Réttur - 01.02.1937, Blaðsíða 64
hefir séð og upplifað svo mikið í Þýzkalandi, að nazistayfir-
völdin óttast að frásögn hans verði eyðileggjandi fyrir álit
Hitler-Þýzkalands í öðrum löndum. Og í öðru lagi, að í Berlín
virðast menn farnir að álíta, að umheimurinn sé þegar farinn
að sætta sig við það, að maður, sem hefir fengið friðarverðlaun
Nobels, sé og verði fyrir fulit og alltí á valdi kvalara sinna. Um
þetta skrifar fréttamaður enska stórblaðsins „Manchester
Guardian" nú fyrir skömmu, að þýzku yfirvöldin voni, „að um-
heimurinn gleymi Ossietzky smóm saman“.
En með þessu sýna nazistarnir oss sjálfir, hvað oss ber að
gera. Vér megum ekki láta baráttuna fyrir frelsun Ossietzkys
falla niður einn einasta dag. Hann er enn þá fangi Hitlers vegna
þess að hann berst fyrir friði. Og varnarlaus, sem hann er, af-
hjúpar hann hinn glæpsamlega stríðsvilja óvina sinna. Þess
vegna verður að beita öllum ráðum, sem til eru, til að frelsa
hann. Það er mjög þýðingarmikill liður i baráttunni fyrir heims-
friðnum, að einbeina almenningsálitinu i öllum löndum að því
að frelsa Ossietzky úr klóm böðla sinna.
Þýtt úr „Rundschau“.
Til kaupenda Réttar.
Með þessu 6.—7. hefti lýkur 21. árg. Réttar.
Heftin hafa því miður ekki getað orðið fleiri 1936.
En í ár skal loks takast að koma fullkominni
reglu á útgáfuna. Frá 1. marz 1937 kemur Réttur
út 1. hvers mánaðar. Heftin verða 10, tvær arkir
hvert, eða árgangurinn 20 arkir (320 bls.). Verð
árgangsins er eins og áður aðeins fimm krónur.
Er nú heitið á alla lesendur, að greiða Rétt skil-
víslega og útvega nýja áskrifendur.
I marzheftinu, sem nú er að fara í prentun, verður loka-
kaflinn af svari ritstjórans til Jónasar frá Hriflu, saga eftir
Halldór Stefánsson, saga eftir H. K. Laxness, grein um Puskin
eftir Kristinn E. Andrésson, auk Víðsjár, sem kemur í hverju
hefti, eftir Björn Franzson.
192