Réttur - 01.01.1940, Side 29

Innlend víðsjá
4
Landssamaband íslenzkra stéttarfélaga stofnað.
11. nóv. síðastliðinn var stofnað „Landssamband íslenzkra
stéttarfélaga”. Að stofnuninni stóðu 22 verkalýðs- og iðn-
félög, þar á meðal ýms stærstu og öflugustu félögin í land-
inu, svo sem Verkamannafélagið „Dagsbrún” í Reykjavík,
„Hlíf” í Hafnarfirði og verkalýðsfélögin í Vestmannaeyj-
um, Siglufirði og Neskaupstað; ennfremur flest helztu iðn-
félögin í Reykjavík.
Stofnun þessa sambands á sér allmerkilega forsögu. Á
þingi Alþýðusambandsins haustið 1938 voru samþykkt ný
lög fyrir Alþýðusambandið, sem eigi aðeins staðfestu gömlu
einræðisákvæðin um réttleysi allra þeirra semiekki eru Al-
þýðuflokksmenn, heldur bættu við nýjum ákvæðum um ein-
veldi stjómar Alþýðuflokksins yfir verkalýðsfélögunum.
Þing þetta var í alla staði ólöglegt og hin nýju lög „sam-
þykkt” gegn vilja meirihluta fulltrúanna, eftir að allt að
helmingur þeirra hafði yfirgefið þingið í mótmælaskyni við
lögleysur þær, sem þar voru hafðar í frammi. Félög þau,
sem þannig var ekki lengur vært í Alþýðusambandinu
mynduðu nú með sér „Bandalag íslenzkra stéttafélaga",
sem hafði það markmið a* vinna að sameiningu íslenzkra
verkalýðsfélaga í eitt frjálst samband, óháð stjómmála-
flokkum. Stjóm Alþýðusambandsins tók nú að ofsækja
þessi félög í því augnamiði að kljúfa þau, og í Hafnarfirði
var svo byrjað á einni slíkri tilraim í stórum stíl, með þvi
að kljúfa Verkamannafélagið „Hlíf’. Gamla félagið átti að
eyðileggja með skipulagðri atvinnkúgun, þar sem klofn-
ingsfélagið átti að sitja fyrir allri vinnu hjá bænum og öll-
um þeim fyrirtækjum, sem foringjar Alþýðuflokksins hafa
ítök i. „Hlíf” lagði út í verkfall og sigraði. Hún var viður-
kennd af Félagsdómi sem réttur samningsaðili fyrir verka-
menn í bænum.
29