Náttúrufræðingurinn - 1954, Blaðsíða 69

MENN OG MÁLEFNI
111
Sitt af hverju
Löng forsæla.
1 síðustu árbók Ferðafélags fslands (1953), sem rituð er af Þorsteini
sýslumanni Þorsteinssyni, er birt eftirfarandi vísa um bæinn Svarta-
gil í Norðurárdal, eftir Svein frá Mælifelli, sem þar var ráðsmaður:
Átján vikur sól ei sér
Svarta hér á gili.
Norðankælan erfið er
á því tímabili.
Löng er hún, forsælan á bænum þeim, en þó er hún sums staðar
lengri. Um Syðra Fjörð í Lóni kenndi Vilmundur landlæknir mér
eftirfarandi erindi eftir Eirík Guðmundsson frá Hoffelli í Nesjum
(f. 13. jan. 1844, d. 31. jan. 1931), einn hinna nafnkunnu Floffells-
bræðra, en Eiríkur bjó síðast í Syðra Firði:
Mikaels frá messudegi
miðrar Góu til,
í Syðra Firði sólin eigi
sést það tímabil.
Og að þreyja í þessum skugga
þykir ýmsum hart;
samt er á mínum sálarglugga
sæmilega bjart.
Mikaelsmessa er 29. september og varir forsælan í Syðra Firði
samkvæmt því um tuttugu og fjórar vikur.
Kann nokkur frá lengri forsælu að segja? S. Þ.
*
Jarðvegsbakteríur og olíuleit.
R. J. Strawinski bakteriufræðingur við Louisiana háskóla hefur tekið ,,patent“ á
nýrri aðferð við olíuleit, er liyggist á rannsókn jarðvegsbaktería. Jarðfræðingar hafa
lengi álitið, að gas sem er samfara oliu i jörðu mundi yfirleitt leita upp í efri lög
og jarðveg, Jrótt í smóum stíl væri og ómælanlegum. Strawinski ályktaði því að
sérstakar bakteríur í jarðvegi mundu þá lifa á gasinu og rannsóknir hans hafa leitt
í ljós, að olía er jafnan í nánd við þá staði, þar sem slíkar bakteríur finnast í jörðu.
(Science, 5. marz 1954). — T. E.