Réttur - 01.02.1937, Blaðsíða 1

RÉXTUR
XXI. ÁRG. FEBRÚAR 1937. 6.-7. HEFTI
Gjaldþrot
*
anðvaldsins á Islandi
«g lokaþáttur Jónasar frá Hriflu.
Eftir Einar Olgeirsson.
IV. Dómur sögunnar um leiðir
okkar Jónasar.
Eg hefi nú í undanförnum köflum lýst ástandinu
á íslandi eins og það er orðið, sem afleiðing af þróun
síðustu 20 ára. Þessi lýsing verður ekki hrakin. Um
dóminn yfir þessu þjóðfélagsástandi frá sjónarmiði
alþýðunnar, verður heldur ekki efast. Sá dómur, sem
verkamenn, sjómenn, fátækir bændur og millistéttir
munu kveða upp, er dauðadómur yfir auðvaldsskipu-
laginu, dauðadómur yfir þjóðfélagi, þar sem Kveld-
úlfur, Landsbankinn, hringarnir í útgerðarvörum og
stærstu heildsalarnir hirða gróðann af striti íslenzku
þjóðarinnar. Og samfara dauðadómnum verður kraf-
an um að skapa þjóðfélag, þar sem verkamenn,
bændur, fiskimenn — alþýða landsins — ráða fram-
leiðslutækjunum, reka sameiginlega verzlunina og
hirða sjálfir afrakstur vinnu sinnar. Krafan um þetta
þjóðfélag er um leið krafa fólksins til lífsins, vilji
alþýðunnar til valda. Og framkvæmdin á dauðadómn-
um og þessari voldugu lífskröfu fólksins, — það er
byltingin, sú volduga breyting, er flytur ríkisvaldið úr
höndum þeirrar auðmannaklíku, sem eg lýsti í 1. og
2. kafla, í hendur alþýðunnar, — á hvern hátt, sem
sú breyting gerist.
129