Réttur - 01.01.1940, Page 54

þegar Sovétríkin taka Bessarabíu og Búkóvínu á vald sitt
eða þegar Eystrasaltslöndin litlu ganga í Samband sósíal-
istiskra sovétlýðvelda, og væri þó vissulega hægt að skapa
álíka múgæsingar út af þeim málum og Finnlandsmálunum,
ef vel væri á haldið.
Ástæðan er augljós. Hinar tvær samsteypur í Evrópu,
þýzka og brezka samsteypan, eru nú báðar í þvílíkri að-
stöðu, að þær verða að eiga vingott við Sovétríkin og kepp-
ast um hylli þeirra. 1 blöðum og útvarpi Bretlands og Þýzka-
lands og þeirra ríkja, er af þeim hafa „dependerað”, var
nærri því hlutlaust og skikkanlega frá þessum atburðum
sagt, ekki vegna þess, að Rússar hefðu betri eða verri mál-
stað en í Finnlandsstríðinu og svo oft áður, heldur vegna
þess, að' nú var ekki talið hentugt frá pólitísku sjónarmiði
að stofna til æsinga. trt af Finnlandsstríðinu urðu t. d. eng-
ar lýðæsingar í Þýzkalandi, vegna þess, að ráðamenn þar í
landi höfðu í sambandi við þýzk-rússneska samninginn póli-
tískan hag af því að stofna ekki til þeirra. 1 Bretlandi og
Frakklandi gengu múgæsingarnar fjöllunum hærra, vegna
þess að þar þóttust ráðandi menn hafa pólitiskan hagnað af
þeim. Þaðan barst svo múgsefjanin hingað til lands. Hinir
pólitísku forráðamenn hér á landi eru svo sem ekki svo sjálf-
stæðir, að þeir geti stofnað til slíkra múgæsinga af eigin
rammleik, hvert pólitískt kjörorð verða þessir sönnu Islend-
ingar að fá hjá andlegum foringjum sínum erlendis. Þann-
ig stóð á því, að hagsmunir pólitískrar klíku í London réðu
því, hvernig mestur hluti íslenzku þjóðarinnar leit á Finn-
landsmálið. Þetta ætti að geta orðið mörgum hollur lær-
dómur, svo að þeir láti ekki öðru sinni óhlutvanda pólitíska
forkólfa teyma sig út í glórulausa og tilefnislausa tryllingu,
sem þeir þurfa að blygðast sín fyrir hálfu ári síðar.
— Eins og alkunnugt er, var varnaraðstaða Sovétríkjanna
í fyrra mjög veik við norðvesturlandamærin og umhverfis
Kyrjálabotn. Það var hægt að skjóta frá Finnlandi á Lenin-
grad, aðra'stærstu borg landsins og eina aðaliðnaðarmiðstöð
þess. Kyrjálaflóinn lá opinn fyrir, svo að sigla mátti þangað
inn fjandsamlegum herskipum í skotfæri við Leningrad.
54