Menntamál - 01.12.1939, Blaðsíða 57
MENNTAMÁL
183
aö sínum óskum. Um störf B. B. fyrir kennarasamtökin er
ritað í síðasta hefti og vísast til þess. En bæta má því við,
að áhrif B. B. á Alþingi fyrir málefni kennara eru ómetan-
leg, einkum á öðrum eins timum og nú standa yfir. Mörg-
um kennara mun að vísu þykja lítið vinnast á, og er það
að vonum. En þeir sem vita hverskonar andi svífur yfir
vötnunum á þessum svartnættis- og vandræðatímum, þeir
skilja, að mikið átak þarf til þess eins, að halda í horfinu.
Og víst er um það, að B. B. liggur ekki á liði sínu, þegar
hagsmunir kennara og kennslumála eru annars vegar.
Hallgrímur Þorsteinsson, söngkennari
sjötíu og fimm ára
Hallgrímur Þorsteinsson söngkennari varð 75 ára 10.
april s. 1. Hann er fæddur í Hrunamannahreppnum og
ólst upp í Hruna. í uppvextinum vandist hann algengri
sveitavinnu. En það var á þeim árum, er ný tónlist var að.
nema hér land. Pétur Guðjohnsen var að ljúka sínu mikil-
væga æfistarfi. Jónas Helgason var að vinna sitt merka
starf. Um þær mundir var nýkomiö harmoníum í Hruna-
kirkju. Hallgrímur varð heillaður af hljómunum. Hann
ákvað að læra að leika á harmoníum. Tvisvar fékk hann
frí frá vinnumennskunni, tíu daga í hvort skipti, og stund-
aði þá námið af kappi. Námstíminn var ekki langur, en
samt er það svo, að Hallgrímur hefir orðið kunnur fyrir
störf sín i þágu sönglistarinnar. Hann var sex ár organisti
í Hrunakirkju og 14 ár organisti á Sauðárkrók. Hann lærði
lúðrablástur hjá Helga tónskáldi Helgasyni. Hefir hann
komið á fót og stjórnað mörgum lúðrasveitum. Enn hefir
hann kennt mörgum að leika á harmoníum og haft á hendi