öllum líkindum að
taka annað lán á næsta ári til þess
að fjármagna vöxt, bæði í fyrir-
tækja- og einstaklingsþjónustu.
Gunnar segir búist við áfram-
haldandi vexti í eignaleigu, enda
þótt eitthvað kunni að fara að
hægja á vextinum eftir því sem
nær dregur hámarki hagsveifl-
unnar. „Við búumst við að gott ár
sé framundan og að fjárfesting í
atvinnutækjum verði töluverð.“
Hann segir það markmið Lýs-
ingar að auka umsvif sín í fjár-
mögnun atvinnuhúsnæðis. „Menn
nýta sér þá kosti leigu og gjald-
færa kostnað, en eiga um leið þann
kost að eignast húsnæðið.“ Gunnar
segir skilyrðum nýlega hafa verið
breytt þannig að nú sé slík eigna-
leiga fýsilegri fyrir stærri hóp
fyrirtækja. „Við bjóðum nú fyr-
irtækjum allt að níutíu prósenta
fjármögnun og getum gert samn-
inga til allt að tuttugu ára.“
Lýsing er stærsta fyrirtækið á
sviði eignaleigu og nema útlánin
36 milljörðum króna. Hann segir
lánasamninginn nú gefa fyrirtæk-
inu kost á að bjóða viðskiptavinum
sífellt betri kjör.
Lýsing fær sex milljarða
að láni hjá sjö bönkum
Eignaleigufyrirtækið Lýsing hefur tekið sex milljarða króna sambankalán.
Fyrirtækið hyggst sækja fram í eignaleigu íbúðarhúsnæðis.
EKKI BARA VÉLAR OG TÆKI Gunnar Kr. Sigurðsson segir Lýsingu ætla að sækja fram í eigna-
leigu á atvinnuhúsnæði. Fyrirtækið hefur verið umsvifamikið í eignaleigu á atvinnutækjum
og bifreiðum.
Tryggingamiðstöðin hefur selt hlutabréf í Landsbanka
Íslands fyrir 765 milljónir króna að markaðsvirði.
Fyrir skömmu seldi félagið einnig bréf í Landsbankan-
um fyrir tæpan hálfan milljarð króna.
Samkvæmt síðasta hluthafalista frá Landsbank-
anum er TM fjórði stærsti eigandinn með um þriggja
prósenta hlut. - eþa
TM selur í LÍ
TM SELUR Í LÍ hefur selt hlutabréf í Landsbankanum fyrir um 1.260
milljónir í desember.
Fjárfesting jókst hér á
landi um rúm 42 prósent
sem er mikið sé litið aft-
ur til ársins 2002.
Landsframleiðsla á þriðja árs-
fjórðungi jókst aðeins um fjögur
prósent frá sama tíma í fyrra.
Samkvæmt frétt Hagstofu Íslands
stafar það af samdrætti í útflutn-
ingi og mikils innflutnings. Inn-
flutningur jókst um rúm 32 pró-
sent en útflutningur dróst saman
um rúm 3 prósent.
Þjóðarútgjöld, sem er samtala
einkaneyslu, ríkisútgjalda og fjár-
festinga, uxu á þriðja ársfjórðungi
um rúm 18 prósent. Þjóðarútgjöld
hafa ekki vaxið hraðar á einum
ársfjórðungi síðan fyrstu þrjá
mánuði ársins 1998.
Samkvæmt mælingu Hagstof-
unnar er talið að einkaneyslan
hafi vaxið um 12,5 prósent og
er það litlu minni aukning en á
öðrum ársfjórðungi. Þá óx einka-
neyslan um 14,7 prósent og hefur
ekki aukist meira frá því að mæl-
ingar hófust árið 1997. Sem fyrr
má rekja meginhluta þessa vaxtar
til kaupa á innfluttum vörum og
þjónustu.
Fjárfesting óx um 42,3 prósent
á þriðja ársfjórðungi frá sama
tíma árið áður eftir að hafa vaxið
um fjórðung á fyrsta og öðrum árs-
fjórðungi. Er þetta mesta aukning
á einum ársfjórðungi sé litið aftur
til ársins 2002. Vega stóriðjufram-
kvæmdir þungt í þessum tölum
ásamt byggingaframkvæmdum á
höfuðborgarsvæðinu.
Samneyslan óx um 3,7 prósent
og er það nokkru meiri vöxtur en
verið hefur á undanförnum árs-
fjórðungum. -bg
Stórauknar fjárfestingar
FJÁRFESTING Í SKÝJUNUM. Byggingaframkvæmdir hafa stóraukið fjárfestingar hér á landi á
þriðja ársfjórðungi.
Netfyrirtækið dohop.com hefur
opnað nýja flugleitarvél sem inni-
heldur alls 650 flugfélög, þar með
talin 80 lággjaldafélög. Að því er
haft er eftir Frosta Sigurjónssyni,
stofnanda og framkvæmdastjóra
dohop, er þetta í fyrsta sinn sem
fólk getur leitað samtímis hjá lág-
gjalda- og hefðbundnum flugfé-
lögum til að finna bestu flugáætl-
un. Leitarvélin býður notendum
að raða og sía leitarniðurstöður til
að finna bestu ferðaáætlunina og
sækir verðupplýsingar frá þeim
söluaðilum sem bjóða viðkomandi
flug. Notandi heimsækir vefsíðu
söluaðila til að bóka flugmiða.
Dohop.com er íslenskt fyrirtæki
en hefur söluskrifstofu í Frakk-
landi.
Nýjung hjá dohop
NÝJUNG VIÐ FLUGLEIT Íslenska
netfyrirtækið dohop.com opnar nýja
leitarvél.