Menntamál - 01.03.1936, Qupperneq 61

MENNTAMÁL
59
tréskurðaruppdráttuin. Þess vegna gáfum við nokkuð af
uppdráttum okkar út fjölritað. Sex drengir, 13—14 ára,
unnu að fjölrituninni eftir að skóla var slitið s. 1. vor.
Þeir kennarar, sem kynnast vilja uppdráttum þessum,
geta fengið þá frá Bókaverzluninni Mímir í Reykjavik,
sem hefir aðalútsölu þeirra. Þetta eru 11 „folio“-blöð í
kápu og kosta eina krónu.
Má ég að lokum mælast til þess, að kennarar athugi
kosti tréskurðar sem skólavinnu og uppeldismeðals, og
hugleiði möguleika á að kenna hann almennt í skólum.
Aðalsteinn Sigmundsson.
Ásgeir Ásgeirsson, frœðslumálastjóri, sem eins og kunnugt er,
er nýlega kominn heim úr fyrirlestraferð um Bandaríki Norður-
Ameriku, hefir heitið ritstj. Menntamála, að rita í næsta hefti
grein, er hann nefnir: Skólanám og nýsveinar. Greinin fjallar
um efni, sem er lítt eða ekki kunnugt hér heima, og mun áreiðan-
lega vekja athygli.
Hrafnablek. Vakin skal athygli kennara á liinu nýja íslenzka
bleki, sem auglýst er hér í blaðinu. Það hefir þýðingu fyrir skrift-
arkennslu, að blekið sé gott. Nokkur reynsla er þegar fengin,
er bendir til þess að hér sé um gott blek að ræða.
Ferðafélag fslands. Kennarar ættu að veita athygli auglýsingu
frá félaginu hér í blaðinu, þar sem boðin eru kostakjör á ferða-
bókum Daniels Bruun. 1 árbókum félagsins er einnig að finna
ógætar lýsingar á merkum stöðum, hclztu ferðaleiðum og um
jarðfræði. Ennfremur eru árbækurnar prýddar ágætum mynd-
um, sem eru til þess kjörnar að sýna í skuggamyndavél i kennslu-
stundum.
Menningarmál er það hverjum íslendingi, að ganga í islenzk-
um fötum (sjá auglýsingu Gefjunnar).