Náttúrufræðingurinn - 1993, Qupperneq 118

Þá voru skipaðir vinnuhópar um ýmis
afmörkuð vandamál, svo sem hvernig
skyldi meðhöndla slæðinga og aðflutt-
ar tegundir, litningafjölda tegunda,
vistfræðileg atriði og sitthvað fleira.
Vinna við flóruna hefur gengið
nokkuð vel en er orðin heldur á eftir
áætlun; þó mun fyrsta bindi hennar
verða tilbúið til prentunar vorið 1994.
Öðru bindi miðar einnig vel áfram og
ætti það að verða tilbúið tveim til
þrem árum síðar, en gert er ráð fyrir
að útgáfan öll taki tíu til tólf ár.
Eins og áður segir verður þessi flóra
ekki endurprentun á fyrri flórum með
tegundaskilgreiningum og lýsingum
þeirra. Sérfræðingarnir sem skrifa í
flóruna munu rannsaka plöntur í söfn-
um og önnur gögn sjálfir, vega og
meta skoðanir eldri höfunda á að-
greiningu og nöfnum tegunda og
byggja síðan tegundalýsingar og
greiningarlykla flórunnar á eigin
niðurstöðum. Ritstjórnarmenn og út-
gáfunefndir fá öll handrit til yfirlestrar
og athugasemda, og þegar höfundar
hafa síðan farið yfir þau aftur fer rit-
stjórn yfír þau á ný. Þannig er reynt
að tryggja sem best að allar athuga-
semdir komist á framfæri og niður-
stöður verði sem réttastar. Myndir til
skýringa á texta verða í ritinu, einkum
af þeim atriðum í byggingu og vaxtar-
lagi plantnanna sem mestu máli skifta
við aðgreiningu skyldra tegunda en
síður af heilum plöntum, og hafa
nokkrir færustu plöntuteiknarar Norð-
urlanda verið fengnir til að gera
myndirnar.
Auk þess sem íjallað er um út-
breiðslu hverrar tegundar í texta verð-
ur hún sýnd í stórum dráttum á kortum
í litlum mælikvarða. Hverju landi er
því skift í útbreiðlusvæði þar sem tillit
er tekið til Qölmargra atriða, einkum
plöntulandafræðilegra, og sú skifting
notuð bæði í textanum og á kortunum.
í textanum eru svæðin auðkennd með
skammstöfun á nafni þeirra en á kort-
unum merkt með depli á hvert svæði
þar sem tegundin vex, mismunandi að
stærð og lögun eftir því hve algeng
tegundin er og hvort hún vex þar villt
eða sem slæðingur. I fyrsta bindi
verksins verður svo inngangur með
ýmsum kortum og plöntulandafræði-
legum skýringum og tveimur skrám
yfir fræðiorð, annars vegar orð varð-
andi ytri gerð og útlit plantnanna en
hins vegar vistfræðileg heiti, á öllum
norðurlandamálum og á ensku.
SKIFTING ÍSLANDS í
ÚTBREIÐSLUSVÆÐI
Eins og áður sagði verða útbreiðslu-
kort allra tegunda í flórunni, auk þess
sem útbreiðslu er getið í lesmáli og
hverju landi skift í útbreiðslusvæði.
íslenska útgáfunefndin velti því mikið
fyrir sér hvernig best og réttast væri
að skifta Islandi í útbreiðslusvæði í
ritinu. Það lá ef til vill beinast við að
nota sömu svæðaskiftingu og gert er í
þriðju útgáíú Flóru Islands eftir
Stefán Stefánsson, sem Steindór Stein-
dórsson, Ingólfur Davíðsson og
Ingimar Óskarsson sáu um og kom út
1948, en að vel athuguðu máli var það
ekki gert. I fyrstu útgáfu Flóru Islands
1901 og í annarri útgáfu frá 1924, sem
var að mestu tilbúin til prentunar
þegar Stefán Stefánsson lést, er land-
inu skift í fimm útbreiðslusvæði,
Austurland, Norðurland, Norðvestur-
land, Suðurland og Suðvesturland.
Mörk svæðanna eru tilgreind en þó
hvergi sé útskýrt hvers vegna þau eru
höfð þannig virðist augljóst að sýslu-
mörk ráða þar mestu. Alla vega er
auðséð að þetta eru ekki fyrst og
fremst plöntulandafræðileg mörk, þó
þau séu það að nokkru leyti því þó
nokkur munur er á flóru landshlut-
anna.
240