Morgunblaðið - 25.08.2006, Blaðsíða 20

20 FÖSTUDAGUR 25. ÁGÚST 2006 MORGUNBLAÐIÐ
ERLENT
ÍBÚAR í bænum Gualeguaychu í Argentínu efndu í gær til mótmæla
úti fyrir finnska sendiráðinu í Buenos Aires. Var tilefnið það, að
finnska fyrirtækið Metsa-Botnia og spænska fyrirtækið Ence hafa á
prjónunum að reisa mikla trjákvoðuverksmiðju við Úrúgvæ-fljót en
það skilur að Úrúgvæ og Argentínu. Eru verksmiðjur af því tagi oft
miklir mengunarvaldar og er óttast, að sú verði einnig raunin á nú.
Reuters
Mengunarmótmæli í Argentínu
Jerúsalem. AFP. | Lögregla í Ísrael
hélt í gær áfram að yfirheyra Moshe
Katsav, forseta landsins, en þrjár
konur í starfsliði hafa kært hann fyrir
kynferðislega áreitni. Ein þeirra, sem
nú er hætt en var hátt sett, sakar Kat-
sav um að hafa þvingað sig til kyn-
maka. Hann hafi sagt að ef hún neit-
aði yrði hún rekin, að sögn ísraelska
dagblaðsins Haaretz.
Gerð var húsleit í embættisbústað
forsetans fyrr í vikunni vegna málsins
og ýmis gögn gerð upptæk. Katsav,
sem er 61 árs og fæddur í Íran, segist
vera saklaus og hann muni ekki verða
við kröfum um afsögn. Embætti for-
seta Ísraels er að mestu valdalaust.
Þingið, Knesset, getur vikið forseta
úr embætti ef þrír fjórðu þingmanna,
90 af 120, samþykkja það.
Katsav var áður leiðtogi hins
hægrisinnaða Likud, sem er nú
stærsti stjórnarandstöðuflokkurinn
en klofnaði þegar Ariel Sharon, þá-
verandi forsætisráðherra og leiðtogi
Likud, stofnaði Kadima-flokkinn sem
nú er við völd. Katsav var kjörinn for-
seti árið 2000 og var fyrsti hægrimað-
urinn í sögu ríkisins í því embætti.
Mörg hneykslismál í gangi
Málið kemur á versta tíma fyrir
Ehud Olmert forsætisráðherra sem
hefur átt í erfiðleikum vegna innrás-
arinnar í Líbanon sem þykir hafa mis-
tekist þar sem Hizbollah-sveitirnar
eru enn við við lýði. Yfirmaður hers-
ins, Dan Halutz, viðurkenndi í gær að
gerð hefðu verið margvísleg mistök í
innrásinni, einkum á sviði birgða-
flutninga og yfirstjórnar.
Halutz seldi öll hlutabréf sín fyrir
sem svarar um 1,9 milljónir króna 12.
júlí, nokkrum stundum áður en Ísr-
aelsher réðst inn í Líbanon. Daginn
eftir lækkaði verð á hlutabréfum um
8% og hefur Halutz verið sakaður um
að hafa misnotað vitneskju sína um
innrásina, stundað innherjaviðskipti.
Haim Ramon sagði af sér sem
dómsmálaráðherra sl. sunnudag
vegna ásakana um kynferðislega
áreitni og verið er að rannsaka hvort
Tzahi Hanegbi, formaður utanríkis-
mála- og varnarmálanefndar þings-
ins, hafi gerst sekur um fjársvik og
meinsæri. Sjálfur gæti Olmert átt yfir
höfði sér rannsókn vegna fasteigna-
viðskipta, sem þykja grunsamleg.
Enn er þjarmað að Katsav forseta
Sagður hafa þvingað konu úr
starfsliðinu til samræðis
Reuters
Í vanda Ehud Olmert (lengst t.v.), forsætisráðherra Ísraels, og Moshe
Katsav (lengst t.h.) forseti á hátíðarsamkomu fyrir skömmu.
Eftir Kristján Jónsson
kjon@mbl.is
VÍSINDAMENN hafa lengi leitað líffræði-
legrar skýringar á samkynhneigð en rann-
sóknir, sem gerðar hafa verið í Bandaríkj-
unum, benda til, að ástæðan sé breyting á
X-litningnum, sem ákveður kynferðið. Af
þessum rannsóknum hefur sumt samkyn-
hneigt fólk nokkrar áhyggjur, telur að þær
geti síðar leitt til „útrýmingarherferðar“
gegn fóstrum með þetta erfðaeinkenni.
Um þetta var fjallað í danska blaðinu
Kristeligt Dagblad í gær. Segir þar að í
Bandaríkjunum hallist æ fleiri vísinda-
menn að því, að orsök samkynhneigðar sé
að finna í breytingum á X-litningnum en
umrætt svæði, sem þær taka til, er kallað
Xq-28. Er ástæðan fyrir samkynhneigð þá
erfðafræðileg, alveg eins og fyrir gagnkyn-
hneigð, sem ætti í sjálfu sér að stuðla að
minni fordómum. Samkynhneigðum er þó
sumum ekki rótt, þ. á m. Mikael Boe Lar-
sen, formanni samtaka samkynhneigðra í
Danmörku.
„Ég óttast, að finnist ákveðin, erfða-
fræðileg skýring á samkynhneigð, verði
næsta skrefið að vísindamenn og síðan
væntanlegir foreldrar fari að skoða erfða-
registur fóstursins og útrýma því síðan, líki
þeim ekki lesturinn,“ segir Larsen. Christi-
an Graugaard læknir tekur undir með hon-
um.
„Það er full ástæða til að hafa áhyggjur
af þessu enda hafa kröfur um þetta verið
uppi lengi. Ég hef setið ráðstefnur með
bandarískum vísindamönnum, sem segja
það hreint út, að verði ástæðan fyrir sam-
kynhneigð endanlega staðfest, eigi foreldr-
ar að fá að ráða því hvort fóstri sé eytt á
þeim grundvelli,“ segir Graugaard og bæt-
ir við, að því miður blasi við okkur heldur
óhugguleg framtíðarsýn að þessu leyti.
Óttast
„útrýmingu“
á fóstrunum
Veldur litningabreyting
samkynhneigð?
„ALDREI fyrr í sögu styrjalda
hafa jafnmargir átt jafnfáum svo
mikið að þakka,“ sagði Winston
Churchill, forsætisráðherra Bret-
lands á stríðsárunum, er hann
minntist flugmannanna, sem þátt
tóku í orrustunni um Bretland.
Þeim hefur verið þakkað að hafa
komið í veg fyrir innrás Þjóðverja í
Bretland haustið 1940. En nú eru
sumir farnir að efast um þessa
söguskoðun, að sögn The Guardi-
an. Er það skoðun nokkurra kunn-
ra sagnfræðinga, að það hafi verið
sjóherinn fyrst og fremst, sem af-
stýrði innrásinni.
Þrír kunnir sagnfræðingar og
sérfróðir menn um breska stríðs-
sögu líkja orrustunni um Bretland
við útblásna helgisögu og fullyrða,
að í raun hafi það verið sjóherinn,
sem hélt Hitler frá breskum
ströndum. Kemur þetta meðal ann-
ars fram í grein eftir Andrew
Gordon, yfirmann sagnfræðistofn-
unar sjóhersins, í tímaritinu Hi-
story Today.
„Það er vissulega kominn tími til
að kveða þessa tröllasögu niður. Að
halda því fram að Þjóðverjar hafi
ekki ráðist inn í Bretland 1940
vegna hetjulegrar framgöngu
nokkurra ungra flugmanna er vit-
leysa. Þjóðverjar lögðu ekki í inn-
rás vegna þess að þeir vissu að hún
var dæmd til að mistakast vegna
þess hve öflugur sjóherinn var.
Skipakostur hans og styrkur var
meira en nægur til að hrinda hverri
innrásartilraun,“ segir Gordon.
Skelfileg firra
Bill Bond, stofnandi sérstaks
sögufélags um orrustuna um Bret-
land, svaraði Gordon fullum hálsi:
„Alltaf má finna einhverja, sem
vilja endurskrifa söguna, jafnvel
með einhverju bulli. Án breska
flughersins hefðu þýsku sprengju-
flugvélarnar eyðilagt hafnirnar og
þýsku steypiflugvélarnar hefðu
sökkt hverju einasta skipi. Luft-
waffe [þýski flugherinn] hefði get-
að farið sínu fram að vild. Að
segja að orrustan um Bretland sé
útblásin goðsögn er skelfileg
firra.“
Orrustan um Bretland
útblásin goðsögn?
Orrustan um Bretland Eitt af
mörgum minningarspjöldum um
Orrustuna um Bretland.
Prag. AFP. | Plútó missti í gær stöðu sína
sem níunda og fjarlægasta reikistjarnan í
sólkerfinu. Var það samþykkt á fundi Al-
þjóðasambands stjarnfræðinga í Prag í
Tékklandi í gær.
„Reikistjörnurnar átta eru Merkúr,
Jörðin, Venus, Mars, Júpíter, Satúrnus,
Úranus og Neptúnus,“ segir í tilkynningu
frá fundinum. Staða Plútós sem reiki-
stjörnu hefur lengi verið gagnrýnd og
bent á, að hún eigi ekki heima með hinum
reikistjörnunum vegna þess hve lítil hún
er og brautin óregluleg. Fengu gagnrýn-
endur byr í seglin þegar annað hnattkríli
fannst utan við braut Plútós. Það fékk
nafnið UB313 og er einnig kallað Xena. Er
það jafnstórt Plútó og ætti því að eiga
sama rétt á reikistjörnuheitinu.
Plútó ekki
reikistjarna
♦♦♦