Samvinnan - 01.03.1928, Page 54

48
SAMVINNAN
í lélegnm hreysum. Æskumennjrnir flýja dalina og nátt-
úrufegurðina. Þeir treystast ekki til að skapa fyrirmynd-
arheimilið, sem Eggert kvað um í Búnaðarbálki. Þung-
orður yrði Eggert nú á dögum. Eigi mundi honum efnis
vant í nýjan „Eymdaróð“.
Skal nú að lokum freistað að marka fáum föstum
dráttum stefnu Eggerts:
Hann var fyrst og fremst athafnamaður og
mótfallinn kyrstöðu.
Hann trúði á mátt lands og þjóðar til framfara.
Hann vildi efla almenna þekkingu og mentun (sbr.
náttúrufr. og málfr.). Hann hugði að þjóðin ætti að meta
meir sál sína en fjármunalegan hagnað.
Hann taldi að meir væri vert um öryggi teknanna
en hæð.
Landbúnaðinn taldi Eggert þann atvinnuveg, er best
skilyrði skapaði framförum þjóðarinnar og heill.
Að þessu ber íslendingum að hyggja í hvert sinn sem
þeir minnast Eggerts Ólafssonar.
Góðir lesendur! Hjálpið til þess að skapa nýtt land
og nýja þjóð. Minnist þess umfram alt, að kyrstaðan er
oftast undanfari dauðans, hvort sem um einstakling eða
þjóðfélag er að ræða. Styðjið framsóknina í þjóðlífinu.
Þá eru Eggert þakkir goldnar.
Gísli Guðmundsson.