Skinfaxi - 01.11.1938, Side 47

SKINFAXI
127
moveméht, — sem ensk blöð hafa gert sér tíðrætt um
og rómað, og vakið hefir athygli víða um lieiin.
Af mörgum ástæðum var mér hlutverk þetla kær-
komið. í margra ára starfi mínu með ísl. ungmennum,
bæði í sveit og við sjó, hefir áhugi minn á íþróttum,
sem leið til almennra umbóta á líkamsuppeldi þjóðar-
innar, farið sívaxandi. Var mér því hugleikið að fá sem
gleggsta mynd af skipulagi þessara mála með nágranna-
þjóðum vorum. Þá lék mér nokkur forvitni á að kynn-
ast nánar þessari ensku „hreyfingu“, er eg aðeins vissi
óglögg deili á, en margir töldu vera hýsna merkilega
og eftirbreytnisverða. Var þó eigi laust við, að sænskir
íþróttafrömuðir gæfi mér í skyn, að eg gæti vel sparað
mér Englandsförina og varið heldur fé mínu og tíma til
nánari kynna af sænsku íþrótta-„hreyfingunni“!
En hvað sem þessu leið, l'ór eg til Englands. — Eftir
heimkomu mína skýrði eg forsætisráðherra frá athug-
unum mínum, svo og milliþinganefndinni í íþróttamál-
um, er nú situr á rökstólum og vinnur að skipulagningu
þeirra mála, er lúta að líkamsuppeldi þjóðarinnar.
II.
Áðu r en eg geri nánari grein fyrir ensku íþróttahreyf-
ingunni, vil eg vikja fáeinum orðum að líkamsuppeldi
og æskulýðsmálum þriggja annarra liervelda Norður-
á!fu: Þýzkalands, Italiu og Sovét-Rússlands. Rétt mynd
af aðgerðum og afstöðu þessara þjóða til málefna
æskulýðs og íþrótta, gefur lykil til skilnings á veiga-
miklum þætti í ensku íþróttahreyfingunni, eða a. m. k.
á orsökum hennar og upphafi.
Próf. Stephen H. Roherts segir i hók sinni: „The
House tliat Hitler Built“ m. a.: „Öll þýzka þjóðin vinn-
ur nú af alefli að líkamsrækt .... Letrað á þúsundir
múra i þýzkum borgum blasir við auga vígorðið: Kyn-
stofninum allt!“
I sömu hók greinir höf. frá því, að leikfimismám og