Morgunblaðið - 15.02.2007, Síða 23
úr bæjarlífinu
MORGUNBLAÐIÐ FIMMTUDAGUR 15. FEBRÚAR 2007 23
E
N
N
E
M
M
/
S
ÍA
/
N
M
2
4
3
4
6
Sævarhöfða 2 Sími 525 8000 www.ih.is Opið: Mánudaga – föstudaga kl. 9.00 - 18.00 og laugardaga kl. 12.00 - 16.00
Selfossi
482 3100
Umboðsmenn
um land allt
Njarðvík
421 8808
Akranesi
431 1376
Höfn í Hornafirði
478 1990
Reyðarfirði
474 1453
Akureyri
461 2960
2.790.000kr.
Saab 9-3 Linear 1.8 i, beinskiptur
Saab
Ertu ekki örugglega í þotuliðinu?
Framleiðendur hinna virtu Saab bifreiða eiga að baki áratugalanga sögu sem flugvélaframleiðendur. Saab
9-3 hefur fengið fjölda verðlauna fyrir frábæra aksturseiginleika og öryggi. Sannkölluð evrópsk gæði,
skemmtileg hönnun, öflug vél og ríkulegur staðalbúnaður er það sem gerir Saab 9-3 að afburða bíl.
Nú bjóðum við þér eina af þotunum í Saab bílaflotanum, 9-3 Linear, á frábæru verði.
Komdu og reynsluaktu, finndu muninn!
Kaupþing mun hafa sýnt áhuga á að reisa
nokkurra hæða hús sunnan við Glerártorg, þar
sem smurstöð Esso var árum saman en nú er
Vélatorg, sem selur m.a. dráttarvélar. Þar yrði
þá, að sögn, m.a. útibú bankans hér í höfuðstað
Norðurlands og e.t.v. önnur starfsemi einnig.
Heimir Kristinsson færði konu sinni Gunni
Ringsted, óvenjulega sextugsafmælisgjöf á
mánudaginn; þá að hann væri annar tveggja
sem átti vinningstillögu að nafni á menningar-
húsið sem nú rís við Strandgötuna, steinsnar
frá heimili þeirra. Gunnur orti ljóð í tilefni
dagsins, og flutti Heimir hana í samkomu þar
sem tilkynnt var um vinningsnafnið, Hof. Vís-
an er svona:
Að heiman ég horfi
á húsið rísa.
Eigum þar auðgun
andans vísa.
Ólgar þar eldhugans
öflug bylgja.
Hof skal það heita,
heill því fylgja.
Kunningi minn, menntaður í Danmörku, var
ekki lengi að átta sig á því hver yrði húsdrykk-
urinn í nýja menningarhúsinu; að sjálfsögðu
Carlsberg Hof hinn danski.
Íþróttaráð Akureyrar, sem gárungarnir kalla
IRA, tók vel erindi Braga Sigurðssonar læknis
á dögunum, en hann skoraði á ráðið að fjar-
lægja alla ljósabekki úr þeim mannvirkjum
sem undir það heyra. Bekkir af þessu tagi eru í
Sundlaug Akureyrar en unnendur slíkra gervi-
sólbaða verða brátt að leita annað en þangað.
Öfund er málefni dagsins á vikulegum fyr-
irlestri um dauðasyndirnar sjö, á Amts-
bókasafninu kl. 17.15. Það er Valgerður Dögg
Jónsdóttir sem flytur erindið í dag.
Fyrsta flug frá Akureyri til Reykjavíkur í gær-
morgun tafðist í drjúga stund vegna þess að
flugvélin var læst inni í flugskýli! Ekki var
hægt að opna dyrnar vegna bilunar í rafbúnaði
og eðlilega var ekki farið í loftið fyrr en að við-
gerð lokinni...
Morgunblaðið/Skapti Hallgrímsson
Kaupþing? Fjölbýlishúsin á Baldurshagalóðinni til vinstri, Vélatorg er fyrir miðri mynd.
AKUREYRI
Skapti Hallgrímsson
Það spurðist til HreiðarsKarlssonar að forseti Íslands
hefði tekið sæti í Þróunarráði
Indlands í eigin nafni, en ekki á
vegum forsetaembættisins eða
utanríkisráðherra:
Ólafur hefur einkum það fyrir stafni
sem einhverri birtu varpar á forsetann.
Og hann situr í eigin blessaða nafni
án þess að ráðfæra sig við nokkurn
mann.
Friðþjófur Torfason leitar
frekari upplýsinga um eftirtaldar
vísur, sem hann telur sig hafa lært
af mönnum frá Hellissandi fyrir um
60 árum. Tildrögin, eins og hann
heyrði þau, voru þau að prestur og
drengur voru á ferð saman, urðu
saupsáttir og þá varpaði presturinn
fram:
Drengur minn þú deyrð í vetur
dettur niður fyrir arnarsetur;
kríuskítur og kamarhretur
kveddu á móti ef þú getur.
Drengurinn svaraði:
Prestur minn þú ert sómasæll
syngur hátt við messu,
en vesalmenni og vinnuþræll
verðurðu upp frá þessu.
Þetta þótti hvort tveggja ganga
eftir, drengurinn féll fyrir björg
veturinn næsta og presturinn þótti
auðnulítill eftir þetta.
pebl@mbl.is
VÍSNAHORNIÐ
Af dreng
og presti
DREKKI fólk þrjá bolla af tei á dag
eða meira hefur það sömu þýðingu
og að drekka mikið af vatni en fá að
auki andoxunarefni í líkamann. And-
oxunarefni eru talin verja fólk gegn
hjartasjúkdómum og sumum teg-
undum krabbameins.
Sérfræðingar telja að það séu að-
allega svokölluð flavonoids andoxun-
arefni sem gegni lykilhlutverki sem
hollustuefni í teinu. Umrædd efni
eru t.d. í ýmsum ávöxtum og plönt-
um og þar á meðal í telaufum. Sér-
fræðiteymi við Kings-háskólann í
London komst að því að þrír eða
fleiri bollar af tei geta minnkað líkur
á hjartaáfalli og aðrar rannsóknir
hafa leitt í ljós vörn gegn sumum
tegundum krabbameins. Þá hafa
rannsóknir einnig sýnt að efnið get-
ur varið fólk gegn tannskemmdum
og jafnvel styrkt bein.
Dr. Carrie Ruxton hjá Kings-
háskólanum í London segir fullum
fetum að tedrykkja sé í raun betri en
vatnsdrykkja. Þó nefnir hún að te
geti hamlað upptöku járns í fæðunni
svo tedrykkju ætti fólk að forðast á
matmálstíma þjáist það af járn-
skorti. Ruxton hvetur yngra fólk til
að láta af gosþambi og snúa sér þess
í stað að tedrykkju.
Te hollara
en vatn
heilsa