Réttur - 01.02.1937, Side 21

íjöldafráhvarf frá Alþýðuflokknum, ósigur við næstu
kosningar, frjálst svið fyrir fasismann.
Það er einn maður í Alþýðuflokknum, sem getur
e. t. v. gert flokknum meira gagn en nokkur maður
annar, ef hann vill beita kröftum sínum óskiptum
fyrir málstað verkalýðsins, gegn auðvaldinu. Þessi
maður er Héðinn Valdimarsson. Hann hefir óefað
ýmsa merkilega hæfileika til að bera sem verklýðs-
fulltrúi, þó ekki væri nema þann, að hann er einn af
þeim fáu, ef ekki sá eini maður í forustu Alþýðu-
flokksins, sem hefir fræðilega þekkingu á kenningum
jafnaðarstefnunnar, en slík þekking er óhjákvæmi-
Jegur grundvöllur sigursællar markvísrar verklýðs-
baráttu. Þeir sem kunnugir eru ferli hans frá upp-
hafi, vita hve mjög snortinn hann var á unga aldri af
hugsjón jafnaðarstefnunnar, hin ljósa og vel samda
ritgerð hans um harðsvíruðustu glæpafélög auðvalds-
ins, hringana, (Þróun auðmagnsins, prentuð í Skírni
1925), vitnar um ungan gáfumann með hreinan
skjöld, sem þekkir óvin mannkynsins og svellur hug-
ur í brjósti eins og Fáfnisbana að mega leggja fram
krafta sína í návígi við þennan hatramlega dreka,
þótt hinn kaldhæðni harmleikur lífsins hafi nú valið
honum annað hlutskipti um skeið. En þótt Héðinn
Valdimarsson telji sig nú fyrst og fremst ábyrgan
gerða sinna gagnvart þeim óvini, sem hann hafði ung-
ur strengt helgust heit um að berjast gegn, þá verð-
ur aldrei af honum haft, að á ákveðnum augnablik-
um í verklýðsbaráttunni hefir hann gleymt að taka
tillit til B. P., hinir heiðu dagar æskunnar hafa vitj-
að hans á ný, hann heíir allt í einu staðið í bardag-
anum við hlið verkamannanna sjálfra, ekki sem um-
boðsmaður hins hataða British Petroleum, heldur
sem einn af þeim. Hollasta ráðið til að efla Héðinn
Valdimarsson til verklýðsforingja í hinum raunveru-
lega skilningi þess orðs, hjálpa honum til að sigrast