Menntamál - 01.12.1939, Blaðsíða 52
178
MENNTAMÁL
en hún sér yfirleitt um allar sendingarnar og athugar bæk-
urnar áður, og því ber ungliðunum ætíð að senda allt til
aðalstjórnarinnar, sem senda á til deildanna erlendis. Um
leið og þetta starf ungliðanna eykur skilning og vináttu
þeirra á milli, eykur það þekkingu þeirra á framandi þjóð-
um og leikni þeirra í að nota og skilja erlend mál. Loks
vil ég nefna undir þennan lið ungliðadeildaþingin, sem háð
hafa verið í ýmsum löndum með mikilli þátttöku og áhuga
ungliðanna. Vitanlega hafa þau geysi mikla þýðingu, því
að þar kynnast börnirí af eigin raun háttum og siðum hvers
annars, og vil ég í því sambandi geta þess, að í ráði hefir
verið að Samband Rauða Kross félaganna í París stefndi
til slíks alþjóðamóts ungliðadeilda Rauða Krossins.
Ég hefi hér að framan reifað nokkuð starf og skipulagn-
ingu ungliðadeilda Rauða Kross félaganna. Rauði Kross
íslands hyggst nú, eins og ég gat um í upphafi, að heita
á æsku lands vors til starfs innan vébanda hans. Hann
hefir þegar samið lögin fyrir hinar tilvonandi ungliða-
deildir sínar. Hann trúir því, að sá málstaður, sem hér
liggur til grundvallar, fái hljómgrunn í hjörtum íslenzkra
barna og veki áhuga þeirra fyrir Rauða Kross starfseminni.
Hann trúir því, að foreldrar og kennarar vorir sjái gildi
þessa starfs og hvetji börnin til hollra og nytsamra átaka
innan vébanda Rauða Kross íslands. Hann trúir því, að
starfsemi ungliðadeildanna verði einn öflugur liður i því
starfi að gera Rauða Kross íslands að sterku og voldugu
félagi, sem muni takast í framtíðinni að lyfta mörgum
Grettistökum í framfara- og menningarmálum þjóðar
vorrar.