Morgunblaðið - 15.02.2007, Side 19
MORGUNBLAÐIÐ FIMMTUDAGUR 15. FEBRÚAR 2007 19
MENNING
ÞAÐ þykja engar smáfréttir í djass-
heiminum að von sé á Alex Riel til
landsins með tríói sínu. Það eru 40
ár síðan hann kom hér fyrst og lék
með Íslendingum í Tjarnarbúð, síð-
an kom hann í tvígang með Niels-
Henning og einu sinni með Jesper
Lundgaard. Fyrir tveimur árum lék
Alex öðru sinni með Íslendingi og
sem betur fer fóru þeir í hljóðver og
nú er platan komin út. The Reykja-
vík Recordings. Þriðja skífan í
skífuröðinni Noedic Design, en sú
fyrsta var með Koppel, Eyþóri og
Andersson kom út 2003 og nefndist
The Iceland Concert. Nýja skífan er
mun betri hinni fyrri og munar þar
mest um trommuleik Alex Riel.
Hann er kraftaverkamaður sem
glæðir allt sem hann kemur nálægt
nýju lífi og ekki að undra að menn á
borð við Harry Edinson og Michael
Brecker hafi sóst eftir að hljóðrita
með honum og Bill Evans ráðið
hann í tríó sitt. Eyþór Gunnarsson
er löngu kominn í hóp bestu djasspí-
anista Norðurlanda og á þessari
plötu fer hann á kostum, hvort sem
er í gullfallegum ballöðum Koppels
eins og „Destination Home“ eða
blús Anderssons: „The Long Way
Blues For Charlie“. Það er eins og
hann finni alltaf fallegustu tóna
hljómagangsins í spuna sínum.
Koppel er fínn saxisti, ferskur og
hugmyndaríkur. Helsti galli hans er
að á stundum, sér í lagi er hann
leikur popplög, eins og „You Are So
Beautiful“ á þessum diski, er tónn
hans dálítið skerandi í anda bræð-
ingsmanna af miðlungsgerð. And-
ersson hinn sænski er traustur
bassaleikari, þó ekki skáki hann
dönsku kollegunum sínum sem
skipa tríó Alex Riels. Það er Mads
Vinding sem slær bassann með
tríóinu á „Pass The Bebop“, en
Heine Hansen er píanisti. Það var
ansi gaman að því er Koppel og
Alex voru hér síðast að Sigurður
Flosason blés nokkur lög með
Koppel – voru þeir eins og baldnir
folar í samleiknum og kepptust um
hylli hlustenda. Phil Woods er einn
fremsti altisti djassins sem enn lifir
og miklar andstæður í leik hans og
Koppels. Annars vegar hinn lífs-
reyndi snillingur sem kann allt og
hins vegar ungmennið sem lífið
blasir við og þarf að prófa allt.
„How high The Moon“ er flott blás-
ið og ekki er síður gaman að kons-
ertinum stutta sem Koppel skrifaði
fyrir Alex; „K.O.“ eða „Veitt á
Signubökkum“. Tær snilld. Tríó-
plata Alex hefst á „Yesterdays“ eftir
Jerome Kern þar sem hinn ungi pí-
anisti Heine Hansen sannar að hann
þekkir Art Tatum út og inn. Þó er
leikur hans mjög persónulegur og
stíllinn ekki óáþekkur stíl annars
ungs dansk píanista Olivers Antoun-
es, er hér lék með Finn Ziegler.
Jesper Lundgaard á hvern sólóinn
öðrum betri, en Alex er spar á ein-
leikinn – því magnaðri er rytma-
leikur hans. Það er varla nokkur
djasstrommari sem fer betur með
burstana eða hæhattinn og alltaf
styður hann einleikarann eins og
best verður á kosið. Meira verður
trommara varla hrósað. Það verður
mikil veisla þegar Alex, Heine og
Jesper spila á DOMO hinn 23. og 24
nk. og ekki spillir að enn mun Ís-
lendingur leika með Alex – helsti bí-
boppleikari íslenskrar djasssögu:
gítaristinn Jón Páll Bjarnason.
Eyþór,
Koppel og
Alex Riel
DJASS
Geisladiskar
Koppel, Phil Woods og tríó Alex Riels:
Pass The Bebop.
Tríó Alex Riels: What Happened?
Cowbell Music. Dreifing: 12 Tónar.
Benjamin Koppel, Eyþór Gunnarsson, Alex
Riel og Thommy Andersson: The Reykjavik
Recording
Vernharður Linnet
VETRARHÁTÍÐ verður haldin í sjötta sinn dag-
ana 22. til 24. febrúar nk. Fjölmargir viðburðir
eru á dagskrá og þar á meðal nokkrir, sérstaklega
ætlaðir ungu fólki.
Fyrir tónelsk og dreymandi ungmenni
Hitt húsið verður baðað ljósum við upphaf Vetr-
arhátíðar og tónar og taktar leiknir og slegnir.
Fimmtudagsforleikur verður haldinn í kjallara
þar sem rokkið tekur völdin, opið gólf verður á
þriðju hæðinni þar sem búkarnir breika
Boðið verður upp á tónleika í Þróttheimum þar
sem unglingar í hverfinu fá tækifæri til að láta ljós
sitt skína undir yfirskriftinni það er „yndi að vera
indí“.
Fyrir sundgarpa og vatnadísir
KR Super Challenge
Gullmót KR í sundi fer fram í Laugardalslaug
23.–25. febrúar 2007. Sem hluti af dagskrá Vetr-
arhátíðar Reykjavíkur verður sérstök skemmti-
dagskrá á laugardagskvöldinu kl. 19.30–21.15 með
tónlist o.fl.
Fyrir listunnandi ungmenni
Listasýning með graffiti-þema. Sýningin er inn-
blásin af Hip hop-menningunni og sýnir verk á
striga, fatnað, skúlptúra, videolistaverk og fleira.
Lifandi tónlist.
Eitt af samstarfsverkefnum Vetrarhátíðar og
frönsku menningarhátíðarinnar Pourquoi pas? er
samkeppni sem haldin er fyrir frönskunemendur
á framhaldsskólastigi. Þema keppninnar er
„Frakkland með þínum augum“ og nemendur
munu hafa möguleika á að tjá sig á frönsku með
því að nota nánast hvaða miðil sem þeim dettur í
hug.
Vetrarhátíð – líka
fyrir ungt fólk
Morgunblaðið/Kristinn
Veggjakrot Graffitiþema verður í Kartöflu-
geymslunni í Ártúnsbrekkunni.