Samvinnan - 01.03.1928, Page 17

SAMVINNAN
11
muni fjölga, þangað til hver fullorðinn karlmaður hefir
bíl til umráða. Lætur og nærri, að svo sé í Californíu.
Nú er bílagerð orðin ein mesta iðnaðargrein landsins og
er þó tæplega 25 ára gömul. í merkum amerískum tíma-
ritum er því haldið fram, að bílarnir séu að gerbreyta
bæði iðnaði og lifnaðarháttum þjóðarinnar.
Þá er að athuga verkefni bílanna. Um það er víða
hægt að fá all glögt yfirlit.
Árið 1923 var hafin nákvæm rannsókn á allri umferð
á ríkisvegunum í Connecticut. Það er þéttbýlt ríki á aust-
urströndinni, að stærð ca. 12500 km.2 og hefir um 1,4
milj. íbúa. Rannsóknin stóð yfir í heilt ár og fór fram
undir umsjón vegamálastjórnarinnar í Connectieut og
vegamálastjórnar Bandaríkjanna („Connecticut State High-
way Departement“ og „U. S. Bureau of Public Roadsu).
Ríkisvegirnir í Connecticut eru til samans 2500 km. að
lengd. Allir vagnar, sem um vegina fóru, voru taldir og
skýrslur gerðar yfir, hversu langar leiðir þeir fóru, hverr-
ar gerðar og stærðar þeir voru og hvað þeir fluttu. Þar
að auki voru allir vagnar vegnir á átta stöðum, þar sem
umferðin var mest.
Af því að rannsóknin náði yfir stórt svæði og lang-
an tíma, má margt af henni læra. Hér verður einkum
skýrt frá því, sem kemur vöruflutningabílum við. Allur
þorri flutningsbíla er eign einstaklinga og notaður í þarfir
eigendanna eingöngu. í Evrópu mundu þeir taldir sem
hver annar „luksus“. Það er því eigi rétt að telja nema
nokkurn hluta fólksflutningsbílanna, þegar rætt er um
samgöngutæki fyrir þjóðarheildina.
Það kom í ljós, að stærð vöruflutningabílanna í Con-
necticut fór að mestu leyti eftir því, hverskonar vörur
voru fluttar og hve langan veg þeir áttu að fara.
Vöruflutningabílar þeir, er fóru um ríkisvegina í Con-
necticut voru alls 83 þús. tæpar. Per hér á eftir skýrsla,
er sýnir fjölda bíla með ákveðnu burðarmagni í hlutfalli
við alla bílatöluna: