Morgunblaðið - 15.02.2007, Side 10
10 FIMMTUDAGUR 15. FEBRÚAR 2007 MORGUNBLAÐIÐ
FRÉTTIR
● MÖRÐUR Árnason, þingmaður
Samfylkingarinnar, bar fram fyrirspurn
til menntamálaráðherra um rétt-
arstöðu íslenskrar tungu og stöðu
annarra tungumála í löggjöf og stjórn-
kerfi. Hann sagði m.a. að aðeins á fá-
einum stöðum í löggjöfinni væri
fjallað um íslensku og stöðu hennar.
T.d. sé ekkert sem bjóði þingmönnum
að tala íslensku á Alþingi.
Þorgerður Katrín Gunnarsdóttir
menntamálaráðherra sagði brýnt að
stjórnarskrárnefnd tæki málið upp og
mikilvægt væri að tryggja réttarstöðu
íslenskrar tungu. „Að setja þetta inn í
stjórnarskrána held ég að væri afar
vel til fundið og undirstrikaði mik-
ilvægi íslenskunnar.“ Taldi mennta-
málaráðherra að þingheimur myndi
fylkja sér um að tryggja réttarstöðu ís-
lenskunnar.
Íslenskan tryggð
● BJÖRGVIN G.
Sigurðsson, þing-
maður Samfylk-
ingar, kvaddi sér
hljóðs í upphafi
þingfundar í gær
um málefni grunn-
skólakennara.
Sagði hann vax-
andi óánægju
þeirra á meðal,
m.a. eftir síðasta
verkfall sem endaði með lagasetn-
ingu ríkisstjórnarinnar. Nú blasi við
að það stefni í óefni á nýjan leik. Al-
varlegt ástand geti skapast í grunn-
skólunum síðar á þessu ári og marg-
ir kennarar hyggi á uppsagnir. Spurði
Björgvin forsætisráðherra, í fjarveru
menntamálaráðherra, hvort ráðu-
neyti hans hafi formlega komið ná-
lægt þessu máli.
Geir H. Haarde forsætisráðherra
svaraði því til að þingmanninum hlyti
að vera kunnugt um að launamál
grunnskólakennara og kjarasamn-
ingar þeirra væru verkefni sveitarfé-
laga og launanefndar þeirra.
Launamál kennara
Björgvin G.
Sigurðsson
ENGIN erindi, hvorki formleg né
óformleg, hafa borist íslenskum
stjórnvöldum um einhvers konar
stuðning eða fyrirgreiðslu hér á
landi vegna hugsanlegs hernaðar
Bandaríkjamanna gegn Íran, að
sögn Geirs H. Haarde forsætis-
ráðherra á Alþingi í gær. Sagði
Geir enn fremur að sér væri ekki
kunnugt um nein áform Banda-
ríkjamanna um innrás í Íran.
Tilefni þessa svars forsætisráð-
herra var fyrirspurn Steingríms
J. Sigfússonar, alþingismanns VG,
um hvort Bandaríkjamenn hefðu
leitað hófanna hjá ríkisstjórninni
um svipaðan stuðning og þeir
fengu í aðdraganda innrásarinnar
í Írak. Steingrímur sagði að á al-
þjóðavettvangi væri vaxandi um-
ræða um að Bandaríkin hygðu á
hernaðaraðgerðir gegn Íran.
Þætti mörgum viðbúnaður þeirra
á Persaflóasvæðinu minna óþægi-
lega á aðdraganda Íraksstríðsins.
Hann sagði að enginn gerði lítið
úr mikilvægi þess að Íranar færu
að alþjóðalögum, virtu samning
um bann við frekari útbreiðslu
kjarnorkuvopna og leyfðu eftirlit
í því sambandi.
Geir sagði þróunina varðandi
kjarnorkuáætlun Írans vera
áhyggjuefni. Ýmis ríki beittu sér
fyrir diplómatískum lausnum í því
efni, sérstaklega þrjú stór aðild-
arríki Evrópusambandsins. Hins
vegar brytu Íranar bæði NPT-
samninginn og gengju gegn
ályktun öryggisráðs Sameinuðu
þjóðanna. „Auðvitað hljóta allir
að vona að það sé hægt að komast
að friðsamlegri niðurstöðu. Að Ír-
anar geti haldið áfram að þróa
kjarnorkuna og nýta hana, án
þess að auðga úran með þeim
hætti að úr verði hægt að smíða
kjarnavopn,“ sagði Geir.
Steingrímur spurði einnig
hvort ríkisstjórnin hefði skoðað
það að afturkalla loforð sem gefin
voru um afnot af íslenskum flug-
völlum og lofthelgi.
Geir sagði að heimild sem veitt
var í mars 2003 til afnota af ís-
lenskum flugvöllum og lofthelgi
hefði miðast við aðgerðir sem þá
voru í gangi gagnvart Írak. Sú
heimild hefði ekki verið formlega
afturkölluð „en hún á að sjálf-
sögðu ekki við lengur,“ sagði
Geir.
Morgunblaðið/Sverrir
Þingfundur Tuttugu fyrirspurnir voru á dagskrá fundar Alþingis í gær.
Engin erindi vegna hernaðar gegn Íran
Björn Bjarnason | 14. febrúar
Stutt í góðan
hljómburð
Nú er unnt að telja árin á fingrum
annarrar handar, þar til
okkur gefst tækifæri til
þess njóta frábærs
hljómburðar hér á
heimaslóð í tónlistar-
húsinu, sem tekið er að
rísa. Við allan undirbúning bygging-
arinnar hefur verið lögð höfuðáhersla
á að slaka alls ekki á neinu í kröfum
um hljómburð. Ég er þess fullviss, að
hinir metnaðarfullu menn, sem
standa að Portus munu fylgja þessum
kröfum fram af sama stórhug og ein-
kenndi þá ákvörðun þeirra að hafa
konsertorgel í tónleikasalnum.
Meira: bjorn.is
Ágúst Ólafur Ágústsson | 14. febrúar
Jafnaðarmönnum
treystandi
Ríkisútgjöld vaxa tíðum mikið með-
an hægrimenn eru við
völd. Þeir tala og tala
um lítið ríkisvald en
eru engu að síður hall-
ari undir að stækka
það. Orð og gjörðir
fara ekki saman. Engin
áþreifanleg rök eru um það í ís-
lenskri eða evrópskri stjórn-
málasögu að jafnaðarmönnum sé
ekki treystandi fyrir skynsamlegri
stjórn efnahagsmála.
Meira: agustolafur.blog.i.
„STYTTING námstímans er ekki markmið í sjálfu
sér heldur mikilvægur valkostur nemenda á fjöl-
breyttum námsbrautum skólakerfisins,“ sagði Þor-
gerður Katrín Gunnarsdóttir menntamálaráðherra
á Alþingi í gær.
Hún svaraði þar fyrirspurn Björgvins G. Sig-
urðssonar, þingmanns Samfylkingar, um hvað liði
fyrirætlunum um styttingu á námstíma til stúd-
entsprófs um eitt ár og hvenær gert væri ráð fyrir
því að slíkar tillögur kæmu fram. „Er hættan fyrir
framhaldsskólann liðin hjá? Hefur ráðherrann end-
anlega hent þessum tillögum á pólitíska hauga eða
vofir það ennþá yfir að Sjálfstæðisflokkurinn ætli
að skera niður og gengisfella íslenska framhalds-
skólann með þeim hætti sem boðaður hefur verið,“
spurði Björgvin m.a. þegar hann fylgdi fyrirspurn
sinni úr hlaði.
Menntamálaráðherra rakti umræðuna um stytt-
ingu náms og rifjaði upp samkomulag sem hún
undirritaði 2. febrúar 2006 við samtök kennara um
„tíu skref til sóknar í skólastarfi“. Þar hafi aðilar
sammælst um að ráðast í tíu skilgreind verkefni
sem unnin verði samhliða tillögum að breyttri
námsskipan til stúdentsprófs. Margar nefndir og
starfshópar, þar sem nær 100 fulltrúar helstu hags-
munaaðila eiga sæti, hafa komið að þessari vinnu á
sl. ári. Þótti ráðherranum ánægjulegt að finna sam-
hljóm meðal þátttakenda um að auka sveigjanleika
milli skólastiga. Flestir starfshóparnir og nefnd-
irnar hafa nýverið skilað tillögum til ráðherrans en
von er á þeim síðustu í febrúar. Þorgerður Katrín
nefndi sérstaklega tillögur starfsnámsnefndar sem
skipuð var til að efla stöðu starfsnáms.
Ný hugsun um eitt stúdentspróf
„Við gerðum okkur grein fyrir því þegar ég skip-
aði þessa nefnd að þær tillögur myndu hugsanlega
hafa áhrif á þær tillögur sem fyrir voru í ráðuneyt-
inu,“ sagði Þorgerður Katrín. Hún sagði að í
skýrslu starfsnámsnefndar væri lögð áhersla á
jafngildingu verknáms og bóknáms og eflingu
starfsnáms í framhaldsskólunum. Þar væri ný
hugsun um eitt stúdentspróf. Lagðar væru fram
róttækar hugmyndir um nýskipan framhaldsskól-
ans og endurskilgreiningu stúdentsprófsins.
„Skólanum verði veitt frelsi til að skipuleggja og
bjóða nám í samræmi við lokamarkmið námsins,
þar með nemendakröfur næsta viðtökuskólastigs
eða atvinnulífsins. Nemandi ljúki náminu á þeim
tíma sem nauðsynlegur er með tilliti til þessara
þátta. Námið miðist við inntak fremur en tíma,“
sagði Þorgerður Katrín.
Nú starfa þrjár nefndir að endurskoðun laga um
leikskóla, grunnskóla og framhaldsskóla. Spurn-
ingu Björgvins um hvort stefnt sé að því að leggja
frumvörpin fram á þessu kjörtímabili svaraði ráð-
herrann svo að hún bindi miklar vonir við að hægt
verði að leggja fram til umsagnar og umræðu frum-
vörp sem tengist breytingum á öllum skólastigum,
leikskóla-, grunnskóla- og framhaldsskólastigi.
Inntak náms ráði meira en tími
Frumvörp um leikskóla, grunnskóla og framhaldsskóla verða brátt lögð fram
ÞETTA HELST …
ÞINGFUNDUR hefst í dag kl. 10.30
með framhaldi 3. umræðu um sigl-
ingavernd. Þá eru samgönguáætl-
un 2007–2018 og samgönguáætlun
2007–2010 einnig á dagskrá auk
þriggja annarra mála.
Dagskrá þingsins
ÞINGMENN BLOGGA