Náttúrufræðingurinn - 1954, Page 13

LÍFIÐ I DJÚPUM HAFSINS
59
(þar er hitastigið um 1—2° C) og hita yfirborðslaganna, verða dýr-
unum að bana. Þau fá nokkurs konar hitaslag.
Sumir ormar og sæbjúgu eru ólík fiskunum að því leyti, að þau geta
lifað á mismunandi dýpi, allt frá 100 metrum og niður í 6000 metra
dýpi. Það er ennþá hulin ráðgáta, hvort okkur hefur aðeins tekizt að
rannsaka ytra sköpulag dýranna, án þess að verða varir við efna-
fræðilegan eða lífeðlisfræðilegan mun, sem á þeim er. Það vakti furðu
okkar, að finna í Sunda-, Salomon- og Kermadekdjiipunum algengt
sæbjúga, Elpidia glacialis, sem áður var álitið sérkennilegt fyrir botn-
dýralíf Norður-lshafsins.
Áður en hægt er að draga saman árangur „Galathea“-leiðangurs-
ins, þai'f að x-annsaka svo fjölda margt. Við veiddum mörg þúsund
dýr á meira dýpi en 6000 metrum, og tilheyra þau yfir 100 tegund-
um. Þama höfðu áður veiðzt um 20 dýr, af 6 eða 7 tegundum. Ann-
ars staðar úr hafdjúpinu náðum við ógrynni kvikinda og hafa sum
þeirra aldrei fundizt áður, og önnur ekki síðan eldri .,Challenger“
var gerður út. Gnótt athugana um leiðangurinn verður birt í vís-
indalegum ritgerðum, sem nú er verið að byrja að prenta.
Rannsóknir prófessors ZoBells á þrýstingssæknu gerlunum urðu
lykill að skilningi okkar á lífsskilyrðum hafdjxxpsins, og gætu þær
leitt til dýpri skilnings á lífinu sjálfu.
Það er okkur mikið fagnaðarefni, að enn á ný hefur Danmörk
lagt fram sinn skerf til hafrannsókna. En kjölfar „Galathea" er að-
eins örmjótt strik um úthöfin. Margra fleiri rannsóknarferða er þörf,
því að enn geymir Ægir mikla leyndardóma í skauti sínu.