Andvari - 01.01.1945, Side 29

ANDVARt
Þorstcinn Gíslason
25
riks Ibsens og mörg fleiri, sem hér verða ekki talin. Ivvæði
þessi voru vitanlega misjöfn að gæðum, en öll báru þau ein-
kenni hins þjóðrælcna liugsjónamanns og bragsnjalla skálds,
sem kunni sér hóf, og varð þvi Þorsteinn nokkurs konar hirð-
skáld íslendinga. Það er að vonum, að dýpstu og' viðkvæmustu
tónar hvers skálds enduróma sjaldan í þeim kvæðum, sem
pöntuð eru við hátíðleg tækifæri. En einnig í mörgum þess-
ara kvæða hirtist lífsskoðun Þorsteins, vorhugur hans, ást á
íslenzkri náttúru og trú á framtíð landsins barna.
IV.
Tímans elfur streymir áfram og skolar flestu því burt, sem
mikilsvert er talið á hðandi stund. Ný viðfangsefni bíða hverr-
ar þjóðar, en sagan geymir minningarnar. En einnig þær
mást og eftir verða nokkrir aðaldrættir, og samhengi sögunnar
helzt. Hvernig sem þjóð vorri farnast á ókomnum öldum, mun
tíniabilið frá aldamótum 1900 og fram til vorra daga ætíð
verða talið til hinna merkustu í sögu þjóðarinnar. Á þessu
Ihnabili var sótt fram á öllum sviðum þjóðlífsins, í atvinnu-
málum og hvers lcyns menningu, og lokabaráttan háð í sjálf-
stæðismálum þjóðarinnar. Aldrei liafa jafnstórstígar fram-
farir orðið á Islandi síðan land bjrggðist og á þessum árum.
Margir hafa lagt hönd á plóginn og mörg átök verið gerð. En í
hópi þessara vormanna Islands var Þorsteinn Gíslason. Hann
átti mikilvægan þátt í að l'ræða þjóð sína og eggja til dáða.
Hann stóð um langt skeið framarlega í stjórnmálabaráttunni,
en þegar minning þess máist og bliknar, munu mörg hinna
Ijufu kvæða lians lifa og orna óbornum niðjum landsins.