Menntamál - 01.09.1937, Qupperneq 4

82
menntamA^
inu yfirleitt eigi eftir að njóta góðs af starfi hans. Viljum vér
um leið nota tækifærið og hvetja lesendur Menntamála til að
lesa með athygli þessa merku grein.
Hvað er greind? Greind er þýðing á alþjóðaorðinu „in-
telligens“. En um það eru nokkuð ósamhljóða dómar,
hvaða skilning beri að lcggja í þetla liugtak. Þess vegna
hefir þeirri gagnrýni verið haldið þráfaldlega á lofti gegn
greindarmælingum, að menn viti ekki, hvað menn séu
að mæla, þar sem það sé engan veginn vissa um það feng-
in, hvert sé eðli greindarinnar. Þessu má svara, að menn
hafi lengi mælt rafmagn án þess að vita, hvað rafmagn
væri. — Greind er orð, sem allur almenningur ber sér
i munn daglega og er ekki í nokkurum vafa um það, að
blákaldur veruleiki liggi að baki merkingar þess orðs.
Það er því út frá sjónarmiði heilbrigðrar skynsemi, að
greindarmælingarnar eru reyndar. Þær hafa um fram allt
það markmið að fá fyllri og nákvæmari þekkingu um þá
hversdagslegu staðreynd, sem kölluð er greind, um eðli
hennar og hlutverk. Þeir, sem hafizt hafa handa til þess
að rannsaka það mál, hafa kosið lieldur að vita nokkuð
heldur en ekki neitt. Þeir hafa ekki sinnt hinni ófrjóu
gagnrýni, sem á var minnzt. Og það er mála sannast, að
nú vita menn miklu meira um greindina en áður en þessar
rannsóknir hófust. Nú er meira að scgja svo komið, að
ein skilgreining á hugtakinu hefir hlotið allalmenna við-
urkenningu meðal sálfræðinga.
Það eru aðallega þrjú atriði, sem koma til greina, er
rætt er um eðli greindarinnar. — (I.) Er greindin ein og
óskilin starfsemi eða er hún samsett úr mörgum ólíkum
þáttum? — (II.) Hvað er það, sem einkennir hið greindar-
lega atferli? — (III.) Hvaða hlulverk hefir greindin í lífi
og starfi mannsins?
Um fyrstu spurninguna liefir verið hóð allsnörp deila
milli enska sálfræðingsins S])earman og ameríska sál-
fræðingsins Thorndike. Spearman kennir, að greindin sé