Morgunblaðið - 25.08.2006, Qupperneq 4

4 FÖSTUDAGUR 25. ÁGÚST 2006 MORGUNBLAÐIÐ
FRÉTTIR




  
 


     


 

   

         
    

 

   
 
  





   




 
 




  


 


  


 
 




   

 

 
 


  
 








 
 
    
 
  


 


  

 

   
  

  

  
  
      
   
 




 

 

  
    

  

  

 
  


  

 
  



   

 



 
  

     

 
 
  
 
    


 
 


       



 

  

  

   






  


 




      

 




 



„MÉR finnst viðfangsefnið mjög spennandi og
skemmtilegt,“ sagði Einar Sigurðsson, sem
var ráðinn forstjóri Árvakurs hf. á fundi
stjórnar félagsins í gærmorgun. Hann segir að
Árvakur stefni að því að stækka hlut sinn á
fjölmiðlamarkaðnum.
Einar segir að helstu verkefnin framundan
séu annars vegar að halda áfram að treysta
rekstur Morgunblaðsins og hins vegar að
byggja Árvakur upp til framtíðar. „Það er
markmið félagsins að stækka reksturinn og
gera það skráningarhæft, ef menn hafa áhuga
á því á einhverju stigi að fara með félagið á op-
inn markað og breikka enn hluthafahópinn,“
segir Einar.
Ekki áform um samruna
Hann segir að Árvakur ætli sér að vera þátt-
takandi á fríblaðamarkaði og styrkja stöðu
sína þar með rekstri Blaðsins, en Árvakur á
helmingshlut í Ári og degi ehf. sem getur út
Blaðið.
Aðspurður hvort til standi af hálfu Árvakurs
að fara út í samstarf við Símann og Skjá einn,
sem gæti skapað mótvægi við 365-miðla, segir
Einar að engar fyrirætlanir séu um slíkan
samruna. „Hins vegar dregur þetta upp ágæt-
is mynd af markaðnum, það er mjög stór sam-
steypa sem keppir við mörg fyrirtæki á mark-
aðnum. Það verður mjög fróðlegt að sjá
hvernig þessi markaður þróast og hvort hann
verði áfram óbreyttur. En það er alveg ljóst að
Árvakur ætlar sér stærri hlut en hann hefur í
dag,“ segir Einar.
Bjartsýnn tónn
Þegar hann er spurður hvort breytinga sé
að vænta í rekstri, segir Einar að verið sé að
innleiða ákveðnar nýjungar við vinnslu Morg-
unblaðsins. „En tónninn sem við viljum slá er
ekki samdráttar- eða niðurskurðartónn, þvert
á móti er hann bjartsýnn og upp á við, því við
teljum fulla ástæðu til þess.“
Aðspurður hvers vegna hann sé ráðinn for-
stjóri en ekki framkvæmdastjóri segir Einar
það hafa þá þýðingu að félagið hafi vaxt-
armarkmið og stefni á breiðari rekstur en ver-
ið hefur, þ.e. sem alhliða miðlunarfyrirtæki en
ekki einungis sem útgáfufélag Morgunblaðs-
ins. „Menn vildu undirstrika það með þessari
breytingu. Framkvæmdastjórastaðan dettur
þar af leiðandi út,“ segir hann.
Einar hefur starfað sem framkvæmdastjóri
viðskiptaþróunar hjá IMG og kom sem slíkur
að undirbúningi að breytingum á rekstri Ár-
vakurs fyrr á árinu. Einar segist hafa kynnst
félaginu í gegnum þá vinnu og það muni flýta
mjög fyrir honum við að koma sér inn í starfið.
Hann var áður framkvæmdastjóri stefnu-
mótunar- og stjórnunarsviðs Flugleiða og FL
Group og þar áður aðstoðarmaður forstjóra og
upplýsingafulltrúi fyrirtækisins. Einar var
fyrsti útvarpsstjóri Íslenska útvarpsfélagsins
hf. en fram að þeim tíma hafði hann starfað
sem fréttamaður hjá Ríkisútvarpinu. Hann hóf
störf við fjölmiðla á Alþýðublaðinu en hann er
fjölmiðlafræðingur að mennt með mast-
ersgráðu í stjórnmálafélagsfræði frá London
School of Economics.
Skráning innan þriggja ára
Í tilkynningu frá stjórn Árvakurs í gær
kemur fram að stefnt sé að því að hægt verði
að skrá félagið sem almennt fjölmiðla- og miðl-
unarfyrirtæki í kauphöll innan þriggja ára.
Fram kemur í tilkynningunni að félagið hafi
sett sér markmið um uppbyggingu og sókn á
ný svið miðlunar. Þá segir að fréttavefur
Morgunblaðsins, mbl.is, hafi einstaka stöðu,
því hvergi annars staðar í heiminum sé frétta-
vefur af þessu tagi mest nýtti vefur á netmark-
aði. „Þetta byggist fyrst og fremst á tveimur
þáttum, trausti á fréttamennsku Morg-
unblaðsins, góðri framsetningu og auðveldu
aðgengi. Á næstu mánuðum verður mbl.is þró-
aður þannig að notendur fái í gegnum hann að-
gang að mun fjölþættari þjónustu, einkum á
sviði alhliða samskiptatækni. Þessi þróun í átt
að vefgátt verður einnig með hliðsjón af mögu-
leikum sem eru til staðar í ljósvakamiðlun,“
segir í tilkynningunni.
„Uppbygging Árvakurs byggist á því að fé-
lagið verði eflt til sóknar á næstu mánuðum
með nýju fjármagni. Það er nú til meðferðar
og afgreiðslu í stjórn og hluthafahópi félags-
ins,“ segir þar ennfremur.
Einar Sigurðsson hefur verið ráðinn forstjóri Árvakurs hf., útgáfufélags Morgunblaðsins
Árvakur ætlar sér
stærri hlut en
hann hefur í dag
Skráning á markað möguleg innan þriggja ára
Eftir Árna Helgason
arnihelgason@mbl.is
Morgunblaðið/Sverrir
Tímamót Einar Sigurðsson, nýr forstjóri Árvakurs, fundaði með starfsmönnum fyrirtækisins í
gær og talaði um það sem framundan er hjá blaðinu og fyrirtækinu almennt.
Kynning Auglýsendur kynntu sér breytingar á Morgunblaðinu í Listasafni Reykjavíkur í gær.
» Stjórn Árvakurs stefnir á skráningu fé-lagsins sem alhliða fjölmiðla- og miðl-
unarfyrirtækis á markað innan þriggja ára
»Félagið hefur sett sér markmið um upp-byggingu og sókn á ný svið miðlunar
»Á næstu mánuðum stendur til að þróambl.is frekar og veita notendum aðgang
að fjölþættari þjónustu
Í HNOTSKURN
LÖGREGLAN á Seyðisfirði telur
líklegt að kínverskur starfsmaður
verktakafyrirtækisins Impregilo,
sem fannst illa leikinn í herbergi sínu
í vinnubúðum fyrirtækisins, hafi
veitt sér áverkana sjálfur með nagl-
bít. Hefur maðurinn neitað þessu við
yfirheyrslur.
Snemma á sunnudagsmorguninn
13. ágúst síðastliðinn kom herberg-
isfélagi mannsins að honum liggjandi
í blóði sínu í sameiginlegu svefnher-
bergi þeirra í vinnubúðunum. Fram
hefur komið í fréttum að maðurinn
var afar illa útleikinn og lá hann í
blóði sínu og ælu þegar komið var að
honum en blóðslettur voru uppi um
alla veggi.
Ummerki benda ekki til þess að
fleiri menn hafi verið á staðnum
Var manninum vart hugað líf í
fyrstu en hann hafði verulega áverka
á höfði og hálsi. Hinn særði hefur
ætíð haldið því fram að tveir menn
hafi ráðist á sig um nóttina til að
ræna sig og segir þá hafa hulið andlit
sín, borið sólgleraugu og talað kín-
versku.
Embætti lögreglustjórans á Seyð-
isfirði fékk sér til aðstoðar tvo menn
frá tæknideild lögreglunnar í
Reykjavík til að rannsaka vettvang
en samkvæmt tilkynningu frá emb-
ættinu þykir líklegt eftir rannsókn-
ina að maðurinn hafi sjálfur veitt sér
áverkana. Niðurstaðan er studd áliti
réttarmeinafræðings.
Óskar Bjartmarz, yfirlögreglu-
þjónn hjá lögreglunni á Seyðisfirði,
segir að engin ummerki séu um að
einhver annar hafi verið í herberginu
og af dreifingu blóðs um herbergi
mannsins megi ráða að enginn annar
hafi verið þar meðan á atganginum
hafi staðið. Um er að ræða bráða-
birgðaniðurstöðu en Óskar segir að
lögreglan telji hana líklegustu skýr-
inguna á því sem þarna hafi átt sér
stað.
Talinn hafa veitt
sér áverka sjálfur
SEINNI umferð í 8 manna úrslitum
á Íslandsmótinu í skák fór fram í
gær. Alþjóðlegi meistarinn Bragi
Þorfinnsson felldi stórmeistarann
Þröst Þórhallsson úr keppni en
fyrri skák þeirra lauk með jafntefli
í gær. Vann Bragi seinni skák
þeirra í dag og þarf Þröstur því að
taka pokann sinn.
Henrik Danielsen sigraði Arnar
Gunnarsson, en Arnari hefði nægt
jafntefli til að fella Henrik úr leik.
Þeir þurfa því að tefla bráðabana í
dag til að skera úr um hvor þeirra
kemst áfram. Hannes Hlífar Stef-
ánsson sigraði Tómas Björnsson
örugglega. Þá gerði Héðinn Stein-
grímsson jafntefli við Jón Viktor
Gunnarsson og er Jón Viktor þar
með dottinn út. Margir spá því að
Héðinn nái langt í keppninni en
sýnt þykir að hann mæti vel und-
irbúinn til leiks. Bráðabani milli
Henriks og Arnars fer fram í Skák-
höllinni Faxafeni klukkan 17 í dag.
Stórmeistari
fallinn úr
keppni