Fréttablaðið - 14.12.2005, Blaðsíða 88

14. desember 2005 MIÐVIKUDAGUR52
HANDBOLTI Ólafur Stefánsson og
félagar hans í spænska liðinu Ciu-
dad Real drógust gegn slóvensku
meisturunum í Celje Lasko í 8-liða
úrslitum meistaradeildarinnar
í handbolta. Ljóst er að Ciudad á
erfitt verkefni fyrir höndum en
Celje er firnasterkt lið sem ein-
mitt bar sigur úr býtum í meist-
aradeildinni fyrir tveimur árum.
Tveir „grannaslagir“ verða í
8-liða úrslitunum því að spænsku
stórliðin Portland San Antonio og
Barcelona, sem er ríkjandi meist-
ari, drógust saman og þá munu
þýsku liðin Kiel og Flensburg
einnig mætast. „Þetta er hrika-
legt, alveg hrikalegt,“ sagði Uwe
Schwenker, þjálfari Flensburg,
eftir dráttinn. „Þetta var eina
liðið sem ég vildi ekki mæta í 8-
liða úrslitunum. Nú á aðeins eitt
þýskt lið möguleika á að komast
í undanúrslitin og það segir sig
sjálft að það er ekki gott fyrir
þýskan handbolta,“ bætti hann
við. Í fjórðu og síðustu viðureign
8-liða úrslita meistaradeildarinn-
ar mætast síðan Montpellier frá
Frakklandi og Fotéx Vesszprem
frá Ungverjalandi.
Einnig var dregið í hinar þrjár
Evrópukeppnirnar í gær og af
Íslendingaliðunum má nefna að
Ásgeir Örn Hallgrímsson og Logi
Geirsson og félagar í Lemgo taka
á máti Dynamo Astrachan frá
Austurríki í EHF-keppninni og
Gummerbach, þar sem er að finna
Guðjón Val Sigurðsson og Róbert
Gunnarsson, mætir Bidasoa frá
Spáni. Bjarni Fritzson hjá Creit-
el fer til Póllands og mætir KS
Kielce og þá mætir danska Íslend-
ingaliðið Skjern, þar sem er að
finna þá Vigni Svarvarsson, Vil-
hjálm Halldórrsson, Jón Fannar
Þorbjörnsson og þjálfarann Aron
Kristjánsson, Constanta frá Rúm-
eníu í Evrópukeppni bikarhafa.
- vig
Margir Íslendingar eru á mála hjá liðum í Evrópukeppninni í handbolta:
Ólafur og félagar fara til Slóveníu
ÓLAFUR STEFÁNSSON Fer með liði sínu
Ciudad Real til Slóveníu þar sem það
tekur á móti Celje Lasko. Ciudad Real
hefur sett sér það markmið að vinna
Meistaradeildina í ár.
FÓTBOLTI „Ég var í sjálfsmorðshug-
leiðingum eftir leikinn gegn WBA.
Ég hef aldrei sokkið dýpra en þá,“
sagði Kieron Dyer, hinn magnaði
leikmaður Newcastle, við The
Guardian í gær en meiðslasaga
hans síðustu tvö ár hefur verið
með hreinum ólíkindum. Dyer
hefur þurft að kljást við hvert
óhappið á fætur öðru og má í raun
segja að hann hafi ekki spilað heil-
an leik fullkomlega heill heilsu
síðustu tvö tímabil. Dyer segir að
sá tími komi að menn verði búnir
að fá nóg af ástandinu.
Í ár hafa það verið hinar og
þessar tognanir í bland við þung-
lyndi af verstu gerð sem hafa
hrjáð Dyer. Hann kom þó við
sögu í leik Newcastle gegn WBA
í október og stóð sig frábærlega
áður en meiðsli aftan í læri tóku
sig upp á nýjan leik og hefur
hann ekki spilað síðan. „Læknar
félagsins, framkvæmdastjórinn
og fjölskyldan mín tóku í taum-
ana í tæka tíð og héldu áfram að
styðja mig. Ég hefði ekki getað
þetta án þeirra,“ segir Dyer, sem
nú er á batavegi og vonast til að
vera kominn aftur á fótboltavöll-
inn fyrr en síðar.
„Við spilum þetta eiginlega
bara eftir eyranu. Ég er alveg
hættur að gera mér neinar vonir,“
segir Dyer, en hann dvelur nú
á læknasetri bresku ólympíu-
akademíunnar og reynir að fá sig
góðan. „Ég veit að ég get hjálpað
liðinu þegar ég get spilað. Eins og
allir vita núna hef ég átt við marg-
vísleg vandamál að stríða sem
stuðningsmenn Newcastle vissu
ekki af fyrr en félagið sendi frá
sér tilkynningu í síðasta mánuði.
Það var strax mikill léttir fyrir
mig og í dag er ég ekki undir eins
mikilli pressu að ná mér,“ segir
Dyer en nýjustu rannsóknir benda
til þess að rekja megi meiðslasögu
hans til hlaupastílsins.
„Við erum að vinna í því að
breyta hlaupastíl mínum því jafn-
vægi þarf að vera á milli fótanna.
Ég er byrjaður að styrkja mig í
náranum og eftir að ég hef náð
fullum styrk er ég klár. Það verð-
ur vonandi fyrr en síðar.“
- vig
Kieron Dyer viðurkennir
sjálfsmorðshugleiðingar
Hinn einstaklega óheppni miðjumaður Newcastle, Kieron Dyer, greindi frá því
í gær að hann hefði hugleitt að fremja sjálfsmorð eftir að hafa meiðst enn og
aftur í eina leiknum sem hann hefur spilað í ár.
KIERON DYER Er líklega með óheppnustu knattspyrnumönnum Bretlandseyja en vonast til
að geta beitt sér að fullu fyrr frekar en síðar.
FÓTBOLTI Hinn brasilíski Pele, sem
flestir telja besta knattspyrnu-
mann sem uppi hefur verið, segir
að úrslit heimsmeistarakeppn-
innar í Þýskalandi næsta sumar
geti ráðist allt að mánuði áður en
keppnin sjálf hefst. Pele á við að
ef landsliðin lenda í því að missa
lykilmenn í meiðsli geti skarðið
orðið svo stórt að það verði ein-
faldlega ekki fyllt.
„Þetta snýst að miklu leyti um
heppni. Sjáið bara Frakkland í
síðustu heimsmeistarakeppni. Þá
meiddust 2-3 frábærir leikmenn
rétt fyrir mótið og voru fyrir
vikið aðeins á hálfum hraða,“
segir Pele en FIFA hefur gefið
það út að öll lið fái meiri tíma til
að undirbúa sig fyrir þetta mót
en áður hefur þekkst. „Það er
gríðarlega mikilvægt fyrir þjálf-
ara að fá allt að fjórar vikur til
undirbúa sitt lið. Þann tíma verð-
ur að nýta vel,“ segir Pele.
Sá brasilíski, sem er í guðatölu
í heimalandi sínu og gríðarlega
virtur, er þegar farinn að spá í
spilin fyrir keppnina og segir
hann Brasilíu vera liðið með
sterkasta hópinn. „Þar eru marg-
ir stórkostlegir sóknarmenn en
ef allir eru heilir tel ég að Carlos
Alberto Perreira þjálfari muni
leika með Ronaldo og Ronaldinho
í fremstu víglínu,“ segir Pele sem
jafnframt telur að Wayne Rooney
geti orðið ein helsta stjarna
keppninar.
„Það er ekki hægt að finna
marga galla á hans alhliða leikstíl
og hann er stöðugt að bæta sig.
Fyrir nokkrum árum sagði ég að
hann gæti vel slegið í gegn á EM
og það gerði hann. Í dag er hann
betri leikmaður en hann var þá,“
segir Pele.
- vig
Brasilíska knattspyrnugoðið Pele er farinn að spá í spilin fyrir HM:
HM gæti ráðist á meiðslum
PELE Segir að meiðsli leikmanna muni ráða miklu um gengi þjóðar þeirra á HM.