Morgunblaðið - 07.05.2006, Side 42

42 SUNNUDAGUR 7. MAÍ 2006 MORGUNBLAÐIÐ
MENNING
LJÓÐASAMKEPPNIN Ljóð unga
fólksins 2006 hefur staðið yfir í al-
menningsbókasöfnum landsins und-
anfarnar vikur. Þöll, samstarfshópur
um barna- og unglingastarf á bóka-
söfnum, stendur að keppninni og er
þetta í fimmta sinn sem hún er hald-
in. 21 bókasafn tók þátt og barst mik-
ill fjölda ljóða en eftir grisjun í bóka-
söfnum fóru um 450 ljóð áfram til
dómnefndar sem var skipuð Iðunni
Steinsdóttur rithöfundi, Stefáni
Mána rithöfundi og Kristjáni Krist-
jánssyni rithöfundi og bókaútgef-
anda.
Eins og áður verður ljóðakver gef-
ið út með vinningsljóðunum ásamt
úrvali ljóða úr samkeppninni.
Að vinna í þriðja sinn
Snærós Sindradóttir, sigurvegari í
flokki 13 til 16 ára hefur tvisvar áður
unnið til fyrstu verðlauna í þessari
ljóðakeppni. Hún hefur sent ljóð inn í
keppnina annað hvert ár og í öll
skiptin hlotið fyrsta sætið. „Ég vann
tvisvar í yngra flokknum, fyrst þegar
ég var 10 ára og aftur þegar ég var 12
ára og síðan núna þegar ég er 14
ára,“ segir Snærós glöð í bragði.
Snærós getur tekið þátt einu sinni í
viðbót í keppninni, árið sem hún verð-
ur 16 ára, og segist auðvitað stefna á
að senda ljóð inn þá.
Þrátt fyrir ungan aldur hefur Snæ-
rós þegar gefið út eina ljóðabók.
„Ég gaf út ljóðabók 7 ára en bara
innan fjölskyldunnar. Hún hét
Lumbrað á ljóðum og var dreift í ein-
hverjum tuttugu eintökum. Pabbi
hjálpaði mér reyndar með hana.“ En
Snærós á ekki langt að sækja skáld-
skapargáfurnar því faðir hennar er
Sindri Freysson rithöfundur.
Aðspurð hvort hún semji ekki sög-
ur líka gefur hún lítið fyrir það. „Ég
hef aðeins skrifað af sögum og lenti
fyrir nokkrum árum í öðru sæti í
smásagnasamkeppni Æskunnar. En
mér gengur samt miklu betur með
ljóðin, ég er alltof óþolinmóð fyrir
sögurnar.“
Mistúlkaðar tilfinningar
Það kemur á óvart að þessi hug-
myndaríka stúlka stefnir ekki á það
að verða skáld í framtíðinni. „Ég
stefni á að læra leiklist en mun líklega
hafa skriftir sem áhugamál,“ segir
hún brosandi.
Um sigurljóðið segir Snærós að
það sé svolítið biturt. „Það er í gróf-
um dráttum um það þegar maður
hefur tilfinningar í garð einhvers,
hvort sem þær eru góðar eða vondar
og mistúlkar þær, heldur t.d. að mað-
ur elski manneskjuna en gerir það
ekki.“ Snærós segist ekki vera lengi
að semja hvert ljóð og að sigurljóðið
hafi aðeins tekið hana nokkrar mín-
útur. Það er misjafnt hvað hún skrif-
ar um en allt sem er hlutbundið ratar
ekki inn í ljóðin hennar. „Ég sem ekki
ljóð um neitt sem er hlutbundið, ein-
göngu huglægt. Mér finnst hlut-
bundið ekki nógu spennandi.“
Þótt ljóðin renni upp úr þessu unga
skáldi segist hún ekki vera með aðra
ljóðabók á leiðinni á næstunni.
Bókmenntir | Ljóðasamkeppni unga fólksins 2006
Of óþolinmóð fyrir söguskrif
Morgunblaðið/Ásdís
Snærós Sindradóttir sigraði í Ljóðasamkeppni unga fólksins í þriðja sinn.
Eftir Ingveldi Geirsdóttur
ingveldur@mbl.is
Blekking
Án orða
án hugsana
blekkjum sjálfið
og höldum að við elskum.
Grípum í tómt
því við flýjum
og þráum
öll í einu.
Berjumst við tárin
um leið og
við lokum á umheiminn.
Harmurinn er ekki.
Blekkingin er ekki.
Sigurljóð
Snærósar
Í flokki 9-12 ára:
1. sæti: Ína Sigrún Rúnarsdóttir, 12 ára, Akranesi, fyrir ljóðið Pabbi
2. sæti: Solveig Óskarsdóttir, 12 ára, Kópavogi, fyrir ljóðið Vorkoma
3. sæti: Skúli Geir Ólafsson, 11 ára, Selfossi, fyrir ljóðið Lestur
Í flokki 13-16 ára:
1. sæti: Snærós Sindradóttir, 14 ára, Reykjavík, fyrir ljóðið Blekking
2. sæti: Aldís Buzgó, 14 ára, Mosfellsbæ, fyrir ljóðið Ævintýri
3. sæti: Bylgja Ösp Pedersen, 13 ára, Akranesi, fyrir ljóðið Unglingur
Verðlaunahafar
Eurovision 2006
Þann 18. maí fylgir Morgunblaðinu glæsilegur blaðauki um
Eurovision. Þetta er blað sem lesendur hafa við hendina
18. og 20. maí þegar Eurovision verður sýnt í sjónvarpinu.
Meðal efnis:
• Kynning á keppendum í undankeppni og í aðalkeppni.
• Tískan í Eurovision.
• Íslensku Eurovision-lögin í gegnum tíðina.
• Saga af Silvíu Nótt.
• Rætt við íslensku Eurovisionfarana.
• Saga keppninnar rakin í stuttu máli og margt fleira.
Auglýsendur!
Pantið fyrir kl. 17:00 mánudaginn 15. maí.
Allar nánari upplýsingar veitir Katrín Theódórsdóttir
í síma 569 1105 eða kata@mbl.is
DANSVERK eftir Katrínu Hall, list-
rænan stjórnanda Íslenska dans-
flokksins, var
frumsýnt hjá
Staatstheater
Darmstadt í
Þýskalandi í gær.
Katrín hefur dval-
ið að undanförnu í
Darmstadt í
Þýskalandi við að
semja verkið.
Verk Katrínar
ber nafnið Instant
Smile og verður hluti af sýningu sem
nefnist Last Minute. Ásamt Katrínu
eru það Jochen Ulrich og Mei Hong
Lin sem eiga verk á sýningunni.
Von er á Katrínu bráðlega aftur til
landsins vegna undirbúnings á sýn-
ingu Íslenska dansflokksins og
Maska Production á Við erum öll
Marlene Dietrich, en sýningin kemur
aftur til Íslands á Listahátíð í maí.
Dans | Instant Smile
frumsýnt erlendis
Katrín Hall
í Þýskalandi
Katrín Hall
ORGELIÐ í Dómkirkjunni er ekk-
ert á við tryllitækið í Hallgríms-
kirkju, en engu að síður var hljóm-
urinn í því voldugur þegar Douglas
A. Brotchie lék prelúdíu eftir Buxte-
hude á tónleikum á sunnudaginn.
Mismunandi raddir voru í sannfær-
andi jafnvægi og stígandin í túlk-
uninni var markvisst byggð upp með
kraftmiklum hápunkti.
Svipaða sögu er að segja um Aríu
eftir Eric Smith og sálmaforleikinn
„Herr Christ, der einig Gottes
Sohn“ eftir sama tónskáld, auk
sálmaforleiksins „Víst ertu Jesús,
kóngur klár“ eftir Pál Ísólfsson.
Leikur Brotchies var fínlegur en að
sama skapi blæbrigðaríkur og var
verulega gaman á að hlýða.
Ekki eins bitastæð var Tokkata
Jóns Nordal, sem var eitt af stærri
verkum dagskrárinnar. Fingraspil
var nokkuð stirt, með þeim afleið-
ingum að ógnarhröð hlaup virkuðu
ekki eins yfirgengileg og þau hefðu
þurft að gera og var heildarútkoman
heldur varfærnisleg til að tónlistin
nyti sín til fulls.
Sálmaforleikurinn „Ich ruf zu dir“
eftir Buxtehude var ekki heldur
ásættanlegur; raddvalið var frá-
hrindandi og var tónlistin því ein-
kennilega kuldaleg, sem fór henni
ekki vel.
Hinsvegar var sérstæður fugla-
söngur yfir dulúðugu hljómaferli í
Gaudeamus in loci pace eftir skoska
samtímatónskáldið James MacMill-
an einstaklega fallega útfærður af
Brotchie. Og sama var uppi á ten-
ingnum í Umbreytingu Krists á fjall-
inu eftir Hafliða Hallgrímssom, sem
telst reyndar seint til þess besta sem
hann hefur samið; líkingamálið í tón-
listinni er of augljóst, hún er svo yf-
irborðsleg að það er ekkert eftir fyr-
ir ímyndunaraflið. En Brotchie
spilaði hana vel og krafturinn sem
einkennir hana var fyllilega til stað-
ar í túlkuninni. Þó er hugsanlegt að
hann hefði mátt dempa sig aðeins;
kannski var túlkunin of galvösk til
að sú undiralda, er mögulega er til
staðar í verkinu, gerði vart við sig.
Óneitanlega hefði örlítil dýpt hefði
gert músíkina áhugaverðari.
Fuglasöngur
í Dómkirkj-
unni
TÓNLIST
Dómkirkjan
Douglas A. Brotchie lék tónsmíðar eftir
Buxtehude, Eric Smith, Pál Ísólfsson,
Jón Nordal, James MacMillan og Hafliða
Hallgrímsson. Sunnudagur 30. apríl.
Orgeltónleikar
Jónas Sen
♦♦♦
ÞAÐ VORU rólegheit í Fríkirkj-
unni á sunnudagskvöldið. Um
klukkutímalöng dagskrá var helguð
kyrrðinni, þó ekki með þögn, held-
ur afslöppuðum lögum á borð við
Hneigðu þitt höfuð eftir Carl Niel-
sen, ferðastu hljóðlega um heiminn
eftir Bjarne Haar, Lýs milda ljós
eftir Newman og fleira.
Kristjana Arngrímsdóttir söng
lögin og var túlkun hennar full-
komlega í takt við músíkina. Hún
var lágstemmd og yfirveguð auk
þess sem tæknilegar hliðar söngs-
ins voru eins og best verður á kos-
ið. Röddin var þýð, tær og notaleg
áheyrnar; söngstíllinn var einhvers
staðar á milli þess að vera ljóða- og
dægurlagasöngur, sem kom prýði-
lega út. Útkoman var sérlega þægi-
leg og vel til þess fallin að róa
taugarnar, sem samkvæmt tón-
leikaskránni var einmitt tilgangur
tónleikanna.
Hljómsveitin sem lék með Krist-
jönu var öldungis frábær; silki-
mjúkur harmóníkuleikur Tatu
Kantomaa var unaðslegur á að
hlýða og hlýlegur fiðluleikur Hjör-
leifs Valssonar kryddaði tónlistina
á sérlega smekklegan hátt. Aðrir
hljóðfæraleikarar voru sömuleiðis
frábærir og bakrödd Aspar Krist-
jánsdóttur smellpassaði við söng
Kristjönu.
Óneitanlega var maður fullur
æðruleysis á eftir!
Guð gefðu mér æðruleysi
TÓNLIST
Fríkirkjan
Kristjana Arngrímsdóttir söng kyrrðarlög
við undirleik Hjörleifs Valssonar fiðluleik-
ara, Arnar Eldjárn Kristjánssonar gít-
arleikara, Jóns Rafnssonar bassaleikara
og Tatu Kantomaa harmóníkuleikara.
Sunnudagur 30. apríl.
Söngtónleikar
Jónas Sen