Réttur - 01.10.1950, Side 10

250
RÉTTUR
atriði þá ákæru mína, að hann sé hvorki óháður né hlutlaus. Dóm-
arinn heldur í þessu atriði verndarhendi yfir lögbroti lögreglu-
stjóra, en beitir skörpum rannsóknaraðferðum og kveður síðan
upp þunga dóma yfir ýmsum þeirra, sem urðu fyrir ólöglegum
árásum og jafnvel alvarlegum áverkum sakir framferðis þess, er
lögreglustjóri stjórnaði og ber ábyrgð á.
En lögbrot lögreglustjóra gagnvart mannsöfnuðinum var ekki
eina lögbrot hans þennan dag.
Lögreglustjóri braut einnig lögin með þeirri framkomu, er hann
lét lögrejjluna hafa í frammi gagnvart alþingismönnum.
Strax um morguninn voru hendur lagðar á einn alþingismann,
Lúðvík Jósefsson, af lögreglu og honum varnað inngöngu í Alþing-
ishúsið. Og að loknum þingfundi 30. marz lét lögreglustjóri lög-
regluna hindra þingmenn í því að yfirgefa þinghúsið.
Sveinn Sæmundsson, yfirmaður rannsóknarlögreglunnar, segir
um þetta fyrir rétti 30. marz:
„Er þingfundi hafði verið slitið, gat forseti sameinaðs þings,
Jón Pálmason, þess, að samkvæmt beiðni lögreglustjórans í
Reykjavík, eða að fyrirlagi hans, skyldu hvorki þingmenn
eða aðrir viðstaddir yfirgefa þinghúsið fyrr en eftir nánari
fyrirmælum. Þingmenn sósíalista voru óánægðir með þetta,
þar sem þeim væri meinað að yfirgefa húsið.“
Samkvæmt stjórnarskránni eru alþingismenn sérstaklega vernd-
aðir gagnvart aðgerðum lögreglu.
Brot lögreglustjóra gagnvart alþingismönnum var, næst gas-
árásinni á fólkið, ein af orsökum óeirðanna að áliti ýmissa vitna.
Dómaranum er sú staðreynd, að lögreglustjóri lætur hindra
ferðir alþingismanna, ekkert rannsóknarefni. Hinsvegar er þaul-
spurt fyrir rétti um, hvernig sú frétt berist út, að þingmenn fái
ekki að fara frjálsir ferða sinna, rétt eins og málfrelsið um slíkar
aðgerðir væri lögbrot, en lögbrotið sjálft eðlilegur hlutur. Dómar-
inn virðist ganga út frá því sem sjálfsögðu, að það, sem valds-
menn gera, það sé þar með rétt og löglegt, en ef þegnarnir segi
frá því, sem valdsmenn gera, sé það vítavert.
Þcssi afstaða gagnvart fólkinu og réttindum þess er ósamrým-