Réttur - 01.02.1937, Qupperneq 63

menn í Berlín er enginn dr. Wannow til. En hann var þar fyrir
20 árum.
Við íyrirspurn Norðurlandablaðanna til þýzku lögreglunnar
var því svarað, að Ossietzky hefði verið yfirheyrður. Hann
hefði lýst því yfir, að umboðið væri rétt. í þessu sambandi
komu fram nýjar ástæður til grunsemda. Frú Kreutzberger beið
i Oslo eftir að fá peningana afhenta í bankanum og leitaði til
þess aðstoðar þýzka ræðismannsins. Samspilið við yfirvöid
nazistanna var opinbert.
Fréttaritari „Basler Nachrichten“ varpar dálitlu ljósi yfir
þetta. Hann skrifar blaði sínu, að Ossietzky hafi óskað að fá
verðlaunin send til Þýzkalands og því snúið sér til fyrrverandi
málaflutningsmanns síns í Berlín, sem svo hafi sent frú Kreutz-
berger til Oslo. Vér vitum ekki, hve mikil hæfa er í þessu, en
vér vörpum opinberlega fram þeirri spurningu, hvort þýzku
nazistayfirvöldin hafi þá ekki þvingað Ossietzky til að taka
þessa ákvörðun. Fréttir Norðurlandablaðanna um, að Ossietzky
hafi verið „yfirheyrður“ af þýzku leynilögreglunni í sambandi
við tilraunirnar til að hefja peningana í Oslo, eru nógu ískyggi-
iegar. Heimurinn þekkir vitnisburði hundraða og aftur hundr-
aða manna, sem hafa upplifað og lifað af yfirheyrslur þýzku
leynilögreglunnar. Hann þekkir aðferðirnar, sem beitt er við
slíkar yfirheyrslur. Hann minnist þess líka, að á sínum tíma lét
sjálf þýzka leynilögreglan keyptan útlendan blaðamann dreifa
út fregn um það, að Ossietzky hefði snúizt á sveif með nazist-
unum. En sú frétt var litlu síðar afhjúpuð sem tilhæfulaus.
ósannindi. Hvað er það þá, sem hér hefir gerzt? Vér vitum það
ekki. En af skrifum blaðamannsins frá „Basler Nachrichten“
er auðsætt, aö Ossietzky má ekki fara til Oslo, ekki vegna þess
aS heilsa hans þoli það ekki, heldur af því að Hitler leyfir hon-
um þaS ekki.
Blaðamaðurinn segir, að þegar hann hafi spurt hvers vegna
Ossietzky geti ekki farið tii útlanda, þá hafi honum verið svar-
að, að erlend blöð hafi „misnotað hann svo i baráttunni gegn
Þýzkalandi og stimplað hann sem ævarandi baráttumann", að
það geti ekki framar komið til mála, að hann fái að fara úr
landi. Blaðamaðurinn tekur réttilega fram, að með þessu sé
viðurkennt, „að Ossietzky sé alls ekki frjáls, því ef svo væri,
þá mundi honum vera innan handar að komast til útlanda“.
Nazistarnir eru nú þegar hættir að halda á lofti yfirdreps
umhyggju sinni fyrir heilsufari Ossietzkys og- lýsa því jafnvel
opinberlega yfir, að það verði að afstýra því, að hann fari til
útlanda, til þess að hann verði þar ekki að áróðursmanni gegn
Þýzkalandi. Þetta þýðir tvennt: I fyrsta lagi, að Ossietzky
191